Meow [Hoseok ff]

m17: yes 🐈

"No?" Tanong ko sa kanya. Malay niyo mali lang ang pagkarinig ko o pagkatype diba?

"No. I'm sorry, Hoseok." Sabi niya at tumingin sa baba. Shet, ang sakit. Feeling ko gusto ko nang maiyak ngayon sa sobrang sakit.

"Bakit, Yami?" Tanong ko sa kanya habang pinipigilan ang luha ko.

"Kasi ayoko maging boyfriend ka. Gusto ko maging asawa ka na kaagad!" Masaya niyang sabi at biglang natawa. "Kinabahan ka noh? Syempre joke lang yun, Hoseok. Yes talaga ang sagot ko."

"Ha?" Ang tangi kong nasabi sa sobrang pagkabigla. Parang kanina halos mamatay na ako, ngayon halos gusto ko nang tumalon mula dito dahil sa sobrang saya.

"Oo nga, Hoseok. Payag ako maging girlfriend mo! Sobrang saya ko kasi ngayon, gusto ko nang pakasalan ka, hehe." Nahihiya niyang sabi kaya niyakap ko nalang siya kaagad.

"WAAAHHH! YAMI! NAKAKABANAS KA! MAGPASALAMAT KA MAHAL KITA!" Sigaw ko bigla kaya napatingin yung ibang tao na nakasakay rin sa ferris wheel. Bahala sila, basta ang alam ko ay sobrang saya ko ngayon.

"Huwag ka sumigaw, Hoseok." Sabi niya habang tumatawa.

Bumaba kami sa ferris wheel nang matapos at napagdesisyunan na kumain. Nang matapos ay dumiretso na kami pauwi dahil kailangan niyang umuwi nang maaga kung hindi ay lagot siya sa pamilyang kumupkop sa kanya.

"Ah, hanggang dito mo nalang ako ihatid, Hoseok. Salamat." Sabi niya na huminto sa di kalayuan sa kanilang bahay.

"Ayaw mo bang ihatid kita sa inyo? I mean doon sa harap nalang mismo ng bahay niyo." Tanong ko sa kanya.

"H-huwag mo gagawin yun, Hoseok!" Natatakot niyang sabi sa akin na ipinagtaka ko kaagad. "Dito nalang talaga, salamat. Yung gamot mo, Hoseok ah."

"Ah sige, sabi mo eh. Salamat rin." Niyakap ko naman siya at hinalikan sa noo bago siya kumaway sa akin at naglakad na papunta sa bahay niya. Pinanood ko muna siya na makapasok bago ako naglakad pabalik.

Dumiretso na rin ako sa amin at agad na humilata sa upuan namin sa sala.

"Oh, Hoseok. Musta date niyo?" Tanong ng kapatid ko nang makita ako. Noona ko lang rin naman ang nakakaalam sa ngayon. Hindi naman sa wala akong balak na sabihin sa nanay ko, baka mabigla kasi.

"Date?!" Napalingon kami ng noona ko sa likuran at nakita ang nanay namin.

"Ma, nandiyan kayo?!" Sigaw ko. "Noona, akala ko ba wala si mama?!" Sigaw ko naman sa kapatid ko.

"Ma, akala ko tulog kayo sa taas?!" Sigaw naman ni noona kay mama.

"Akala niyo lang yun." Sabi niya kaya wala na akong nagawa kung hindi magkwento sa kanya. Kilala ko naman si mama, alam ko namang suportado niya ako palagi. Baka bigyan pa nga ako nito ng condom kapag sinabi kong may syota na ako eh.

Joke. Ano yung condom? Hehehe.

Kinabukasan, naisipan ko na makipagkita muna sa mga kaibigan ko lalo na't miss ko na ang kaguluhan at kaingayan nila.

"Uy brad!" Bati ko sa kanila nang makita at hinampas sila sa kanilang mga likod.

"May nagsasalita ba?" Tanong ni Jin habang naghahanap kunwari.

"Wala naman. Bakit?" Sagot ni Yoongi sa kanya.

"May narinig kasi ako." Sabi ni Jin na biglang ikinatakot nila kuno.

"Hala?! Tatlo lang naman tayo dito ah. Ikaw Jin, si Yoongi tapos ako." Sabi ni Namjoon na tinuro ang lahat maliban sa akin.

"Oy!" Sigaw ko at nagulat nanaman sila kunwari kaya natatawa nalang ako sa kanila.