ايمان:سالها فانا جوبت اني موافقة ،اصلو البت اختي دي ميته ممكن من كتر الكسوف متردش او ترفض مهي هبلة امير :فمعجبوش انتي قلتي ايوة فطردتك
ايمان:بالظبط ليرن هاتف ايمان ايمان :ااسلام عليكو
امير في خفوت لايمان:شيخة سجادة اوي قال السلام عليكم قال ،دي سديهاتك عندي ياعنية
ايمان تبعد الهاتف عنها وتضحك ثم تترسم ملامح الجد علي وجهها لتكمل :احم اهلا بحضرتك،معلش كنت بكح...
هادي:لا ولا يهمك ،كنت عايز معاد تاني لباقي الاسئلة...
ايمان:هما مش كفاية اربعه هادي:اربعه كانت البداية بس
ايمان:تصلي مسافرة بكرة عشان كنت فاكرة اني خلصت اسئلة وكدا فظبطت نفسي علي اني اسافر بكرة...
هادي :طب ممكن نتقابل برا انهاردة
ايمان بتفكير :نتقابل برة ليشير لها امير بالرفض فتقول:لاء مش هينفع طب متسالي فون كدا دلوقتي
امير :وحيات امك ،كلمو بعض فيديو احسن
ايمان:ولا اقولك اقفل ونتكلم فيديو احسن هاجيب اللاب بتاعي واكلمك
هادي:طب تمام ،هستني اتصالك ايمان:ماشي سلام
امير :هتجيبي اللاب توب وتفتحي وانا هقعد جمبك انا بقولك اهوو ايمان :طيب واهو نسلي نفسينا...
*****************************
في هذه الاثناء
مجدي بجدية ممزوجة بحنية:بصي يا امل يابنتي ،انا مش همدحلك في ابني ولا هزعل لو رفضتي ولا اي حاجة بالعكس هقول ولا اكن في حاجة حصلت ،بس جاوبي علي سوالي ،هو طالب يتجوزك موافقة ولا لاء؟
امل بكسوف :احم احم ،يعني اللي تشوفه ياعمي مجدي :يابنتي اللي اشوفه اية ،دي حياتك انتي مش انا
امل بكسوف وهي تنظر الي الارض:طيب ياعمو مانا مش عارفة اقولك اية
مجدي :موافقة قولي اه رافضة قولي لاء
امل تصمت لا تعرف ماذا تقول ،انها موافقة بشدة ولكنها لا تعرف كم هذا الكسوف الذي وقع عليها ليجعلها تصمت لا تعرف ماذا تقول ،ليقاطع هذا الصمت عامر...
عامر :طب ممكن ادخل بس يابابا مجدي:عايز اية يابني
عامر:باليل الرد هيبقي عندك ،وانا اللي هقولهولك وسبلي امل بس عشان هي مكسوفة دلوقتي ومحرجة لتنظر له امل ،نظره شكر وامتنان لانه فهمها...
مجدي:ماشي يابني اللي تشوفه..
عامر موجها كلامه لامل:تقدري تقومي وانا هتصل بيكي كمان شويه نروح مشوار سوا امل :شكرا يا ابية ،عن اذنكم
لتتركهم وتذهب الي غرفتها وتقفل عليها الباب ،لترتاح قليلا...
**************************
احضرت ايمان الحاسب الالي ،وجلست بجانب امير واتصلت بهادي ليعطيها اسم الحساب خاصته...
لتتصل به بالفيديو ايمان :ها شيافني كويس هادي :اه تمام،عاملة اية
ليتدخل امير :طب وانا تمام بردو ولا مش باين هادي بحنق :اه باين امير :طب كويس ،عامل اية
هادي:الحمد لله ،يلا نبدأ الاسئلة ايمان:يلا
اخذ هادي يسالها وهي تجيب كان يتعامل بجدية امامها بسبب وجود امير فلم ياخذ راحته ولم يترك له امير مساحه لان يتدرج الي اي كلام خارج الاسئلة المطلوبة...
هادي:خلاص كدا خلصنا
امير :طب كويس ،يلا يا ايمان بئا علشان نروح المزرعة من ورا عايز اوريكي حاجة
هادي :طب هقفل انا بئا سلام ايمان:سلام
ليغلق هادي وايمان...
ايمان: ليه كدا ياامير احرجته
امير :مهو احرجني انا كمان،ولا انا عادي وهو هادي..
ايمان :هههههههههههههههه يخربيت دمك ،انا هقوم اجهز شنطتي واشوفهم خلصو اكل ولا لاء ووفقت ولا لاء امير :بالنسبالي مطمن هتوافق
ايمان:ياعم الواثق ،الا قولي صحيح حصل اية بعد ممشيت من الاوضة امبارح...
امير :وحيات الاستظراف بتاع امبارح باليل دا وابو الخدود فاكرة ابو الخدود مقيلك حرف ،شوفي حرف مش كلمه
ايمان بضحك:اما اروح اشوف اختي حببتي اللي مش بيتبل في بوقها فولة ،واشبع انتا بالحرف يارخم لتتركه وتذهب...
***************************
بعد بضع سويعات ،اتصل عامر بامل ليخبرها انه بحديقة المنزل ويريد ان يحادثها قليلا...
امل :انا جيت يا ابية
ليقف عامر ويذهب بجانب امل ويضع يديه علي كتفها وهو يقول:تعالي نتمشي شوية واحنا بنتكلم...
عامر:بصي يا مولا انا مش هقول الكلام بتاع ابويا اللي مياكلش عيش دا ،لتبتسم امل ويستكمل عامر قائلا:بتحبيه...
لتنظر له امل متفاجاة من السوال فيكمل لو عندك شك واحد في الميه انك مش هتبقي مرتاحة معاه ارفضي ،متخليش كسوفك المفرط فيه دا يخليكي متعرفيش تقولي حاجة ،وعلي فكرة انا عارف انك بتحبيه
لتقف وتنظر له ليكمل:ايوة عارف ومن ايام تالته اعدادي كمان..
امل متفاجاة:عرفت ازاي
ليضحك عامر ثم يقترب منها ويخبط جبينه بجبينها وهو يقول :عيب عليكي دا انتي تربيتي
لتبتسم امل ويكمل :لو حسبتي اصلا هتلقيكي عشتي معايا اكتر معشتي مع ايمان ،انتي بنتي اصلا امل :وانا بحبك اوي يا ابية
عامر مازحا :بس مش اكتر من امير
أنت تقرأ
وكان هذا المشهد الاخير
RomansaBY:Jihad Emad وكان هذا المشهد الاخير ،ناظرا الي السماء يتذكر كل الاوقات التي رأئها تضحك فيها ،يتذكر ابتسامتها وضحكتها ،والاوقات التي حزنت فيها ،والاوقات التي غضبت فيها،والاوقات التي بكت فيها،والاوقات التي قام باحتوائها فيها،وردود افعالها التي كان يس...
