The Doctor is Out!

34th Duty

"Hi, sorry late ako. Pinatawag kasi ako sa meeting ni Dr. Kim." Sabi ni Robi pagdating sa restaurant.

"Okay lang, teka bakit nga pala bigla kang nagpa-dinner? Hindi mo naman birthday." Pagtataka ni Steffi.

"Matagal na din kasi tayong hindi nakakapag-date. Tsaka may good news din ako." Sagot ni Robi.

"May gusto din sana akong sabihin sayo....pero mukhang excited ka eh, kaya sabihin mo na muna kung ano yung good news mo." Nakangiting sabi ni Steffi.

Hinawakan ni Robi ang kamay ni Steffi.

"Kinausap ako ni Dr. Kim kanina, sabi niya na approved daw ng board ang promotion ko. Since nagkausap na ang board at sila Mr and Mrs. Gecos." Masayang balita ni Robi.

"Talaga? Congrats!" Pinilit ngumiti ni Steffi.

"Effective na daw yun once na pumasok ulit ako. I'm so excited to be back at work again!" Sabi ni Robi.

Ngumiti naman si Steffi.

"Anyway, enough about me. Ano pala yung gusto mong sabihin?" Tanong ni Robi.

"Ha? Ah...wala...sasabihin ko lang na malapit na akong matapos sa review." Palusot ni Steffi.

"Kapag pumasa ka sa exam may prize ka sa akin." Sabi ni Robi.

"Talaga?!!" Natuwa bigla si Steffi.

"Kaya pumasa ka muna." Sabi ni Robi habang pinipisil yung pisngi ni Steffi.

Bumalik naman yung saya ni Steffi.

"Anyway, enough of work and study. Let's enjoy the night." Sabi ni Robi.

.
.
.
.
.

"Ano na? Nasabi mo na ba kay Doc Robi?" Tanong ni Chienna.

"Last week nga sinubukan ko, pero nauna siya sa news niya eh." Sagot ni Steffi.

"Ano namang news niya?" Tanong ni Kit.

"Mapopromote siya as senior, pagkasabi niya nun hindi ko na kayang sabihin sa kanya. Sobrang saya ni Robi, hindi ko kayang sirain yung araw niya, lalo na yung pangarap niya." Sabi ni Steffi.

"Eh paano naman ikaw? Iaadjust mo yung pangarap mo para sa kanya?" Sabi ni Kit.

Natahimik si Steffi.

"Hay nako, hindi mo kasi gets Kit. Kapag mahal mo yung tao kaya mong gawin lahat." Depensa ni Chienna.

"Chienna, hindi palaging sapat ang pagmamahal lang. Sige nga, paano kung sabihin ni Nate na tumigil ka sa pagdodoktor, gagawin mo ba?" Pagrarason ni Kit.

Natahimik si Chienna.

"May mga kanya-kanya tayong pangarap bago niyo pa sila makilala. Kaya Steffi, sa tingin mo ba worth it na i-give up mo lahat ng pangarap mo at mag-stay dito para kay Robi." Patuloy ni Kit.

*
*
*
*
*

"Kuya, na e-mail ko na sayo yung requirements ko ha." Sabi ni Steffi kay Andrei, magka-Skype sila.

"Thanks, nakuha ko na. Anyway, this week na ang exam mo ha. Galingan mo ha." Sabi ni Andrei.

"Oo naman kuya."

"Nasabi mo na ba kay Robi?"

"Hindi pa...hindi ko alam paano sasabihin...."

"Steffi..."

"Kuya...hindi ko na alam gagawin ko." Sabi ni Steffi, tumutulo na yung luha niya.

"Steffi, naiintindihan kita. Nangyare din sa akin yan, naaalala mo nung ako naman yung umiiyak kay Mama dahil hindi ko alam paano sasabihin kay Carey..." Sabi ni Andrei.

"Oo kuya, nakakatawa ka kaya nun." Sabi ni Steffi habang nagpupunas ng luha at natatawa.

"Sa ngayon mag focus ka muna sa exam mo, one at a time lang Steff." Paalala ni Andrei.

"Okay kuya. Anyway, kumusta si Ate Farrah?" Tanong ni Steffi.

"She's okay, she's always hungry, as in! Napapakain din tuloy ako." Kwento ni Andrei.

"That's good! Excited na akong makita yung baby niyo."

"Soon."