هادي :يبقي تدي لنفسك فرصة قبل مديني انا الفرصة وهثبتلك انك غلطانه في فكرة الجواز وهنتجوز ونخلف ونتفسح ونعمل كل حاجة...
ايمان تنظر له دون كلام فقد ناظرة ثابته كانها تقول له سمعت هذا الكلام كثير وكثير ليكمل هادي :هسيبلك مدة تفكري فيها ايمان :امممممم لا ملهاش لزوم ،اقنعتني بصراحة وانا موافقة هادي قد تفاجئ من ردها:طب تمام
ليقف ثم يقترب منها وينزل علي ركبتيه ويمسك يديها ليقول...
هادي:للاسف مش عامل حسابي ولا جايب خاتم ولا اي حاجة بس كان نفسي اعملهالك بصراحة اني انزل علي ركبتي واقولك تتجوزي...
ايمان تنظر له بنظراتها الثابتة وبتركيز دون اي تعبيرات في وجها،لحظات وجيزة ثم تبتسم ابتسامة خفيفة لتقول :موافقة
ليبتسم هادي ثم يقوم بتقبيل يدايها لتسحبها في هدوء وهي تقول :يلا ناكل بئا الاكل هيبرد كدا
كانت نظرات الجميع في المحل ترمقهم منهم من لا يعلم ماذا يفعل ومنهم من ابتسما لما يفعله هادي ومن من شعر بالغيظ لردة فعل ايمان ،وقف هادي وجلس الي مقعده ،وبدأ في الاكل ساد الصمت بينهم بل طال ومن وقت للاخر كان ينظر لها هادي نظرات استغراب وهي لم تنظر له فقد ظلت ناظرة للطعام كي تتحشي نظراته!
هادي بتردد :ايمان انتي لو مترددة عادي ممكن نرجع صحاب تاني ايمان تنظر له بابتسامة:لاء خالص علي فكرة انا فرحانه علي فكرة هادي :مش باين او مش حاسس
ايمان ومازالت محافظة علي ابتسامتها:ليه يعني لاء فرحانه وبعدين طبيعي متحسهوش علشان جربت الاحساس دا كتير بس مش معايا يعني ،انا حضرت حاجات زي دي كتير مع صحابي وكدا فزي متقول كدا اتعودت يعني فبقي عادي
هادي :طبيعي اللي يشوف كدا بيبقي نفسه كدا مش يبقي عادي غريبة شويتين
ايمان ومازالت محتفظة بابتسامتها وهدوئها:عندك حق ،ثم تغير الموضوع ،اية رايك في الاكل هادي :حلو جدا ايمان:بالهنا
ثم يعم الصمت مرة اخري علي المنضدة كان ينظر لها هادي ويفكر )من انتي وكيف تتعاملين هكذا مع الامور ،ايمكن ان يكون من كثرت استخدامك لعقلك وتجاهل قلبي اصبح تلقائي اي شيء يحدث لكي تفكري فيه ،وحتي عندما تفكرين كيف لا تسعدين بما يحدث لكي ،كيف لا تسعدين اذا احبك شخص !!!انك حقا فتاه غريبة .(اما بالنسبة لايمان
)لماذا لم استطع ان افرح بالقدر الذي ارده ،ام اقول بالقدر
الاعتيادي والطبيعي لاي فتاه ان تفرح به ،ولكن كيف لي ان افرح ويوجد علي كاهلي الكثير من المسئولية وهذه الفرحة التي سوف افرحها ماهي الا مسئولية اخري علي كاهلي ،هل كنت متسرعه حقا في اجابتي ،اني سعيدة حقا ولكن لم استطع ان ابين ،انني شخص في العادة لا استطيع ان يبين مشاعره لاحد ،انني اشعر انني خذلته بسبب عدم فرحتي بالقدر الذي توقعه ،ولكني ساعوضه بغيرها(.!
