Crowned Princess (Kingdom University, #3)

Chapter 6

Hindi ako nakatulog nang maayos for the past three days kaya naman sobrang inaantok na ako ngayon. Ito namang tatlong babaeng 'to, kanina pa ako pinagtatawanan pagkatapos kong ikwento lahat ng nangyari. Kung makatawa, akala mo wala nang bukas!

"Sige, sana mabilaukan kayo!" sigaw ko sa kanila at lalo lang silang natawa.

My God. Hanggang ngayon, hindi pa rin ako makapaniwala sa mga nangyari kahapon. Nakasalamuha at nakausap ko si Kevin Anthony Fuentez at sinabihan pa ako ng 'I kinda like you.'

"O, tapos ngingiti-ngiti ka ngayon?" sabi ni Jess.

"You're smiling like an idiot, Alice," sabay tawa naman ni Yna.

"Ay, pinipigilan pa! Halata naman," dagdag ni Steff.

"Che! H'wag nga kayo! Masama bang magreminisce? Malay n'yo 'yun na 'yung last moments namin together," reklamo ko naman. "Pero sobrang gwapo niya sa malapitan. Ang bango pa. Yummy."

Nagkwentuhan pa kami ng kung anu-ano dahil ilang minutes pa bago ang mga klase namin. Napunta rin ang usapan namin sa lovelife at ang sarap i-duct tape ng bibig nina Steff at Jess dahil ang lalawak ng ngiti. Sobrang saya rin nila, ano?

"Oh, look who's going here," sabi ni Steff at bigla siyang tumingin kay Jess so kahit nakatalikod ako ay alam ko na kaagad na si Patrick ang papunta sa amin.

"Ay, ay, ang landi o! Sino kaya ngayon ang nagpipigil ng ngiti?" asar ko kay Jess. Naging ayos na kasi ang lahat after ng welcome party for freshmen nung nakaraang araw at sila ang center of attention that night. Kaya nga ngayon ko lang din nakwento sa kanila ang mga nangyari dahil ayaw kong agawan ng moment ang dalawa.

"Unknown particle and amazona," sabay giggle ni Yna.

Well, nakakakilig naman kasi talaga sila. Bagay rin ang personalities nila pati na ang height. Pfft.

"I think you won't be able to sleep again," biglang sabi ni Yna kaya kumunot ang noo ko.

"Ha?"

"In short, may dalang pasalubong si Pat for you," sabi ni Steff at narinig ko na ang footsteps sa likuran ko.

Kumaway sina Steff at Yna, dahil nakaharap sila sa view, habang kami ni Jess ay hindi pa rin lumilingon sa likuran namin.

"Hi Steff! And . . ." Nanigas na ako nang tuluyan nung narinig ko ang boses na 'yun. It's Kevin's voice. Bakit siya nandito?!

"Yna," sabi ni Yna at ngumiti siya.

"Oh, hi Yna!"

Nakita kong ang lawak ng ngiti ng dalawa kaya naman inipit ko ang paa nila sa ilalim ng table pero nagpanic ako nung biglang kinausap ni Steff si Kevin.

"And this is Alice," sabay turo sa akin ni Steff.

"You know her, right?" gatong naman ni Yna.

Ugh! Humanda kayong dalawa sa akin mamaya!

"Alice?" Lalo akong nagulat nung naglean down siya kaya pagtingin ko sa gilid ko ay sobrang lapit ng mukha niya sa akin. "Hi," sabay ngiti niya at nasipa ko si Yna para pigilan ang pagpapanic ko.

My God! Bakit kailangan mong ngumiti malapit sa pagmumukha ko?!

Umupo sina Patrick at Kevin sa magkabilang gilid ng table kaya naman katabi ko si Kevin sa left side. Hindi tuloy lalo ako makapagfocus at idagdag pa ang mapang-asar na mga mukha nina Steff at Yna. Bigla ko ring naalala lahat ng nangyari kaya lalo akong 'di nakagalaw. Takte namang Kevin 'to, bakit ang lakas ng hatak mo?