لحظات صمت ادمعت فيها عينين ايمان لتقول:هي فعلا خلصت لتتركه وتذهب ،تركب سيارتها وتبدأ في البكاء.
*******************************
اما بالنسبة لعامر ،يذهب ليراها تركب سيارتها ،اخذ يتنظر اليها بحزن واخذ يتذكر ما حدث له...
فلاش باك
يصل عامر الي شركة عمه بكري ، تأذن السكرتيرة له بالدخول ،وبعد ان دخل...
بكري :كنت مستنيك عامر :حضرتك انا.....
ليقاطعه بكري :حضرتي هيتكلم وانتا هتسمع والقي رد في الاخر
،كابيتو عامر :اتفضل
بكري :شوف يا عامر ،مش عايزك تشوف بنتي تاني خالص ،انتا مش هتتجوزها خالص طول مانا عايش عامر :انا بحبها
بكري : لو قربت منها ،هيبقي عليا وعلي اعدائي ،اخوك هفسخ الخطوبة معاه وهيكون بسببك واكيد طبعا مترضاش يحصل كدا ،وابوك هاذيه في الشغل وانتا عارف اني اقدر اعمل كدا وان نفوذي اكبر من نفوذه وهيكون عشان بنتي ادوس علي اي حد حتي لو اخويا وهيكون بسببك بردو، وطبعا اكيد هيحصلو حاجة زي مانتا عارف اخويا مجدي بيتعشم اوي ،ومش كدا وبس وامك سناء انا...........
ليقاطعه عامر :شوف حضرتك عايز اية وانا هاعمله بس متأذيش حد فيهم
بكري:زي مقلتلك تبعد انتا عنها ، وتعرفها انك مش عايزها عامر :حاجة تاني بكري :لاء تقدر تمشي عامر :عن اذنك
ليتركه عامر ويركب سيارته في ضيق وتفكير. ..
الرجوع لارض الواقع ،عامر يقف امام الشرفة ويفكر في ايمان )انا اسف فعلا يا ايمان لازم اضحي بحاجة قصاد حاجة علشان اللي ربوني واستحملوني مش عايز اظلمهم معايا وهما مش ذنبهم حاجة، اه ظلمتك باللي بعمله دا بس انتي هتقدري مش عارف ازاي بس اكيد هتحسي بيا ، انما هما كفاية عليهم لحد كدا
)......
يرن هاتفه ليقطع تفكيره...
عامر :الوووو....ايوة يافندم....طب تمام.....خلال الاسبوع دا هتلقيني هناك.....شكرا يا فندم .....مع السلامه يعلق عامر الهاتف ومن ثم يتصل باخيه امير.
عامر:الووو ....انتا فين ...لا سيبهم وتعاليلي عايز امشي انهاردة باليل ...لما تيجي نتكلم ....سلام
******************************
في اليوم التالي ليلا ،في المزرعة تحديد ،جلس عامر والعائلة علي العشاء...
عامر :انا مسافر الاقصر بكرة باليل ان شاء الله مديحة:تعمل اية هناك ف الاقصر عامر :اتنقلت هناك
مديحة:ياربي دي بعيدة اوي متروحش
عامر :دا شغلي يا امي ،ومتقلقيش ان شاء الله هترقي وينقلولي تاني هنا كلها مسالة وقت مجدي :هنبقي نيجي ونزورك
واذا به يبقف عامر:رايح فين يا بابا
مجدي:هتصل بناس معارفي يشتروا شقة هناك تنزل فيها عامر :ملوش داعي ليا صحابي هناك وهما هيعرفو يتصرفو مجدي :يابني لاء سيبني اعملك اللي عايزه عامر مبتسما:ماشي ياحج ربنا ميحرمنيش منك ******************************
كان يجلس مجدي في غرفته حزينا ،لتدخل مديحة وعلي وجهها ضحكة عريضة...
مديحة:اية يا مجدي مجتش تقعد معانا ليه دا امير وعامر عاملين يفتكرو فضيحهم ايام زمان وبيتريقو ومقضينها كلنا ضحك...
