#الجزء_26
أش هاد الزهر هادو أش باغين و إيدي مفدوعة معندي كيندير ندافع على راصي قتليهم تسناو غي تصح إيدي و نضاربو و هو يبدا يضحك داك هرقل قالي صافي سلختينا البارح و سلخناك اليوم و سالات القصة شوكاوني هاد خوتنا ، شديت بلاصتي و تلاحيت باش نعس مي داير نعست الديب العينين ناعسين و الودنين فايقين ، فيقني الجاراس ديال الغدا كما العادة كايصوغونا نتغداو، ف ديك البلاصة دايرين بينا البوليس على قبل الصداع و إلى ناضت شي مضاربة يقادو الأمور ، مشيت خديت غدايا تخيرت فالبلاصة الخاوية تاني و ريحت غي درت ديك الماكلة الزينة ف فمي و هي تشدني التقيا (حشاكم)تفوووووو هادشي بحال إلا مطيبينو للكلاب ، كليت غي الخبز و خليت داكشي محطوط تماك ، ها داك الحاج تاني جا ريح حدايا ، قالي ولدي ربيع ياكما مععجباتكش الماكلة بغيتي شي طاجين و أنا نبدا نضحااااااااك قتليه واش احساب ليك راسك ف داركم را الحبس هادا قالي وخا بلاتي ، هز إيدو لواحد العساس جا كايجري عندو ، نعام أ سي أسامة قال ليه شي حاجة فودنو و هو يمشي يجري جيهت الكوزينة و جاب معاه واحد الطاجين و المونادا أنا بقيت غي حال فمي قالي سمي الله و كول أ ربيع راك معطوب ، شكون نتا ، ماشي موضوعنا هادا دابا سمعت بلي البارح فرشختي الصحاح ديال الحبس ، غي بغاو يحgروني و مكنحملش هاكا و لكن ليوم راهم ردو ليا الصرف، متخافش راه دويت معاهم و حليت المشكل ناري عمرني دخلتني الخلعة مي هاد خونا و تصروفاتو دارو فيا الرعب النفسي دخلني الشك واحد بحال هادا علاش كايعملوه كاع الحباسا باحترام و حتا العساسة كايتعاملو معاه بداك الخوف هاد خونا موراه شي قصة و قصة كبيرة بزااااااف صافي من سالينا ناض و خلاني مفاهم والو . رجعت للسيلون ديالي قبل الحباسا اللوخرين و تلاحيت نعس . بشوية بشوية بديت كنولف هاد الجو و بقيت غادي ب البروجرام ديالي مكندوي حتى مع حد هنا . عرفت بزاف ديال الحوايج ، الحبس عالم خرررر بارا العملة هي الدرهم و هنا العملة هي الدخان بغيتي تيليفون خصك تخلص بالغارو كان عندك حساب مع شي حد و عارفو صحيح عليك عطي لشي واحد الغارو و تفرج فالعصا ، الحبس مقسم لعصابات و لكنتي مفيدكش ياكلوك و أول قاعدة هي متدخلش فالمضاربات ديما خليك بعيد ل بغيتي تبقا هاني داز شهر بإيامو الخيبة و الزوينة هنا أسامة غبر بنفس الطريقة ل بان بيها بحال شي جن ، اليوم هو نهار الزيارة و مكنت كانتسنا حتى حد يجي عندي و لا هاكا كنت داير فبالي دخل العساس كايعيط بالسميات ديال الناس لعندهم زيارة أمين ، حارت، إلياس ، جمال، ربيع (هههههه نتمنا تكونو كتقراو أ مساخيط) أواه شكون هادا ل غيكون جاي يشوفني خرجت لبلاصة ديال الزيارة ه خالي كايتسنا غي شافني و جا عنقني و تا أنا كنت موحشو بزاااف -و لدي ربيع و لفتي -بز منك تولف ، كدايرا الواليدة و ختي -لاباس عليهم كيحساب ليهم راك مصافر -مورا شهرين طلق إشاعة بلي راني مت من مشيت ل فرانسا نتقدا شي سلعة -صافي ، أه راه جا داك عمك -شنو باغي -قالي بلي راه فاضا معاك بغا يشوف مك مي مخليتوش -صافي مزيان هانا مشيت تهلا فالواليدة و ختي و واسيهم مزيان من تقوليهم راني مت صافي و خرجت فحالي تلاقيت مع زكريا سلام سلام ولينا كنحتارمو بعضياتنا مورا دوك المطايفات و أصلا هو معايا فالسيلون و على ما كيعاودو هو داخل غي ضلم هنا و قصتو قريبة لقصتي عمو دا ليه شي طرف ديال الأرض فالبادية و هو ناض مشا فرشخو ، اليوم كيما هو نهار الزيارة فهو نهار الدوش كتدخل ل دوش و عندك نص ساعة باش تخرج صاغونا قدام الدوش كايدخلو ب 3 ب 3 و غادا العملية تسنيت تا جات نوبتي و دخلت ، طلقت الما و بديت كنزرب باش نخرج بالزربا و دوك جوج لي معايا بداو داوين بالشيفرة باش منفهمهمش قاليه بلي الطاير المهاجر ليوم يرجع و الصياد فينا غيصيدو وخا وصط الجماعة مدرتش فبالي حنت هاد شي عادي هنا فالحبس كملت و خرجت فحالي رضوني للسيلون ديالي بدلت و ريحت نتسنا الجراس ديال الغدا حنت جاني الجوع واحد الشوية دخل زكريا حتى هو لقاني كنخمم فهدرت دوك جوج قالي الصحيح مالك غي قالها و أنا نتفكر السيمو قتليه عيط ليا غي ربيع أ خاي ركريا أودي من كنت فالدوش شي جوج بداو داوين بشي حاجة مفهمتهاش قلت ليه الجملة الشرح هو شي واحد كان غابر بزاف و ليوم غيبان فمجمع ديال الغدا و غيقتلوه نيت هدرتنا قاطعها الجراس خرجت أنا وياه و تفارقنا ف البلاصة ديال القص ، خديت القص ديالي و مشيت نريح بوحدي بقيت حاضي الباب و هو يبان ليا أسامة داخل و غي بدا جاي قاصدني و تبعو واحد خونا نضت أنا كنجري جريتو و خشيت لداك خونا واحد الكروشية مي معرفتش ديك الجنوية ل ضربتني ل جنبي مين خرجت سمعت غي الغوات و الصداع و أسامة شاد ليا فراصي و أنا متكي فوف دماياتي مت بعد غي الضلمة...يتبع
==============================================
