#الجزء_16
احم احم وجد راسك الليلة غتمشيو،أوك، فين غنتلاقاو ، 88 حدا إيبيس ، صافي و قطعت . عيطت للسيمو قتليه واش جاتك الخبار قالي وي العشية نتلاقاو فالبليصة . كملت النهار عادي فالخدمة و كنفكر البلان لغنقول لخالي و الواليدة راه غنمشي لكتامة على الأقل غنغبر واحد 3 يام و مجاتش غي نهز باليزتي و نمشي و ختي مريضة يعني خصني شي بلان نيت باش نمشي بلا مايشك شي حد ، بقيت كنخمم حتى طحت على واحد البلان إبليس مايطيحش عليه ، تسنيت حتى وصلات 4 قلت لخالي راه باغي نمشي نشوف ختي ، إيه صافي سير ، دزت عندها باش حتا إلى عيط للواليدة تقوليه راه نيت كنت فالصبيطار ، بست للواليدة على راصها و قتليها دعي معايا ، سير أوليدي الله إعطيك متمنيتي فخاطرك ، مشيت لختي عنقتها و بستها و قلت ليها فخاطري و خا نعرف نبيع قلبي و الله ل خليتك متي وخرجت قاصد المحطة ديال الطاكسيات ، قصدت واحد الڤيلاج بعيد على المدينة بواحد 20 كيلومطر كاين فيه واحد السيد فايت خدمت ليه عندو ديبو ديال الطراكصات ، تسنيتو واحد الساعة هاهو جاي سلام ولدي ربيع ياك مكاين باس، قتليه بغيتك فواحد الغراض ،إيه مرحبا ، جبدت واحد 2500 درهم من التسبيق اللول ل كان عطاني السيمو و حطيتها ليه ف إيدو ، قالي أش هادشي قتليه غتعيط لخالي و غتقوليه راه كاين شي خدمة و ربيع غيجي عندي واحد 3 يام و بلا متسولني علاش و مورا هاد 3 يام غنرجع نعطيك بحالهم ، أنا عرفتو مغيقولش لا حنت الوقت عندو ولات واقفة و خاصو الفلوس ، إيه وخا أولدي ربيع ، قتليه عيط ليه قدامي و داكشي ل كان عيط ل خالي و قاليه كلامي بالحرف . صافي توادعت أنا و السيد و قتليه مورا 3 يام أنا معاك . أنا عارف خالي مغيجيش يقلب ل جوج حوايج كايتيق فيا بزاف و الله إسمح ليا ستغليتو فهادي و التانية مغيخليش الواليدة بحدها فهاد الضروف ، و ها بلان حليناه ، عاود شديت طاكسي باش نرجع أصلا غي نص ساعة ديال الطريق ، هانا و صلت و بديت محرك من حدا البحر ، التيليفون كايصوني ريم هادي، ألو بب توحشتك باغا نشوفك ، أوك هانا عند الكورنيش جي عندي، أوك بب . ريحت قدام البحر و كنخمم هادشي كيغيدوز و كنطلب ما يوقع تا بلان باش نعتق ختي ، بقيت ساهي ها واحد جوج إيدين رطبين تحطو على عيني ههه ريم هادي باستني و ريحت حدايا ، معرفتش كفاش عاقت بيا قاتلي ربيع مال عينيك حمرين واش باكي ، لا ، و مالك ، ريم راه كل واحد عندو مشاكيلو و أنا راه بزاف غي من مشكيل لمشكيل ختي جاها شي مرض و خصها عملية غاليا بزاف ، شوف فلوسي هي فلوسك و جبدات الكارط كيشي ديالها و دارتها ف إيدي ، كون كان شي حد خر ف بلاصتي يستاغلها و يدي الفلوس مي ربيع عمرو يضحك على شي واحد و مناخدش فلوس من عند بنت ، رديتها ليها و قتليها خلي فلوسك عندك راني قاد براصي و معمرك ديري هاد البلان تاني ، عنقاتني و قاتلي أوك ، صافي عضينا شوية و قتليها راه عندي شي خدمة و غنغبر 3 يام ، أوك بب غنتوحشك . شفت الساعة لقيتها 5.30 قتليها خصني نمشي ، وصلتها حدا دارهم و تحركت للمحال ، هخالي كايتسنا فيا ، ربيع ولدي، نعام أ معلم ، راه عيط الحاج و قالي صيفط ربيع شي 3 إيام راه كاين شي خدمة عندو أنا مغنمشيش معاك خصني نبقا مع مك و ختك ، صافي 8 غنمشي نشد طاكصي باش نبات تماك. و هحنا سلينا الشوكة بلا دم طلعت للدار بدلت جمعت صاكي و قاصد البلاصة ل غنلقا فيها الصلع و سيمو و صلت تسنيت واحد الشوية هاهما جاو فواحد الفيات دوبلو و بلا منسولهم علاش هاد الطونوبيل نيت ، باينة لمشينا ب شي حديدة مفركعة غيشكو فينا ، سلام سلام صافي راه شرحت للسيمو كلشي و لاح ليا الكونطاك و شدينا الطريق طريق كتامة .......لخوت سمحولي راني مكمل القصة فميلانو دابا ههههه والله لبنو جهد
عجباتكوم ولا لا
