The Doctor is Out!

46th Duty

Nagkatinginan naman si Farrah at Andrei ng mapansin nilang matamlay si Steffi.

"Stef, okay ka lang?" Tanong ni Farrah.

"Oo ate, grabe lang yung pagod ko sa duty." Sagot ni Steffi.

"Eh sunod-sunod na pasok ba naman yung kinuha mo eh, paano ka hindi mapapagod niyan." Sabi ni Farrah, ngumiti lang si Steffi.

"Uhm..anyway, hindi ba nagpapahanap ka ng apartment? May nakita kaming apartment sa kabilang block. Maganda siya at mura lang, I think magugustuhan mo siya." Singit ni Andrei sa usapan.

"Ah..talaga.." Matamlay na sagot ni Steffi.

"Malapit sa hospital, malapit din sa dito sa amin. Tapos nasa budget mo pa." Dagdag ni Andrei.

Hindi naman nagreact si Steffi, pinaglalaruan lang niya yung pagkain niya.

"Yun eh kung gusto pa ba ni Steffi maghanap ng apartment dito sa New York." Sabi naman ni Farrah.

"Bakit hindi mo na lang tanggapin yung job offer nila sa Manila?" Nakangiting tanong ni Andrei.

"Kuya??" Napatingin naman sa kanya si Steffi.

"Steffi, alam ko gusto mo dito sa New York. Pero alam ko din na hindi ka masaya dito... Ngayon, bakit hindi mo gawin yung bagay na makakapagpasaya naman sayo." Patuloy ni Andrei.

Napatakbo naman si Steffi sa tabi ni Andrei at niyakap ito.

"Mamimiss ka namin.." Bulong ni Andrei habang yakap si Steffi.

*
*
*
*
*

"Your report was very nice Dr. Quio." Bati ni Dr. Kim kay Robi.

"Thank you, Dr. Kim."

Bumalik siya sa office niya para balikan ang mga naiwan niyang trabaho. Naghahanap siya ng file sa laptop niya ng bigla niyang makita ang picture ni Steffi.

Hindi naman niya maiwasang hindi mangiti at maalala si Steffi.

Umakyat muna si Robi ng rooftop para magpahangin, nakadantay siya sa may railing at tinitignan na yung skyline.

"Steffi, bumalik ka na sa akin..." Bulong niya sa sarili niya.

.
.
.

"Sabi ko na at nandito ka lang..."

Napalingon naman si Robi ng may marinig na pamilyar na boses sa bandang likuran niya.

Hindi siya makapaniwala sa nakikita niya.

"Steffi..."

"Kapag wala ka sa ward o kahit saan sa ospital dito kita makikita.." Sabi ni Steffi at lumapit kay Robi.

"Wh..what?? Wh..what are you doing here?" Tanong ni Robi na hindi pa din makapaniwala.

"I'm staying. I'm here for good." Sabi ni Steffi.

"Talaga?!" Laking ngiti naman ni Robi ng marinig ang sinabi ni Steffi.

"Ready na ako, Robi. I'm ready to be with you." Sabi ni Steffi at hinaplos ang pisngi ni Robi.

"You don't know how much you made me happy today." Sabi ni Robi.

They leaned in closer and they kissed.

Pagkabitaw nila sa kiss, humarap naman si Robi kay Steffi ng may seryosong mukha.

"Pero Steffi....pinapadala nila ako sa New York..."

Napaatras naman si Steffi sa sinabi ni Robi.

"No...please...this is not happening.." Naiiyak na sabi ni Steffi.

Niyakap naman siya ni Robi.

.
.

"Joke lang. Gusto ko lang gumanti sayo." Bawi ni Robi.

"Eeeeh!!! Nakakainis ka naman eh!" Sinubukan naman ni Steffi pumiglas sa pagkakayakap ni Robi sa kanya pero mahigpit ang yakap sa kanya ni Robi.

Tawa naman ng tawa si Robi dahil napapaniwala niya sa Steffi sa sinabi niya.

.
.
.

Bumaba sila at bumalik sa office ni Robi. Kinuha ni Robi yung mga gamit niya.

"Tara na." Aya niya kay Steffi at lumabas ng office.

"Doc Robi! Where are you going? May naka schedule po kayong patient ngayon." Pigil ni Anna, secretary ni Robi.

"Please tell them...the Doctor is out." Sagot ni Robi, hinawakan ang kamay ni Steffi at patuloy na naglakad sa hallway.

| The End |