الجزء_30
احم احم بديت غادي كنضحاك و فرحان حنت شحال هادي مفرشخت شي واحد أما يورغن لونو تبدل قتليه مالك قالي شتك فرحان هادو لفرشختي راهم غي البيادق ديال المافية هنا كون كان شي حد نيت كون خسر عليك قرطاسة راه ماشي اللعب هادا ، غي سمعت السلاح و أنا نقلص موالف غي بالمطايفات العاديين أما السلاح عمرني درتو ف إيدي . قالي غنمشيو نشوفو ليك شي حاجة باش دافع على راصك قتليه ل كاين زعما راني عمرني خدمت بالسلاح بدا يضحك قالي داكشي حالو قريب ، بقينا محركين تا وصلنا قدام واحد الكازينو وقف الطونوبيل و قالي نزل أ سي يوسف ، هو غادي و أنا تابعو حتى دخلنا مع الباب مع الدخلة تفكرت نهار راص العام لدوزتو مع السيمو و ياسين ف مازاكان و كيفاش داك نهار بدل ليا حياتي سفاها على علاها مي ماشي مشكيل ربي كبير متعرف من هنا القدام شنو يوقع ريحت حدا البار مان و خديت كبوشينو و كنتسنا ف يورغن يخرج عندي حنت قالي تسناني حتا نجي ، بقيت كنتفرج فبنادم كايقمر و ملي يخسر فلوسو كاملة كاينوض يعربط و يغوت عليهم تماك حتا كايجيو دوك الصحاح ديال الباب يلوحوه بحال الكلب مع الباب ، إيه كدخل بعزك كتخرج بحال الحيوان ، هادشي كان يحساب لي غي هنا مي الصراحة مخطا حتى بلاد، ها يروغن خرج عندي و هاز معاه واحد الصندوق كحل و قالي تبعني خرجنا على بارا شدينا طريق الڤيلا ل من جيهت البحر بشوية بشوية بديت كتحفض الطرقان ، قالي حل داك الصندوق إيه وخا ، هادو جوج فرادا فالكحل و فالجناب منقوشة Y.R ههه اختصار للحاضر و الماضي يوسف و ربيع ، قالي واش عجبوك هادو راهم ديالواك مخصكش تبقا تخرج بلا بيهم شي نهار تروبل القضية تلقا باش دافع على راصك و متخافش هاد المدة ل باقا للمحامي باش إدير الإجراءات ديالو و يحل الشركة غندربك كفاش تخدم بيهم بديت كنضحاك قتليه نتا ، شاف فيا ديك الشوفة ديال الإفتخار و قالي را عندي 3 دهبيات فالقنص ههه بحال إلى صرفقني ، و صلنا عند الباب ديال الڤيلا خبط واحد البوطون ف الطونوبيل و هو يتحل الباب ، سطاصيونا الحديدة و قالي تبعني واحد الباب كاين فالجردة حلو و بدينا نازلين فالدروج ، كاراج هادا فيه جميع أنواع السلاح قلت مع راصي هاد خونا مالو دار فهامت العبيد السلاح موجود و هو مشا شرا هادا ، سولتو قالي عرفتك غتسول هاد السؤال ، الحاج ل وصا باش إصنعو ليك واحد على ودك دابا نسا هادشي و خلينا نبداو خدمتنا لاح لي دوك اللعيبات ل كاديرهم على ودنك باش ما يوصلكش الصداع و بدينا هو بزاااااااااااف فالتنياش دوك التويشيات كايجيب القرطاسة ف السونطر أنا ف أول محاولة جبتها فالحيط ههههه مابعيداش بزاف جا عندي وراني الشدة و قالي السر كلو فالتنفس أ يوسف خصك تطلق القرطاسة مبين جوج ضربات ديال القلب حنت تماك كتكون إيدك تابتة شوية إيه بغيت نجرب و هاد المرة جبتها فديك اللعيبة ل كندربو بيها مي ماشي فالصونطر بقا يورغن كايدربني كل نهار و ماشي غي فالتنياش ديك البلاصة كانت مجهزة بالدوزان ديال الميسكيلاسيون دوزنا سيمانة تماك غي القص و لونطريمون و ف ضرف هاد السيمانة رجعت كاع داكشي ل خسرتو ف الحبس و حتى وجهي تبدل و بقيت كندرب تا التنفس ديالي بالناطاسيون و بشوية بشوية بديت كنتعلم للسلاح و يورغن مفهم والو حنت داكشي لتعلمو هو طول حياتو شديتو أنا ف 7 يام و زيد عليه داكشي ل تعلمتو مع الحاج فالحبس الخلاصة وليت واحد مكايرحمش و كنعرف غي السلاح . اليوم نضت بكري ملقيتش يورغن يمكن خرج لشي لشي بلاصة دخلت أنا نتريني شوية تراكسيون بارفيكس و أخر حاجة هو الصاك بقيت كنعطيه لعصا و كنتخيل فيه وجه عمي و كنزيد نعطيه ، سمعت الباب تحل عرفتو يورغن جا دخل شد فالصاك و قالي المحامي قاد داكشي غدا خصك تمشي للشركة باش الموضفين يتعرفو عليك قالي سير دوش حنت غنمشيو باش نتقداو ليك حوايج جداد و داكشي ل كان مشيت للجاكوزي و ترخيت واحد نص ساعة عاد خرجت وجدت راصي بغا هو ل صوغ قتليه نوبتي ، طلعت خدمت gps و شفت أقرب بوتيك و قصدتو ، دخلنا خديت أغلا ما كاين ف لي كوستيم هادو ديال الخدمة ، و شي كيطمات و جاكيطات ديال الكوير للخرجة دابا بقات خاصة حاجة وحدا هي تحسينة ديال رجال الأعمال ، خلصنا داكشي ل شرينا و عاود مشينا للطونوبيل خدمت تاني GPS شفت أقرب حلاق و مشيت عندو ، دخلنا قتليه صلع ليا باش منبقاش مبرزظ بقوة الشعر صافي غي كملنا و رجعنا للڤيلا قاد ليا القص ديالي و قالي راه الحاج أسامة غيهدر معاك اليوم فالسكايب مورا العشا ، من قصيت مشيت لبيتي و شعلت البيسي نتسنا فالحاج هاهو بدا داوي -ولدي ك راك غادي تماك -الحمد لله غدا غنبداو خطتنا و نتا إيمتا غتجي - غنجي ف اللخر حنت غتحتاج للسنيا ديالي باش دوز أخر دفعة من الفلوس -صافي وخا -رد البال ل راسك أ ولدي داكشي مغيكونش ساهل -كون هاني الحاج و قطعت بقيت كنتفرج تا داني النعاس فقت الصباح و اليوم ماشي يوم عادي خصني نطبق أول أجزاء الخطة بنجاح و نكسب تيقة الموضفين...يتبع
==============================================
