سارة : انا مسافرة ومش عارفه هرجع امتا لما ارجع هبقي اكلمك ونتقابل
هادي بغيظ مكتوم : براحتك يا سارة
سارة لتغيظه: اكيد طبعا براحتي اومال براحه الناس هادي : امممممم بجد سارة : يلا سلام
لتغلق الهاتف دون ان تسمع رد منه وهذا زاد من غيظه بشدة..
************************ ايمان وهي تتحدث بالهاتف: وانتي فعلا هتسافري سارة: لاء هسافر اروح فين ايمان: طب متشتغلي
سارة: اشتغل اية وفين اساسا
ايمان: مش انتي قولتيلي انك خريجة اداب اعلام سارة: اه
ايمان: روحي اشتعلي ف اي جرنال واكيد باباكي واسطة لوحدو
اشتغلي ف قسم خفيف قسم الفن مثلا..
سارة بتفكير : اممممممممممم.........
**************************** في منزل ايمان حيث كان يجلس والدها وهي بالحديقة...
بكري: هتسافري امتا يعني ،عمك كل شوية يتصل بيا يسالني ايمان بتفكير : مش عارفة بس هو احتمال الاسبوع دا علي حسب عامر هيسافر امتا.
بكري : وانتي مالك وماله يسافر امتا او ميسفرش امتا.
ايمان بتوتر:ااااا ايوة داااا رخم فانا هسافر وقت مهو يسافر بحيث يبقي لسة مخلص شغل وكدا فعقبال مياخد علي جو الهدوء والاجازة هناك اكون انا فضيت يوم استجمام حلوين عشان لو روحت بعدية هيكون خد علي الجو وهيرخم بزيادة علي رخمته.
بكري :يعني هو هيرخم عليكي لية مش بنت عمه اكيد انتي مبتسكتيش
.
ايمان : نفسي في مرة ياحج تكون ف صفي
بكري بضحك: مهو مدام عارف بنتي وخبزها وعجنها طبيعي عارف بتعمل اية بتنخص وتيجي تعيط
ايمان تتصنع الزعل : كدا يا حج وانا اللي بقول عليك طيب
بكري: ههههههههههههههه لاء مش طيب وبعدين خلاص انتي وعامر ناقر ونقير مع بعض من زمان يبقي خلاص اتعودتي ...
ايمان: ماشي ياسي بابا بس هو بيكرهني مش فكرة ناقر ونقير علي فكرة...
بكري : بطلي هبل مفيش حد بيكرهك متوهميش نفسك.
ايمان : حاضر ، انا هجهز نفسي انهاردة ونمشي بكرة انا وامل بكري: علي خير ان شاء الله
**************************** في الليل وبالتحديد في فيلا هادي محمود هادي بعصبية:يعني اية
محمود بجدية:اتعصبت اوي من كلمة عقاب ، اومال لما تسمع العقاب هتعمل اية.
هادي بعصبية: واية هو العقاب دا ان شاء الله
محمود: مانتا لازم تكون عارف انو لو متعقبتش الاعلام مش هيبطل رط خالص وهتعيد وتزيد لغاية منخسر احنا سمعتنا والجرنال وكل حاجة.
هادي بعصبية مكتومة: اية هو العقاب يعني
محمود: هتتحول الي قسم الفن وهتبقا زيك زي اي محرر لسة جديد هتنزل وتعمل مقابلات مع اللي يطلب منك تعمل معاه هادي بعصبية شديدة:ناااااااااااااعم
محمود بعصبية: اومال كنت فاكر اية اي حاجة وليها تمن وانتا غلطت
...
هادي بعصبية: متقوليش اني غلطت عشان انا مغلطتش محمود بجدية: انتا مصدق نفسك ولا اية هادي بعصبية: ايوة مصدقها عشان دي الحقيقة محمود بجدية: الكلام دا هتبدء تنفذه من بكرة
هادي بتفكير مع عصبية: طب متخليني ف اي قسم تاني هو لازم الفن دا
محمود بجدية: مش فاضي لمشاكلك دي يا هادي اسمع الكلام ونفذه خلينا نخلص.
يتركه هادي ويذهب دون رد لينادي محمود عليه: انتا رايح فين هادي وهو يخرج من باب الفيلا : رايح في ستين داهية.
يركب هادي سيارة وباقصي سرعة لديه يسوق يتصل بسارة التي وجد هاتفها مغلق فذهب الي الشقة خاصته ،لتتصل به سالي...
سالي بدلع: اية يا ناسينا
هادي بضيق: مش فايقلك خالص يا سالي سالي بخضة: مالك فيك اية هادي : مخنوق ومش طايق نفسي سالي : طب انتا قاعد فين
هادي : هكون فين ياعني في الشقة
سالي بتردد: طب طب هات العنوان انا جيالك
هادي : العنوان.........................................
****************************** أمل بسعادة: يعني خلاص هنسافر بكرة
ايمان: اه ياختي هنسافر فرحانة كدا لية
امل بتردد : انا فرحانه انا لا مش فرحانة عادي يعني مسافرة بئا وكدا مفيهاش حاجة
ايمان بنظرة تركيز علي اختها : هبلعها بمزاجي لتبتسم امل ثم تقف لتقول: انا هاروح اجهز شنطتي وتتركها وتذهب
لتقول ايمان بصوت مرتفع لتسمعها امل:روحي ياختي ****************************** في شقة هادي وبعد ان فتح هادي لسالي الباب،وجلست واحضر لها عصير...
سالي بحنية: مالك اية اللي مزعلك
هادي بخنقة وقد حكي لها مع حدث ، وكان وهو يحكي تضع سالي يديها علي يديه ، وهو يكمل وينظر لها ولكن نظراته لها كانت متفحصة لها من اسفل رجليها حتي رأسها وهي تفكر فقط في كيف ستخرجه من حاله الضيق هذه لا أكثر....
أنت تقرأ
وكان هذا المشهد الاخير
RomanceBY:Jihad Emad وكان هذا المشهد الاخير ،ناظرا الي السماء يتذكر كل الاوقات التي رأئها تضحك فيها ،يتذكر ابتسامتها وضحكتها ،والاوقات التي حزنت فيها ،والاوقات التي غضبت فيها،والاوقات التي بكت فيها،والاوقات التي قام باحتوائها فيها،وردود افعالها التي كان يس...