ايمان تكسر هذا الصمت :متيجي نروح سور الازبكية هادي باستغراب:سور الازبكية نعمل فيه اية
ايمان:مش انتا بتحبني وهنتخطب وانا بحبك فلازم اشاركك الحاجات اللي بحبها بردو
ليبتسم هادي :عجبتني تلقائيتك وانتي بتقوليها ايمان:هي اية
هادي : انك بتحبيني
لتبتسم له فيكمل :تمام نروح سور الازبكية بس الاول نجيب حاجة ساقعة تهضم اللي كلنا دا ايمان:ماشي
*****************************
بالفعل ذهبا الي سور الازبكية معا ،ثم اوصلها الي المنزل وذهب هو الي منزله ،اخذ حمام ساخن ثم ذهب لينام ليرن جرس منزله فيذهب ليفتح فيجدها سالي ،ينظر لها بضيق ثم يفسح لها مكان لتدخل الي الشقة وبالفعل دخلت وجلست علي الكورس بينما هو جلس علي الاريكة...
هادي :جاية ليه
سالي :بحبك ومش قادرة اعيش من غير ومش شايفة اي سبب اللي انتا بتعمله دا
هادي ببرود:سالي مش قادر اكمل سالي بخضة:اية
هادي: فكرت كتير في علاقتنا واكتشفت انها كانت غلط من الأول فلازم نبعد عن بعض علي الأقل اعيد حساباتي
سالي:طيب وانا
هادي:روحي عيشي حياتك يا سالي متحسسنيش انها واقفة عليا سالي بنبرة صوت اقرب الي الرجاء:لاء انا مش هحسسك بس انا فعلا مش هقدر اعيش من غيرك
هادي ببرود وقد قام من مجلسه: متهيألك لو قررتي انك تعيشي حياتك وتنسيني هتنسيني وهتعيشي حياتك لاني خلاص يا سالي مش عايزك وياريت بئا متتعبنيش اكتر من كدا ...
ثم يتركها ويدخل غرفته لتذهب خلفه..
سالي:طب قولي زعلتك في اية وانا مش هاعمل كدا تاني هادي بتأفف : سالي مبحبش الزن
سالي بعصبية : وانا مش بزن انا من حقي اعرف اية اللي غيرك كدا
هادي بضيق :مش حكاية تغيير بس خلاص خالتي وخالتك واتفرقو الخالات
سالي وقد ضاقت ذرعا منه :يعني الكلام دا هادي ببرود:يعني سكة السلامه
سالي بخضة وقد وجدت انه يتحدث بجدية ومصر علي موقفه فتتحدث بتردد :ازاي يعني بعد اللي حصل ،وبعدين بعدين انا كنت فكراك هتتجوزني
هادي ببرود:مش معني اننا قضينا يومين حلوين مع بعض يبقي دماغك تفهمك اننا ممكن نتجوز وبعدين موعتكيش بحاجة سالي :يومين حلوين! يعني انتا عمرك مفكرت انك تتجوزني هادي :انتي هبلة ،مين ممكن يتجوز واحدة سهلة ؟ سالي:سهلة! خلاص بقيت سهله علشان حبيتك
هادي :دا مش حب اوعي تفكري اللي مبينا دا يبقي حب
سالي :اومال اية ،طب انا هاعمل اية ،طب انتا مش هتتجوزني ليه هادي :نفسي افهم بس ازاي فكرتي اني ممكن اتجوزك ،اي حد عاقل في الدنيا عمره مهيفكر يتجوز واحدة فرطت في نفسيها طب هيأمن علي شرفه ازاي بعد الجواز بلاش شرفه عياله هيأمن عليهم ازاي
رايكم^^
أنت تقرأ
وكان هذا المشهد الاخير
RomanceBY:Jihad Emad وكان هذا المشهد الاخير ،ناظرا الي السماء يتذكر كل الاوقات التي رأئها تضحك فيها ،يتذكر ابتسامتها وضحكتها ،والاوقات التي حزنت فيها ،والاوقات التي غضبت فيها،والاوقات التي بكت فيها،والاوقات التي قام باحتوائها فيها،وردود افعالها التي كان يس...
