سيدريك.

ضيف جديد..

اماندا: حاولنا نقنعك انو ننام وبكرا نسوي كل شي بس رفضت واصريت علينا نطلع ع الاقل وحده وفعلاً طلعنا وحده قوية مرا لدرجة اننا نمنا كلنا دي المرا اخذت وقت وجهد كبير..
سيدريك: ايوا طيب؟.
اماندا: صحينا صباح اليوم الثاني لهوا امس لقيت اشعار فصل تأديبي لي وفصل نهائي لك من جي دي ، رحت القاعدة وقدمت لو تقرير كامل وسحب الفصلين وادانا "فصل اضطراري" يعني اجازه خارج الخدمة يعني لو تنفجر القاعدة ويتعمم حضور على الكل انا وياك ما حنكون في الصورة ولا نص اتصال مشفر حيجيني لان الفصل الاضطراري يسوي مسح لبياناتي واني دخلت القاعدة اصلاً ويطلعني النظام كأني مواطنه عاديه فأدانا شهر ورجع معايا البيت عشان نخرج المكتبات وفعلاً خرجنا اثنين -صمتت قليلاً.
سيدريك: طيب كملي.
اماندا: دقيقه اِما جالسه تقول لي شي.
اِما: المكتبه الاخيره لازم نتخلص منها ولا حتخرب سِيّد.
اماندا: من جد؟.
اِما: ايوا ومكتبتو مختومه خلاص فحتتأثر وتأثر عليه ..
اماندا: نفطر واخلص لو السالفه وبعدين.
اِما: تذكري لازم تخرج اليوم!.
اماندا: طيب.
سيدريك: ايش؟.
اماندا: اِما تقول لازم نخرج المكتبه الجديده اليوم عشان لا تأثر على سِيّد.
سيدريك: طيب كملي ايش حصل بعدين لاحقين على المكتبه ؟.
اماندا: ايوا ما حصل كثير بعدها جلست تسولف عن اشياء لا تمت لك بصله فـ استغربنا كلنا بس إللي خلانا نعرف انو انتا من جد لانو كيانك كان طبيعي و قلنا يمكن يهذي من إللي حصل ودوبي استوعب انو سِيّد هوا إللي كان يهرج معانا وبس دحين جي دي ود.زكريا تحت بيفطرو وينتظروك تصحى هيّا قوم عشان نفطر كلنا.
سيدريك: اوه ولا افتكر شي اصلاً ، طيب دحين.
سِيّد: بعد ما تخرج المكتبه المتطفله دي حقدر اشاركك الذاكره وحتشوف ايش حصل فاليومين ديك.
سيدريك: كويس متى نطلعها ونفتك.
المكتبه: لن استطيع الخروج..
سيدريك: ليش؟.
المكتبه: انني مختوم مع مكتبتك الاصليه ..
سيدريك: سِيّد من جد شوف ختمك !.
سِيّد: فيه جهه منو معلقه على ختمي!.
سيدريك: كيف كذا؟ بيجلس معانا؟.
سِيّد: اتوقع ايوا.
سيدريك: واه ايش دا حياتي جالسه تسير افضل وافضل واو.
اغتسل سيدريك وذهب لحجرة الطعام القى عليهم التحيه وتبادلو اطراف الحديث وقال مستنكراً: المكتبه الاخيره حتجلس معايا.
زكريا: ماذا؟؟؟.
سيدريك: انختمت مع سِيّد.
زكريا: غير ممكن!.
جي دي: لا ممكن اذكر حصلت مع اهلي وضلت المكتبه موجوده لين ما توفى.
اماندا: طب تأثر عليه اِما تقول لازم يخرج اليوم!.
جي دي: خلوني اكلم دكتور العايله واسألو ايش حصل.
سيدريك: ارجوك دحين كلمو.
جي دي: طيب.
هاتف جي دي طبيب عائلتهم وشرح لهم الامر ووضعه على مكبر الصوت قائلاً: ارجوك اشرح لنا..
الطبيب: هل تفهمون العامية لولاية جرسي؟.
جميعهم: نعم.
الطبيب: طيب بهرج باللهجة دي ، دحين قلت ان فيه مكتبه من الجانب السيء في شخص منكم مين هوا؟.
سيدريك: انا سيدريك..
الطبيب: ايش نوع دمك؟.
زكريا: لم يعلم بعد اجريت فحصاً في الامس وكان دمه من النوع الارجواني النبيل.
الطبيب: حلو الارجواني يعني ما يشكل عليك خطر خلوني اشرح لكم .. الدم النبيل عبارة عن انواع ابيض الضعيف الاحمر المتوسط الارجواني القوي وحاملين الدم الارجواني هم زي سيدريك بالضبط من ام واب حاملين للدم النبيل ، دحين في العايله إللي اخدمها لهيّا عايلة جوزيف حصل الشي دا مرتين وكلهم عاشو إللي عليك تسويه انك تدمج مكتبتك الاصليه مع الجديده ويكونو زي التوأم بس واحد يقول لك اشياء سيئة والثاني الجيده.
سيدريك: كيف؟.
الطبيب: دحين مو مكتبتك الاصليه ما تقول لك الاشياء السيئة تخليك تجربها عشان تتعلم؟.
سيدريك: ايوا؟.
الطبيب: طيب دحين لو دمجت المكتبتين يكون عندك مكتبه تقول لك الشي الجيد والسيء.
سيدريك: طيب كيف ادمجها وهما اصلاً ما يسمعوا بعض وما عندهم تواصل مع بعض؟.
الطبيب: هنا الشي الصعب لازم طبيب عايلتكم يكون فيه يهيء لك طقس زي طقوس التطهير ويحميك ويمنع المكتبه الجديده من الهروب لانو لو حاولت تهرب يمكن تضرك وتضر مكتبتك  بما انو مو ختمها حتقدر تهرب المهم وتكون جوات الحلقة وتركز على ختمك لو وصلت لو ترخيه لانو مستحيل تفكو لان الختم شي دائم.
سيدريك: طيب؟.
الطبيب: بعد ما ترخيه المكتبتين حيقدرو يتواصلو مع بعض وحتحصل مشاحنات في كيانك بسببهم وانتا حاول بكل ما اوتيت من قوة تسيطر عليهم وتدخلهم في حالة هدوء.
سيدريك: بعدين؟.
الطبيب: فيه احد من عايلتك عايش صح ؟ امك اماندا لو ما نسيتها؟.
سيدريك: بالضبط اشبها؟.
الطبيب: تدخل معاك الحلقه لو خليتهم في حالة هدوء وتأمر مكتبتها انها تخلق اتصال بينكم الخمسه.
سيدريك: طيب؟.
الطبيب: بعد ما تخلق اتصال بينكم يسير كل شي واضح والمكتبه السيئة تسير جيده وتتحول من سواد لبياض وتكون صالحه للأستخدام ..