سالي بضيق شديد :اه يا حقير
واذا بهادي يضربها بالقلم علي وجهها بكل عنف :بئا انا حقير ،طب انا هعلمك ازاي ترفعي صوتك علي اسيادك واذا به وهو يقول ذلك ،يمسك بشعرها بقوة فتقع علي الارض فيقوم بشدها منه ،وهي تتوجع وتحاول الإفلات ولكنه يشده الي باب المنزل ويتطردها وفي هذه الاثناء
سالي بوجع:خلاص يا هادي سيبني اه راسي كفاية كدا بئاااا هادي بعد ان خرجها من منزله اغلق الباب وذهب الي غرفته ليرتمي علي سريره ليتنفس بسرعه من كثرة المجهود الذي فعله ،ثم يمسك بهاتفه ليتصل باحدهم
***********************(**
في قصر ايمان بكري
سناء بفرحة:الله فرحتيني يا ايمان امل:دا رومانسي اوووي ايمان :اه رومانسي تقليدي
امل:خليكي كدا مبيعجبكيش العجب سناء بفرحة:ربنا يتمملك علي خير يابنتي
امل:انا لو امير عمل كدا وربنا ممكن يغمي عليا من الفرحة بس البعيد معندوش احمر
ايمان:اتخطبو الاول وهو هيشهيصك يابت امل :طيب قال خطوبة قال
ايمان:انا جاية معاكي بكرة ياماما وانتي بتاخدي جلسة الكيماوي سناء:ملوش لزوم
ايمان:لاء لاء لازم اجي ،ويلا انا هطلع اريح شوية تصبحو علي خير
سناء وامل:وانتي من اهل الخير
تصعد ايمان لتقول سناء:مش حساها فرحانه
امل:بالعكس انا حساها فرحانه جدا وبعدين ايمان مبتعرفش تبين اذا كانت فرحانه ولا مديقة تحسيها واخدة ايموشن واحد سناء :طب هي بتحبه
امل:لو مش بتحبه مكنتش وافقت انتي عارفة ايمان دبش ومبيهمهاش
سناء :بس لو زي مبتقولي وهي بتحبه المفروض تغير من صفاتها دي
امل:دا لسه معداش يوم وبعدين انا واثقة انها هتتغير استني انتي بس واتفرجي
سناء بتفكير :اما نشوف
**************************
في اليوم التالي ،وعلي الفطار في منزل ايمان بكري
بكري:صح في واحد اسمه هادي اتصل بيا وكان عايز معاد علشان عايز يجي هو واهله يتقدمولك ايمان:ايوة وانا قلتله اني موافقة بكري:يعني انتي تعرفيه ايمان:ايوة
بكري :وها كويس علي كدا
ايمان:رئيس قسم الحوادث ف جريدة....وابوه رئيس الجريدة دي ومعاهم شركات وابوه موفق مبين الاتنين
بكري:طب واية اللي يخلي ابوه يشحطط نفسه كدا
ايمان:هو خريج اعلام وبيحب الصحافة فقرر ميسبش الحاجة اللي بيحبها ويستمر بيها ،بيقول انه لما بيضايق من الشغل او لو حصلتله مشكلة اللي بيهون عليه انو في حاجة بيحبها بيروح يقعد فيها وبتنسيه كل حاجة بكري :راجل فاضي
ايمان:قصدك بيفهم ،عن اذنك هاروح اشوف ماما
وتتركه وتذهب ،لينظر اليها بكري بضيق ،تذهب ايمان الي غرفة والدتها
ايمان:لبستي يا ماما سناء :ايوة ،يلا بينا ايمان:يلا
وبالفعل ذهبا الي المستشفي لكي تأخذ جرعتها من الكيماوي...
****************************
في منتصف اليوم
سناء بتعب :مش عايزة اروح البيت ايمان :بس انتي تعبانه
سناء:لو روحت البيت هتعب بزيادة
ايمان:طب تعالي هفسحك فسحاية عنب ياماما عنب لتضحك سناء :طب يلا
وبالفعل اخذتها وذهبا الي الكورنيش وركبا مركب ،ظلت فيه سناء شاردة...
ايمان:ياعم السرحان
سناء تنظر لها بابتسامة لتكمل ايمان:بتفكر في اية سناء:لاء عادي مش بفكر في حاجة بس الجو حلو ايمان:لسه شوفتي حاجة ،تعالي نتغدا سناء:هتوديني فين
ايمان:هوديكي ناكل احلي كشري في مصر سناء:ماشي
*****************************
الام :سالي يا سالي
لتنزل سالي من علي الدرجات وهي تقول:نعم ياماما الام:تعالي يابنتي شوفي جبتلك اية وهي تنزل واذا بها يختل توازنها وتسقط الام بخضة:بنتي ****************************** في الليل ،وخصيصا في منزل ايمان بكري بكري :كنتو فين دا كله وبتصل بيكو ومش بيرد ايمان:اااااه فعلا سوري يابابا اصلي عملت موبايلتنا سيلنت علشان الازعاج وكدا
بكري:دا علي اساس اني مين اللي هيزعكم ايمان:عادي يعني ياحج
بكري:انا اديت لهادي معاد يجلنا فيه،وكلمت عمك مجدي يجي علشان لما نقعد وكدا
ايمان:ايوة طبعا لازم الكبير بتاعنا يبقي موجود
لينظر لها بكري لانه يعلم ما تلوح اليه،ثم تكمل ايمان:تصبح علي خير يابابا وتتركه وتذهب
*****************************
يجلس عامر في غرفته بضيق ،ليدخل عليه امير
امير :قولها مش وقته قلها مش كل اما احكيلك تقولي قولها ،قولي بئا استفدت انتا اية دلوقتي
عامر بضيق:اطلع برة ياامير انا مش طايق نفسي امير :مش هطلع ولازم نعمل حاجة ،تعالي نطفشه عامر :ملوش لازم هي عايزاه امير :ومين قالك كدا
رايكم^^
أنت تقرأ
وكان هذا المشهد الاخير
RomanceBY:Jihad Emad وكان هذا المشهد الاخير ،ناظرا الي السماء يتذكر كل الاوقات التي رأئها تضحك فيها ،يتذكر ابتسامتها وضحكتها ،والاوقات التي حزنت فيها ،والاوقات التي غضبت فيها،والاوقات التي بكت فيها،والاوقات التي قام باحتوائها فيها،وردود افعالها التي كان يس...