مجدي بضيق:اتصلت بواحد صاحبي في الداخلية عرفت منو ان عامر هو اللي طالب نقله مش هما اللي نقلوه زي مقالنا مديحة بهدوء:هو محتاج شوية وقت يفكر فيهم ،سيبه وهو اللي هيرجع
مجدي بحزن:يارب يرجع تاني مديحة : ربنا كريم
****************************** كانت تجلس في غرفتها حزينة ،لتدخل عليها امل امل :ايمان متيجي تقعدي معانا برا ايمان :شوية وطلعالكم
امل بضيق :انتي من ساعة مجيتي من عنده امبارح ولغاية دلوقتي في اوضتك ومخرجتيش ونيجي نقولك اطلعي مش بتقولي غير شوية واطلع ومبتطلعيش وقاعدة ساكته حتي مبتعيطيش
ايمان بحدة خافته حتي لا تسمع امها:مهو انا مش بعيط لعب مني لاء انا مش بعيط علشان مفيش دموع تعبت من العياط والدموع خلصت ،بقولك شوية واطلع علشان عايزة احط كل ضيقي وتعبي هنا واطلعلكم باضحك علشان ملكوش ذنب في حاجة انكم تشفوني مديقة وتزعلو عليا وامي عيانه والكيماوي اللي بتاخدو دا هي محتاجة حد يضحكها مش حد ينكد عليها ،ورغم كل دا انا والله مقادرة اسيب تعبي هنا واخرج مش عارفة ونفسي اعيط ومش عارفة فسبيني شويه وهطلعلكم بس سبيني...
تنظر امل لها بحزن وشفقة علي حال اختها ومن ثم تتركها وتذهب بدون كلام...
لتقف ايمان وتذهب تجاه الشرفه لتقف فيها لتتنهد وتنظر الي السماء كانها تستمد قوتها منها...
لحظات طالت وهي ناظرة مع افكار متضاربة تبكي في صمت تارة اخري ،الي ان تتنهد تنهيدة قوية ،واتجهت خارج الغرفة الي الغرفة الموجود بها اختها وامها مع ابتسامة عريضة...
ايمان بابتسامتها المعتادة: بتعملووو اية سناء:تعالي ياحببتي هنا
امل لتخرج اختها مما هي فيه:هنلعب دومنا انا وامك وهي مبتعرفش تلعب تعالي العبي انتي ايمان :يلا يا ببلاوي
اخذا يلعبان ويضحكان معا ،الي ان رن هاتف امل فتركتهم وذهبت
سناء:اهي امل راحت تكلم خطيبها اهي ،مالك يابنتي ايمان :مالي يا ست الكل
سناء:انا حفظاكي وعارفاكي كويس مش عليا ايمان :مالي والله يا ماما انا كويسة سناء:اكلمهولك انا
ايمان بلهفة :اوعي يا ماما ،خلاص موضوعنا انتهي سناء:عمري مشفتك متعلقة بحد كدا
ايمان :متهيالك كانت تجربة وعدت نخلينا ف دلوقتي وتعالي اعلمك الدومنا بدل مجيبلنا الكلام من اللي متسواش امل سناء مبتسمة :ماشي ياحببتي
*********************************
كانت تمر الايام علي ايمان اشبه بالسنين ،تضحك مع الاخرين وتبكي في غرفتها ،مر اكثر من شهرين لا احد يعرف عن الاخر شيء!
*************************** أتي مجدي وزوجته مديحة الي منزل ايمان...
مجدي :خلاص بئا يا بكري ياخويا ،موضوع واتقفل بكري :حصل خير
مجدي :طب ياسيدي ،عايزين نكتب كتب الكتاب بئا بتاع الواد بكري :عايزه امتا
مجدي :قولي عايزه فين مش امتا بكري :مش فاهم
مجدي:عايزه عندي في المزرعة ،علشان اتاكد انك مش زعلان بكري:وانا موافق بس الفرح هنا زي ممتفقين مجدي:علي كلامنا متقلقش
بكري:طيب انهاردة الاحد نخلي كتب الكتاب الخميس اللي جاي اية رايك
مجدي :علي خيرة الله
أنت تقرأ
وكان هذا المشهد الاخير
RomanceBY:Jihad Emad وكان هذا المشهد الاخير ،ناظرا الي السماء يتذكر كل الاوقات التي رأئها تضحك فيها ،يتذكر ابتسامتها وضحكتها ،والاوقات التي حزنت فيها ،والاوقات التي غضبت فيها،والاوقات التي بكت فيها،والاوقات التي قام باحتوائها فيها،وردود افعالها التي كان يس...
