ايمان:انا مش بفكر فيك ولا عايزاك،واظن انك كنت حاسس بحاجة زي دي،ربي عيالك ياهادي ،انا خلاص قطعت صفحتك بالنسبالي ومش مستعدة افتحها اساسا هادي : في حد في حياتك
ايمان مبتسمة:المفروض مقولكش بس هقولك علشان تتاكد هو كان في حياتي من زمان بس مشفتوش غير من فترة صغيرة.
لينظر علي الطاولة التي يجلس فيها عامر ويشاور برأسها وهو يقول:عامر؟
ايمان مبتسمة:ايوة ،ثم تنظر علي عامر الذي كان يحادث مع مني ،ثم تنظر لهادي الذي قال:كان باين عليه انو بيحبك،ربنا يسعدك يا ايمان
لتبتسم ايمان ثم تنظر علي عامر مرة اخري ،ولكنها لم تجده ،لتترك هادي دون ان تتحدث وتذهب تجاه الطاولة لتسال مني
...
ايمان:مني فين عامر
مني :قالي نسي حاجة مهمه في الشقة ولازم يروح يجبها ايمان :ماشي ،عن اذنك
لتذهب ايمان خارج القاعة ،وتتصل لامير ايمان:الووو... بقولك يا امير هات عنوان شقة عامر...مش وقت هزارك خالص هات العنوان...طيب سلام ***************************
توقف ايمان سيارة اجرة وتركب لتصل الي منزل عامر ،وفي هذه الاثناء كان قد ساق عامر بغضب شديد وسرعة شديدة ليصل الي منزله ،ليدخل المنزل في غضب ،ليجد امامه كروس السفرة ليحمله في غضب ويقوم بحدفه علي الحائط بعزم ما فيه من قوه ،وهو يقول)كنت حاسس انها منستهوش وهتحنله،كنت حاسس انها ....(،في هذه الاثناء كانت تقف ايمان علي بوابة العمارة محرجة من الصعود ،ليري عامر امامه ايضا فازة ليحملها ويرميها بقوه وهو يقول)كنت حاسس انها ممكن ترجعله لو صلحها،ليه أكدتي ظنوني ليه(ليجد ابريق مياة وكوب بجانبه ليحملهم ويرميهم أيضا بقوة ،ثم وقف يلتقط انفاسه محاولا ان يهدأ،ليجد من يدق باب منزله،فيذهب ليفتح ليجدها ايمان ،ليترك الباب مفتوحا ويدخل ،لتدخل خلفه...
ايمان:مين اللي بهدل الشقة كدا عامر بضيق:جاية ليه
ايمان:امممممممم،بص هو مفيش اي حاجة من اللي دخلت في دماغك دي خالص ،وانا اكدت لهادي اني عمري مهرجعله خالص
عامر بحدة:بس لو بئا كويس واتحسن وحاول يتقربلك ،اكيد هتحسي بتأنيب ضمير وهتفكري فيه صح
ايمان بغضب:عامر بطل تخلف انا مفكرش كدا خالص عامر بحدة واذا به يرفع يداه ليضربها ولكنه يتوقف بالحظة المناسبة ،لتقف ايمان متفاجئة من رد فعل عامر لها ،مفتحة عينيها بالكامل من هول الصدمة عليها موضعة يداها الاثنين علي فمها ،وعامر الذي كانت يداه مرفوعة يغلق قبضة يداه وهو مازال مرفعا يداه ليقول بغضب مكتوم:انا مش متخلف ثم يبتعد عنها ويعطيها ظهره ،بضع لحظات من السكون ،ليهدأ عامر ومن ثم ينظر الي ايمان ليحاول الاعتذار ولكنه لم يجدها لينظر الي الباب ليجده مفتوح فلقد تركته وذهبت ،لينظر بضيق الي الباب
*************************** يمر الوقت ،ليذهب امير الي المنزل
امير:اية الكركبة اللي في البيت دي عامر بضيق:اتاخرت ليه
امير:كنت بوصل امل وايمان بما انك مشيت يعني عامر:لية هي ايمان راحت الفرح امير:اشحال انتا اللي مواصلها
واذا بهاتف امير يرن ليقول:معلش بئا ياخويا ،القمر بترن عليا ومقدرش ابعد عنها...
عامر :رد ياسيدي
واذا بامير يرد وهو ذاهب الي غرفتها
امير :الووو ياعسل ... )بخضة(اية يابنتي بتعيطي كدا ليه في اية ،لينظر له عامر بتركيز وهو يتحدث...طب اهدي اهدي انا جاي حالا انتي فين ...طب جايلك بسرعة. ..سلام...
