هادي يقف ويذهب تجاهها لتقف هي ويضع يديه علي كتفيها وهو يقول في حنان مصطنع:بصي ياحببتي نتكلم بالليل احسن هعدي عليكي تكوني جاهزة علشان هنتعشي سوا
سالي بفرحة:بجد احنا فعلا بقالنا فترة مخرجناش سوا هادي :واديني هخرجك بس دلوقتي لازم تمشي سالي بتسأل :ليه امشي
هادي :علشان مش هسمح لحد يتكلم عليكي نص كلمة وهنا مركزين معايا اوي وهيحصل مشاكل وانا مش عايز كدا سالي :خلاص ياحبيبي انا ماشية يلا سلام
هادي يقبلها من خديها :سلام ياقلبي
لتنزل سالي وتركب سيارتها وتذهب بها واذا في نفس اللحظة تركن ايمان سياراتها مكان سيارة سالي وتنزل مسرعة لتذهب لهادي ،تدخل وتسال عليه ليدلها مكتب الاستعلامات وهي في طريقها تقابل سارة
سارة بفرحة:ايمي عاملة اية
ايمان:الحمد لله ياسو وانتي اية اخبارك سارة :الحمد لله عندي اخبار كتير اوي
ايمان:تمام هتصل بيكي ونخرج باليل سوا اشطة سارة:اشطة
ايمان:طب اسيبك دلوقتي علشان ورايا موضوع مهم عايزة اشوفه سارة :ماشي يا قمر سلام ايمان بابتسامة:سلام
تتركها ايمان وتذهب ،فتقابل السكرتيرة ايمان:عايزة اقابل هادي محمود السكرتيرة:في معاد
ايمان بتريقة :لاء جياله مفاجاة السكرتيرة:يبقي مينفعش يا فندم
ايمان لم تستطع ان تتحكم في غضبها:انا مش فندم انا ايمان وتحمدي ربنا اني جيت استاذن قبل مخش ،وبعدين استاذن ليه...
لتتركها بسرعه وتفتح باب مكتبه وتدخل في غضب وهي تقول :هتخنقونا بئا علشان نقابل الاستاذ
كان يجلس علي مكتبه وفي يديه بضع اوراق ااسكرتيرة:اسفه يامستر والله هي اللي دخلت غصب
هادي:مفيش مشكلة روحي هاتلنا اتنين لمون واقفلي الباب وراكي ايمان بغضب:مش عايزة اشرب حاجة ،اتفضل فهمني ايه اللي في الجرنال دا
هادي بتسال مصطنع :اية اللي في الجرنال مش واخد بالي لتفتح ايمان الجرنال علي المقال المكتوب لها وهي تقول :اتفضل اقرأ وقولي
لينظر هادي مبتسما:اهاااا دي هدية مني ليكي متقلقيش الجرنال اللي معاكي دا نسخة واحدة عملتها وادتهالك مخصوص ايمان باستغراب :مش فاهمه يعني اية وليه اساسا
هادي :بصي ياستي انا متاكد مع الوقت ان فكرتك عن الجواز والخلفة هتتغير فعلشان كدا عملتلك الجرنال دا علشان لما تتجوزي وتخلفي وتشوفيه هتقولي قد اية كان تفكيري ذكوري باحت ايمان وهي تضحك :انا ذكوري باحت
هادي وهو يضحك:مش كاتبة لازم تتكلمي لغة عربية ،وبعدين جيتي مكتبي زي مكنت عايز كملي جميلك واعزميني
ايمان تنظر له بتركيز بعض الشيء:قول بئا انك عملت كدا عشان اجيلك
هادي مازحا:اوعي تفهميني صح
ايمان بضحك:وانا هعزمك لانك ماكدب ماكدب هادي :تمام علي العشا
ايمان:لاء علي فنجان قهوة ودلوقتي هادي:دانتي بخيلة بئا ايمان:حاجة زي كدا هادي :وانا موافق يلا بينا
*****************************
في الكافية وهما يرتشفان القهوة
هادي :كنت بفكر اغير وجة نظرك عن موضوع الجواز ايمان بثقة:استحالة يتغير متحولش هادي:لاء معتقدتش مدام.....
ليقاطع صوته هاتف ايمان لترد )ايوة يا امل ...لتتحول نبرة صوتها بمفاجاة ممزوجة بسعادة احلفي ...انا جاية حالا ...سلام( ايمان موجه كلامها لهادي:معلش لازم امشي ضروري هادي:بتعملي اية
ايمان:مش انا اللي المفروض عازماك يبقي انا اللي هدفع
هادي:وانتي شايفة ان دي عزومه
ايمان:وانتا شكلك داخل علي تقيل وانا مش هناولهالك ،ليضحكا هما الاثنين ،لتضع المال علي المنضدة بسرعه ،وتقول :سلام
*****************************
تصل ايمان الي منزلها بلهفة لتجدها فعلا
ايمان بابتسامة وقد تجمعت العبارات في عينيها:ماما
سناء بفرحة:ايمان حببتي تعالي ف حضني ..وبعد حضن كبير
،امل:كفاية ياماما انتي محضنتنيش زيها...
ايمان تضرب امل في كتفها:يارخمه حتي الحضن بصالي فيه سناء بضحك:وحشتني رخمتكم مع بعض يابنات وبعد السلامات والاحضان
ايمان:اطلعي ياماما غيري هدومك وارتاحي سناء :خلاص ماشي هخلص واجي بسرعه
لتصعد سناء الي غرفتها وامل وامير جلسو بالخارج في الحديقة وظلت ايمان تجلس لوحدها تفكر عامر:هتخف ان شاء الله متقلقيش
ايمان بحزن :الكيماوي تعبها اوي ووقع شعرها ورفعها لتتنهد تنهيدة طويلة وتصمت
عامر:اطلعي اقعدي معاها شوية وحسسيها ان مفيش فرق كبير واديها جرعة تفائل من جرعاتك دي لتبتسم ايمان:اه والله عندك حق اما اطلعلها
***************************
لتصعد ايمان الي امها تجدها تضع الطرحة علي رأسها...
ايمان:مش عوايدك ياست ماما تحطي طرحة لما تيجي تقعدي معانا سناءمازحة :عايزاهم يشوفو قرعتي ولا ايه
رايكم
أنت تقرأ
وكان هذا المشهد الاخير
RomanceBY:Jihad Emad وكان هذا المشهد الاخير ،ناظرا الي السماء يتذكر كل الاوقات التي رأئها تضحك فيها ،يتذكر ابتسامتها وضحكتها ،والاوقات التي حزنت فيها ،والاوقات التي غضبت فيها،والاوقات التي بكت فيها،والاوقات التي قام باحتوائها فيها،وردود افعالها التي كان يس...
