#جزء_14
احم احم ربيع خشيه ، أش كتقول هادي مبغيتهاش تلصق فيا حنت هاد الساعة مزال معندي الوقت ليها مبغيتش ، هي مع قربات تجيب راصها جعرات و شداتو ب إيدها و خشاتو و سخفات ، ناري شداتني الخلعة هزيتها لويتها فواحد الفوطة كانت تماك و دخلتها للدار و دخلتها لواحد البيت ، حطيتها فوق النموسية بديت كنصرفق فيها باش تفيق والو إحساب لي ماتت ، تكيت على قلبها مزال كيخبط الحمد لله باقا حيا هبطت للكوزينة جبت واحد الكاس ديال الما و بديت كنرشو ليها على وجها هايا بدات كتحل فعينيها ، غي فاقت و هي تعنقني و بدات كتبكي سولتها أش هادشي درتي قاتلي كنبغيك أ ربيع و بغيت نكون ليك و غي ليك نتا ، مبغيتش شي واحد اخر يكون فبلاصتك صافي مسحت ليها دموعها و تكيتها فبلاصتها غطيتها و بقيت معاها تا نعسات نعسات معانقاني و مخشية فصدري أنا بقيت حاضي ليها وجها و ديك البرائة لي فيه و داكشي ل دارت على ودي معرتفتش كيفاش مي من هاد الليلة مبقاتش بالنسبة ليا غي ريم ديك البنت لي باغي غي ندوق ليها الحلوة و صافي يمكن و ليت كنبغيها بقيت كنخمم تا داني النعاس فقت الصباح بكري لقيت التيليفون طافي ، خرجت للكوزينة جبدت الحليب فيضتو و هبطت للمخبازة جبت كرواصا بتيبان ... داكشي ديال الناس الهاي ههه راه وليت كندخل اللعاقة رجعت صوبت القهوة و قاديت الأتواش و دخلت ليها الفطور للبيت ، بديت كنفخ ليها على وجها ههه هايا فاقت قتليها عولنا عليك بكري بدات كضحاك قلت ليها راه وجدت ليك الفطور قاتلي نتا هو فطوري ههه ضربت ليها واحد الجوج عاد نضنا نفطرو داكشي رومانسي نوكلها و توكلني هههه ربيع ضحكت ليه ليام موالف نصبح على لاGريس و هانا ليوم مصبح على اللحوم البيضاء ، هزيت إيدي نشوف الساعة لقيتها 10 قتليها أنا غادي مسخاتش بيا وصلاتني الباب ، باستني و قاتلي أحسن نهار دوزتو فحياتي هو هادا ، هانا خرجت ضيماريت للحديدة ديتها للسيمو عطيتو الكونطاك و بديت محرك للمحال، وصلت لقيت خالي كايتسنا و كينخزر ، فين كنتي، بت عند واحد صاحبي، ليل كامل و حنا نعيطو ختك مرضات و ديناها للصبيطار ، ديناها للصبيطار ديال المخزن و مقبلوهاش و ديناها لكنينيك النخيل ، بديت كنجري و شاداني الخلعة شديت طاكسي وصلت قدام الكنينيك سولت فالريسيبسيون على حفصة قلت ليها راه جابوها البارح وي صايفطاتني لغرفة 5 ، طلعت كنجري فالدروج هانا وصلت حليت لقيت الواليدة عينيها حمرين بالبكا و حفصة حداها ، مالك أ ختي شنو عندك تلفتات للجنب و مدواتش معايا مشيت عند الواليدة تا هي مفخبارها والو ، خرجت نقلب على الطبيب سولت الفرمليات نعتوني لبيرو ديالو مشيت عندو السلام السلام حفصة شنو عندها ، ريح ، حفصة عندها واحد المرض فالقلب و متخاف والو كيحيد بواحد العملية ، مي غالية سولتو شحال 10 مليون بحال إلى صرفقني ، خصها دير العملية من هنا 10 يام و لا مغايبقا عندنا منديرو . خرجت عينيا مغرغرين بالدموع و رجعت عندها عنقتها و بديت نبكي قلت ليها متخافيش مغنخليكش تموتي، خرجت سولت على تمان 10 يام ف هاد الكلينيك ، مليون أوك جبدت جوا لي فيه المليون و لحتو ليهم ينعل بو الفلوس قدام الصحة ، خرجت و معارفش مين غنجيب هاد الفلوس كاملة، عيطت للسيمو قلت ليه بغيت نشوفك ، مالك ياك مكاين باس، تانشوفك و نقول ليك، أوك. مشيت للقهوة نتسناه هاهو جا ، عاودت ليه ل كاين قلت ليه كاين مين نجيبو هاد الفلوس قالي كاين مي هوما مكايصافطوش ل كان ل تماك سولتو فين قالي كتامة نجيبو السلعة...يتبع
