Chapter 42
MARY KIEN's POV.
Nagising ako kinaumagahan dahil sa tawag mula kay Dred.
"Dred.."
[Anong balita dyan? It's been four days that you're not here.]
Napabuntong hininga ako. "Dred, sorry.. pero kasi-"
[Nakuha mo na ba si Janus?]
Huminga ako ng malalim. "Hindi ko pa sya nakukuha."
[Kung gusto mo, pupunta ako dyan.] Sambit ni Dred habang kausap ko sya sa phone.
Pinahid ko ang mga luha ko. "H-Hindi na kailangan. Ako na ang bahala dito."
[Pero patuloy lang na magmamatigas si Yvan.]
"Dred.."
[Why?]
"T-Tama na.. s-siguro kaya nangyayari sa atin ito, dahil na rin sa pangta-traydor natin sa kanya."
[Anong ibig mong sabihin?]
Hindi naman maawat ang pagpatak ng aking mga luha. "T-Tama si Richie.. w-wala akong karapatan para ilayo si Janus kay Yvan."
[Pero Kien-]
"Dred, si Yvan ang totoong ama ni Janus!"
Dinig ko ang pagbuntong hininga ni Dred mula sa kabilang linya.
"Dred, mahal kita. Alam mo naman yun di ba? P-Pero si Janus.. hindi natin maaaring ilayo si Janus kay Yvan."
[Anong gusto mong mangyari?]
"Mahal na mahal ni Yvan ang anak nya. Kahit saang lupalop tayo magtago, alam kong susundan at susundan nya tayo para sa anak nya."
[Sabihin mo sa akin ang plano mo.]
"Uuwi na ako dyan sa Manila."
[P-Paano si Janus?]
"Dred, ibabalik ni Yvan sa atin si Janus."
[Paano kung hindi?]
"Kilala ko si Yvan. Alam kong hindi nya magagawang tuluyang ilayo sa akin si Janus."
Muling nagbuntong hininga si Dred. [Ikaw ang bahala.]
Hanggang sa wala na akong narinig mula kay Dred at tuluyan na nyang tinapos ang tawag.
Napayuko ako at napahagulgol sa pag-iyak.
XXX
ABBY's POV.
"Kung gusto mo, sumama ka nalang sa akin sa Manila. Gusto mo bang mag-aral doon?" Tanong sa akin ni Richie.
"Anong gagawin ko sa Manila?"
"Edi mag-aaral nga ng college. You know what, may scholarship program ang kumpanya namin. If you want, kakausapin ko si daddy regarding your scholarship application."
"Hindi na. Nag-aaral na ako dito sa Mindoro."
"Para nga magkasama na tayo doon eh."
Napakunot ang noo ko. "Bakit naman ako sasama sayo?"
"Ha? I... I mean, syempre magkaibigan naman tayo. Pwede rin kitang ipakilala sa iba ko pang kaibigan."
"Hindi pwede eh."
