الجزء_التاسع
تفو ريم هادي ل حلات شافتني و تبدلو فيها اللوان سلام سلام فيناهي ماماك راها كتسنا فيك فالكاراج , الناس عايشة ديال بصح ، الجردة مقودة الڤيلا شي حاجة كنشوفوها غي فالأفلام الخلاصة عطاهم الله ، هاحنا غادين ساكتين وهي تنطق مازال مبغيتيش تواضع شويا مجوبتهاش تانشوف بلانها فين غيخرج وصلنا للكراج لقيت السيدة كتسناني ، عطاتني الكونطاك ومشات هي و بنتها ، قلبت داكشي ل صوبت داك النهار لقيتو مزيان وايلي هادي مالها قلبت حتى عيت و والو و معرفتش كفاش مشا من بالي الباتري جربتو هاوا معطاش القشعة صافي ها المشكيل لقيناه ، رجعات عندي السيدة قتليها الموشكيل راه من الباتري ، قلت ليها غنرجع نجيب ليك واحد من عندنا و نجي صافي بديت قاصد الباب ها ريم كتسناني و كضحاك قلت مالك كتفرنسي مكاين باس قاتلي كجاك البلان ديال الباتري أنا مفهت والو قاتلي أنا لخليت الراديو خدام الليل كامل باش يخوا و قلت لماما تعيط للمعلم ديالك و عرفتو هو غيصيفطك نتا ، هنا سمعت الشيطان كايصفق ، قلت ليها و علاش هادشي كامل ،سير تاتجي و نقول ليك، عمرني تسوقت شي بنت مي هادي دخلاتني بالتشيطين ديالها و عزيز عليا هاد النوع . رجعت للمحال لقيت خالي تماك كيتسنا أش عندها ،غي الباتري ، دي واحد من عندنا و ركبو ليها، داكشي ل جاي ندير . سولتو على شحال ناخد قالي راك عارف الخدمة أ ربيع ، صافي رجعت عندهم قاديت ليهم الشغل و فبحال هاد الحرافي خصك تشري معرفة مع الكليان باش متفقدوش بقيت كنقرقب معاها الناب ، أنا مجمع مع مها و ريم محيداتش عينها عليا . طلباتني حسنا ( مامات ريم) باش نتغدا عندهم مي مقبلتش مكنتيقش فالعيالات حنت شحال من واحد هبلوه بالتوكال ، و لكن مجاتش نقوليهم لا حافية قتليها غي كاينة الخدمة بزاف و المعلم قالي نجي بكري ، و هي تنقز ديك الشيطانة ، ماما عرضي عليه ل عيد ميلادي ، قاتلي حسنا بلي خصني نجي مبغيتش نخصر ليها في إطار إدارة الأعمال ههه و نيت نشوفو بلان هاد ريم كيغيخرج ، هانا قاصد الباب و هي اتبعاتني حتى وصلت قاتلي عنداك متجيش هاك النمرة من توصل قدام الباب عيط ليا هههههه غنترجل معاكم 068934xxxx هههههه قلبو تا طيحو فنمرتها ، رجعت للمحال كانت 4 ديك الساعة طلعت للدار كليت و نزلت ، ها 6 وصلات بالزربة سديت المحال و طلعت دوشت و قاديت الحالة تشوفني فالليل متقولش ربيع الميكانيك هادا ، الواليدة مفهمت والو قاتلي سلم ليا على هادي قتليها مكاين والو و خرجت ، هزيت إيدي نشوف الساعة 7.30 هادي و هوما قالو لي نجي مع 8 دونك 8.30 عاد غنشد طاكسي باش منبانش راني باغي نشوفها و نبان ممسوقش ، نيت فداك الوقت تحركت مورا نص ساعة كنت قدام باب الڤيلا صونيت ليها فالنيم ديالها ألو أنا عند الباب ، أوك هانا جايا ها الباب كيتحل واكواك الحق أش هادشي خرجات عندي بواحد الغوب فالغوز و الشعر مطلوق تلفت على الحروف ، سلمات عليا بلابيز غي البارفان ل دايرة الليلة كاملة و هو لاصق ليا ف حنكي. دخلت للڤيلا علام أخر عند دوك الناس كيليميني و عنيبات بزاف هنا ، و البنات غي ب المينيات و هوما غي حالين فمهم ك ضبوعة ، المزيكة على الجهد و شي كايدانسي و شي كايشرب . جراتني لواحد الجماعة ديال البنات و هي تقوليهم ها ربيع ل قلت ليكم عليه أنا محملتش هاد البلان وقفت شوية باش منحرجهاش و درت بحال إلى صونا ليا التيليفون و مشيت لواحد القنت و ريحت ، هايا جايا عندي مالك خليتيني و جيتي هنا و أنا نشعل معاها شوفي متجيبينيش هنا باش تباني قدام صحاباتك أنا ماشي مونيكة و هي تبدا دمع عليا مالك أ ربيع هاكا أنا عمرني ضصرت شي ولد ولا تبعتو و نتا كدير ليا هاكا مالك هاكا مالك ، حسيت براصي زدت فيه مسحت ليها دموعها و قلت ليها راه أنا هاكا و هاداك ماشي بلان ل درتي قاتلي سمح ليا بقينا مجمعين و هي تقوليا شنو بينك و بين عمر قتليها بغيتيني نبقا معاك هاد الليلة ردات وي قتليها نساي هاد الموضوع تا يجي وقتو و نهدرو فيه صافي محسيتش بالوقت هادي 3 بدات الدنية كتخوا قتليها خصني نمشي قاتلي صافي سخيتي بيا أوك نوصلك للباب بدينا غادين واحد الكلب بدا كينبح هي تخلعات و شدات لي ف كتفي و داك الخير عندها تحط فوق إيدي نعلت الشيطان لنديز شي فضيحة ، هحنا وصلنا قاتلي بغيت نمرتك ههه قتليها راه عندك صونيت بيها قبيلا ههه بدات كضحاك بديت غادي و هي تعيط رابيع غي تلفت...يتبع