عامر :اية في اية
امير:مرات عمي تعبت وودوها المستشفي ،روح انتا علي المستشفي لايمان وانا هاروح اجيب امل عامر :طيب المستشفي فين امير...........:
واذا به يتزل سريعا ويذهب الي المستشفي سريعا.
ليسال في الاستقبال ويذهب ليجد ايمان تقف في ثبات منتظرة خروج الدكتور في اي وقت لتساله عن ما اصاب امها ،ليذهب ليجدها تنظر الي الارض في ثبات فيقف بجانبها ،ليطول لحظات الصمت الي ان تأتي امل امل ببكاء:ها ماما طلعت
لترفع ايمان رأسها اليها وتتحدث بحدة :انتي اية اللي جابك مش قولتلك تفضلي في البيت
امل ببكاء:انا عايزة اطمن علي امي مش قادرة اقعد في البيت ايمان بحدة:مانتي مش هتيجي تقلبيها مناحا هنا يتنقطيني بسكاتك ياما اقسم بالله وانتي عارفة اني هعملها لو مسكتي لروحك واقفل الباب عليكي
امير :خلاص يا ايمان حصل خير خلاص وانتي يا امل اي بئا لتنظر لها ايمان بحدة ثم ترجع الي حالها ،لتجلس امل علي الكراسي وبجانبها امير ،لحظات وقد أتي الدكتور ليذهب عليه عامر مسرعا ،وتعتدل ايمان في وقفتها ولكنها لم تتحرك...
عامر:ها يادكتور خير
الدكتور:خير مفيش اي حاجة تعب عادي علشان الكيماوي مش اكتر بس نفسيتها وحشة ودا هيأثر علي العلاج حولو تخرجوها وكدا يعني
عامر :حاضر يا دكتور ان شاء الله الدكتور :عن اذنكم عامر :اتفضل
امل :انا هاخش اشوفها
لتدخل امل وامير مسرعين،اما عامر فقط مسك هاتفه وذهب بعيدا ليقوم بمكالمه هاتفيه ،وايمان تتنهد تنهيدة طويلة ثم تجلس مكانها علي الارض ممدة رجليها وواضعه كف يداها الاثنين علي وجهها محاولة ان تتماسك!
لتجد من يضع يداه علي كتفيها ،لتنظر وتجدها امل امل بحنو:هي كويسة متقلقيش ايمان براحة:الحمد لله
امل :طب يلا قومي اسالي الدكتور تخرج امتا
لتقف ايمان وتجد عامر اتي اليهم وهو يقول:انا شوفت الدكتور وقال ينفع ناخدها دلوقتي ،وهي محتاحة تغيير جو فاحنا هنروح علي المزرعة علي طول
ايمان موجه كلامها لامل:خليكي هنا وانا هاروح احضر شنطتنا كلنا واجيلكم علي هنا ونمشي من هنا بدل منتعبها رايحة جاية امل:ماشي
عامر :طيب يلا تنا هوصلك
ايمان:ادخلي انتي يا امل لماما متسبهاش لوحديها واضحكي وهزري كدا
امل :طيب متتاخريش
ايمان:ماشي،ثم وجهت كلامها لعامر :مفيش لزوم هاخد تاكسي وهاجي بسرعة
عامر:الساعة اتنين ومينفعش اسيبك ف تاكسي لتنظر له ايمان :طيب وديت العربية ف الجراش عامر:لاء تحت يلا ايمان بضيق:يلا
اوصلها الي المنزل دون ان يتكلم في شيء ،لم يرد ان يتحدث في الموضوع ،وقرر الحديث فيه بعد ان تهدأ من ناحيته ،جهزت الشنط وساعدها في حملهم الي السيارة وذهبا الي المشفي مرة اخري...
في المشفي
ايمان:تعالي يا امير عايزاك في موضوع ليخرج امير من الغرفة ويقفا في الخارج
ايمان:لما اتصل بابويا ورفض يجي طلع عذر اية امير باستغراب:مين اللي قالك
ايمان:سمعتك وانتا بتقول لامل متقوليش لايمان ،انجز بئا امير :مراته التانية بتولد
رايكم^^
أنت تقرأ
وكان هذا المشهد الاخير
RomanceBY:Jihad Emad وكان هذا المشهد الاخير ،ناظرا الي السماء يتذكر كل الاوقات التي رأئها تضحك فيها ،يتذكر ابتسامتها وضحكتها ،والاوقات التي حزنت فيها ،والاوقات التي غضبت فيها،والاوقات التي بكت فيها،والاوقات التي قام باحتوائها فيها،وردود افعالها التي كان يس...
