Destiny's Game (Revising-- Chap.17: Secret)

Chapter 14: Hater's Thingy

Chapter 14: Hater’s Thingy

[Pinky’s POV]

Hindi ako mapakali! Paano ba naman kasi, kaninang umaga may balita kagad akong nasagap. At take note, HINDI MAGANDANG BALITA.

At kung sinu-sino man sila, aba malay ko! Ayan tuloy at lumulutang ang isip ko habang naglalakad ako papunta sa room. Hindi talaga ako mapakali kapag si Mish ang pinag-uusapan eh.

FLASHBACK

"Bakla! Balita ko may haters club na si Mish ng 2-B” sabi nung babaeng mukhang tikling

"Oo balita ko nga din. Nakakatakot pa naman pag may haters, lahat ng galaw mo tinitignan nila para masira ka"  sagot naman nung babaeng mukhang pato sa haba ng nguso

"Ang landi niya kasi eh" sabi ulit ni tikling. Wala naman akong ibang ginawa kundi pakinggan lang yung bonggang chismisan nila na parang wala silang takot kung may makarinig man sa kanila. Anong tingin nila kay bebe mish? walang kaibigan? Aba!

"Pero, parang hindi naman eh. Mukha kaya siyang mabait” sagot ni babaeng pato. Napangiti naman ako. Mabait naman talaga si Mish, masyado lang silang insecure sa ganda niya. Haha

"Naku, mukha lang. Pero may hidden kalandian yun. You know alexander de Guzman right?" ani babaeng tikling

"Oo naman. Crush ko kaya yun simula 1st year. Pero hindi ko na siya nakikita ngayon. Nagtataka nga ko, kasi hindi naman kalakihan yung school natin para hindi ko siya Makita” ani babaeng pato

“Niligawan niya yung Mish, kaso pinaasa lang siya. Kaya ang balita, lumipat ng school si Alexander kasi na-depress” sagot naman ni babaeng tikling. Aba! Anong pinaasa? Alam ba nila yung tunay na kwento? Alam ba nila? Nandoon ba sila nung baliw-baliwan moment ni Mish? Ang gagaling magkwento, wala namang mga alam! Hindi na ko makapagpigil ng galit ko. Pakiramdam ko nga, any moment hihilahin ko yung buhok ng dalawang ‘to na nasa harap ko.

“Seryoso? Kawawa naman si Alexander. Ang sama naman ni Mish. Hindi ba niya alam na pantasya ko yung sinaktan niya? Nakakainis siya! Parang gusto ko na din sumali sa Haters Club niya” sabi pa ni babaeng pato.

"Feeling ko tuloy, isa sa mga chikboy yung gusto niya. Madalas ko kasing makita na magkakasama sila.

“Ay naku! Siguro mas gusto niya yung mas sikat at gwapo. Malandi nga” sagot naman ni babaeng pato. At dahil hindi na kaya ng powers ko, hinatak ko na yung dalawang chismosa

"Hoy kayong dalawa" sigaw ko sabay hawak sa kwelyo nila

"Sino ka naman"  si mukhang pato yung nagtanong kaya naman nginitian ko siya. Letse siya! Hindi niya ko kilala? Gusto niyang maka-tikim ng upper punch? Kainis!

"Tanga! Kaibigan yan ni mish" si babaeng tikling ang sumagot. Buti naman kilala ko ng isang ‘to

"Good! Buti alam mo! Nextime ‘wag kayong pahara-hara sa daan. and another thing…" tinignan ko sila ng masama

"WAG NIYONG PAG-CHICHISMISAN SI MISH KUNG HINDI…" yun lang at binatawan ko na sila mukha namang natakot eh hehe. Tumakbo nga agad ng bitawan ko sila. Alam siguro ni tikling ang reputasyon ko sa school na ‘to. Ako lang naman ang babaeng siga ng St. Cloud Academy. Haha.

FLASHBACK END

“Good Morning” bati sa’kin ng isang lalaking bigla na lang sumulpot sa harapan ko. Matangkad siya tsaka ang ganda ng ngiti niya. Pero, hindi ko siya kilala.

"Huh?" kunot noo kong sagot na obvious namang nagtatanong kung sino siyang damuho siya

“ha? Haha. sige, bye” sabi niya sabay takbo papunta sa direksyon ng gate. Seryoso? Baliw ba yun? naka-uniform siya, so it means, taga-SCA siya. (St. Cloud Academy)

“Hala! Baliw lang si kuya?” sambit ko na lang sa sarili ko kasabay ng pag-iling

Nakarating naman ako sa klase ko na halos wala pang mga tao. Wala pa din si Mish. Napabuntong-hininga na lang ako. Ayoko kasi ng nagdadala ng bad news, lalo na sa kaibigan ko.

Dumating naman si Mish 10 mins bago mag-ring yung school bell. Ang saya niya pa nga sa hindi malamang dahilan. At anong klase kang kaibigan kung sisirain mo yung magandang mood ng kaibigan mo dahil sa walang kwentang dahilan di ba? Tingin ko naman, hindi ganun kadelikado yung mga haters nay un. High school lang naman kami eh. Sigurado ako, wala namang utak kriminal na high school student, di ba?

 [A/N: posted May 6, 2014. feedback please :) and let's be friends]