Blood For Soul

Chapter 8: Hope

Humahangos ako ngunit hindi ko magawang huminto. Pinagmasdan ko ang tahimik na paligid, ang tanging ingay lang ay ang hampas ng ahon sa dalampasigan, ang pag-sayaw ng mga puno at ang tangis ng mga ibon sa himpapawid 

Madilim ang gabi ngunit may isang bagay na pursigido akong hanapin

"Nasaan na siya?" Aligagang saad ko. Hindi ako makuntento hanggat hindi ko siya nakikita 

Napahinto ako ng may impit ng iyak akong narinig, medyo malapit sa kinaroroonan ko 

Buong atensyon kong hinanap ang tinig na nanggagaling sa kung saan 

"M-Marco.." 

Humagulgol ako habang hindi mapakali sa paghahanap. Hindi ako humihinto sa paglalakad, sa pag lingon, kaliwa't-kanan 

"Ma-Mahal ko..t-tulong.." Boses nya ulit

Huminto ako ng mapagtantong walang tao, na wala ang hinahanap ko, na wala nang paraan upang makita ko siya ulit. 

Napaluhod ako sa buhanginan, naglalaglagan doon ang mga luha kong hindi magkamayaw sa pag tulo

"Elisa!" Sigaw ko 

Marahas ang pagdilat ng mata ko, hinihingal at pawisan ako. Napa-upo ako at kaagad na sumalubong saakin ang tingin ng mga hindi pamilyar na mukha. Sa gilid ko ay ang lalaking kunot ang noo, nagtatakang nakatingin saakin 

Hingal ako nang pinasadahan ko ng tingin ang buong lugar 

"Ayos ka lang?" Tanong ng lalaki sa harap ko 

"Bigyan ng tubig!" Utos noong isa 

Napalunok ako at umayos ng upo. Tinanggal ko ang kumot na binigay saakin ng isang preso kagabi 

"O, gising na sya?" Rinig kong sigaw nung pamilyar na boses sa gitna ng dagat ng preso 

Pinagmasdan ko ito ng makipagsiksikan sa iba upang makapunta sa kinaroroonan ko. Kunot ang noo ko, sinusubukang alalahanin kung sino ito 

"Binangungot ka yata?" Natatawang saad niya saka pinasadahan ako ng tingin. Tumango-tango siya at mistulang kuntento na sa pag tingin saakin 

Hindi ko siya sinagot. 

"Ako nga pala si Zandro. Ako yung nagbigay ng kumot sayo kagabi." Masiglang bati niya saakin 

Pinagmasdan ko siya. Hindi nalalayo ang pagiging bata ng itsura niya saakin, mas mukhang matanda ito ng kaunti saakin, base sa bulto ng katawan niya. 

"Mukha pa kaming wirdo kasi baguhan ka palang dito. Di bale magpapakilala kami sayo." Sabi niya saka hinila sa tabi niya yung lalaking nasa gilid ko at ang nanghingi ng tubig sa mga pulis

Magkakaparehas ang bulto ng katawan nila, hindi payat at hindi masyadong maskulado. Maayos ang mga itsura at masasabi kong sila ang pinakabata sa seldang ito, bago pa ako dumating 

Wala akong balak pakinggan sila, masyado pang bago saakin ang mga nangyayari. Masyado pang masakit ang mga sugat sa puso ko 

"Eto si Demitri, nakulong dahil kasama sa iligal na pagbebenta ng produktong imported sa ibang bansa. Triplihin ba naman ng gago ang presyo ng produkto ng ibenta nila 'yon sa mga mall at lokal na merkado?" Natatawang saad ng taong nag-ngangalang Zandro habang sinusuntok sa braso ang si Demitri

Iritang tinulak ni Demitri si Zandro at hinagod nito pataas ang nagkalat na buhok sa mukha 

"Siraulo." Natatawang kumento ni Demitri at binigyang pansin ang nanahimik na lalaki sa gilid ko