حبيبتي ... هل انا حقا حبيبته

الحلقة 11

أميرة لسه في صدمتها .. هو سامي حس انها عايزة تكلمه .. من غير اي سبب ..خير .. الفترة الاخيرة بقوا يتكلمو كتيير .. والفضل لندى .. من كتر ما بيتخانقو بقى في فرصة ان سامي يتكلم معاها .. أميرة فرحانة ان لسه سامي بيكلمها زي الاول .. بس مضايقة ان علطول ندى في النص .. مش زي ما تكون عاوزه سامي وندى ينفصلو ..بس ع الاقل لما يكلمها يسألها مرة عن نفسها ..يسألها مرة اخبارها ايه ..مش ندى و ندى وبس .. هي مش ساعي بريد ..يوصل جوابات وسلامات .. ولا اسامة منير عشان تسمع شكاوي المحبيين

زي ما يكون سامي اتردد انه يكمل رسالته .. عمل "سيين " بس مردش ع الرسالة فترة وبعدين كتب ..عاملة ايه ؟
كان سامي عايز يقولها انه اتخانق مع ندى تاني .. وانه خلاص مش مستحمل الخناقات الكتير دي ..وفاض بيه ، بس افتكر ان ندى هتضايق تاني منه .. و هي معاها حق .. انا بردو مش هرضى ان شريك حياتي يقول لحد من ااصدقائي عن مشاكلنا .. بس انا عملت كده ع اساس اننا التلاتة صحاب .. مش قصدي زي ما فهمت ندى

مع ان تفكير سامي في ندى .. الا ان اميرة كان قلبها بيتنطط ع الطرف التاني ..انه اخيرا حوار عادي .. وبيسأل عليها
ردت بسرعة : انا الحمدلله تمام ..(قعدت تكتب كتير ..تستغل الفرصة انه سأل عليها ) .. بس الشغل بقى مرهق ، من ساعة ما جه المتدرب الجديد ده .. والدنيا بقت سمك لبن تمر هندي
سامي امبسط ان دفة الحوار اتغيرت ،وانها مسألتهوش على ندى ولا حصل ايه بينهم و جراها في الحوار : ليه ؟ مش بيشتغل ؟ ..
أميرة : ياريت .. المصيبة انه بيعمل شغله ع اكمل وجه ، بس له عادات غريبة كده ؟!
سامي : مش فاهم ..
أميرة : بيحب القراية والكتب اوي ..
سامي : ايه المشكلة ؟!
اميرة : المشكلة انه بياكلها ؟!
سامي : ايه !!
اميرة : اه .. اداني امبارح ساندوتش بيض !! بطعم الورق لكتاب هو بيحبه اوي ..
سامي : ايه ! اهنو كتاب ؟؟
اميرة : ده المهم دلوقت .. انا استغربت انه بيأكل كتب !!
سامي : هههههههههههههههههههههه انا مش مصدق الي بتقوليه ده !! ..
اميرة : اه والله زي مابقولك كده ..الواد ده مجنون ..
سامي : وانتي عاوزة منه ايه يعني ..مش مهم بيعمل شغله وخلاص ..
اميرة :اه ..
سامي : بطلي بقى تفكير في الناس ، طول عمرك وانتي بتفكري في الناس ، وتفكري تساعديهم ..
اميرة حست بمدح برئ واتلبكت ومعرفتش ترد : تتفكر ..اني عاوزة ااساعده ..
سامي : اه .. طبعا ..مش بعيدن عندك فضول تعرفي هو كده ليه ؟! ومتأكد دورتي في النت كمان عن الحالة دي ..
اميرة فعلا عملت كده ..بس موصلتش لحاجة مفيدة ، طول عمره سامي كده ، حارق خطواتها وعارف كل حاجة ، بس عشان تغير دفة الحوار : انا هقفل بقى .. معلش
سامي : هو انا كل ما اكلمك تقوليلي هتقفلي .!! .
اميرة اتخضت !! ايه ده؟؟ اول مرة : معلش يا سامي ، بس والله الشغل مرهق .. اانا اسفة بجد
سامي كان لسه مضايق من حوار ندى ، و الدقايق البسيطة مع اميرة وضحكه معاها ، خرجته شوية من المود بس مقدرش يقول حاجة تاني : طيب خلاص مش هعطلك .. سلام
اميرة : سلام ..

اميرة اول مرة تحس انها خفيفة ، ممكن تطير ..اخيرا اتكلمت عن نفسها شوية ، لسامي ..اخيرا قلتله عن حياتها !! بس بعدين ؟ هو انا عادي احكيله عن تامر !! وبعدين انا حكيتله عن تامر ليه ؟؟ مفكرة يعني لما اجيبله سيرة واد هيهتم بيا .. انا عارفة اهو مش عارفة ..ولا يمكن عشان تامر شاغل تفيكيري دلوقت ..وقعدت تقول لنفسها ده بيأكل ورق !! ورق !! .. ايه القرف ده
هاجر دخلت : مالك سرحانة في ايه يا عسلية ؟؟ وشكلك مبسوط كده ليه ؟!
اميرة اتلبكت ومعرفتش ترد : ها ..؟؟ لا عادي
هاجر : ع مين .. احكي ..سمعاكي بتقولي ورق وبتاع .!!
اميرة لقتها فرصة تغيير بيها الحوار : اه صحيح .. عندي واحد في الشغل ، بيعشق الكتب ، عشق .. ده مرة بص للكتاب بتاعي كأنه بيشوف فتاة احلامه .. وبيأكل ورق !! .. وغريب
هاجر : بجد !! ..
اميرة :اه ..
هاجر : واو !! ده "حالة" ممتازة .. عرفيني عليه !
اميرة : حالة ايه ؟؟
هاجر : وش عنده ببلومانيا .!!
اميرة : بيبلو.. ايه !!
هاجر الببلومانيا .. مرض نفسي ، لحد بيحب الكتب اوووووووووووووي ،، بيحب يجمع الكتب .. عنده عاطفة اتجاه الكتب بطريقة غريبة ..مجنون كتب ، عاشق كتب .. شغله الشاغل يجمع كتب ..!
اميرة : في كده ؟!
هاجر : اه فيه كده ، اينعم حالات نادرة ، بس البشرية مليانة حاجات كتييييير غريبة و عجيبة .. ومتعرفيش ازاي العقل البشري بيتعامل مع المشاكل والصدمات الي بتواجهه ..
اميرة : اووووه ..معاكي حق ..
هاجر : .. يا بختك بتتعاملي مع حد كدة ..
اميرة : ده مطلع عيني .. بقالي شهر يا بنتي بشد في شعري ..
هاجر : هههههههههه يا بنتي دول ناس في حالهم ، زمانه بيقعد كده ع جنب ..
اميرة : اه ..فعلا ..
هاجر : ما هو مش بيهمه حاجة غير الكتب والكتب بس ..
اميرة: وده له علاج ؟!
هاجر :ايه ناوية تعالجيه !!
اميرة :يا بنتي ما تقولي اخلصي ..
هاجر : انا لسه طالبة يا بنتي .. كويس اني عارفة اسم المرض ..بس بيتعالج بالكتب ، وحد يملأ الفراغ الي الكتب واخده مكانه ..بس مش اكتر ..اي مرض نفسي او حاجة شاذة في طبيعة الانسان ، سببها الوحدة ..و الفراغ ..لازم حاجة او شخص يسد الفراغ ده .. ويعدل الموعوج ..
اميرة : ممممممممممممممممممم ..
،