#الجزء_31
احم احم نضت الصباح دوشت لبست الكوستيم، الريحة أغلى مكاين ديك الساعة ، يورغن موجد ليا القص ديالي فطرنا و تحركنا مشينا للكاراج ديال الحديد قالي ختار باش باغي تمشي للخدمة اليوم عجباتني واحد الفراري فالكحل (هههههه ل ضحك غنبلوكيه) ركبت و الصاط لاخر ركب ف جنبي ها الفيراري غادا محركة وسط موسكو التيتيزة المقودة تماك حلت فمها و لكن دونت تسوق عندي مهمة جاي على قبلها هنايا و مخص حتا شي حاجة تلاهيني عليها ، و هادشي وصاني عليه الحاج من كان كايجهز فيا ، الشركة باينة عندي فال GPS و هي بعيدة واحد شوية على الدار شي 45 دقيقة ، وصلنا دابا عرفت مصدر هاد اللعاقة كاملة ديال الحاج الشركة عندو كبيرة بزاف ، قبل منهبط عيط ليا يورغن قالي منسيتي والو ، آه الفرادة عطاهم ليا درتهم ورا جاكيط باش مايشوفهم حتى حد و بدينا داخلين قلت ليه شت القاضية خاوية الموضفين فينهم , راهم كايتسناو فيك ف غرفة الإجتماعات و المهمة ديالك اليوم هي تحاول تخليهم إتيقو فيك إيه وخا وصلت حليت الباب و كلشي تلفت عندي يورغن بدا داوي معاهم بالروسية و كايطرجم ليا أنا غنفوت الطرجمة و غنكمل ليكم ديريكت ناضت واحد ختنا قاتلي المدير الجديد صغير و زوين على القديم ، حمرت فيها عيني قتليها حنا مجيينش لديسكو أ أنسة لكنتي كتقلبي على شي حاجة من غير الخدمة راه دار الدعارة موجودا أم حنا دابا فالخدمة و هي تقلص بديت كنعرف براصي يوسف المدير ديالكم ل بغا يخدم و يرجع بالشركة القدام مرحبا و لي باغي غي يتفلا معندي مندير بيه ناض كلشي بدا كايصفق الخطوة اللولة دازت مزيان فرضت احترامي عليهم ، ناض واحد خونا قالي عندي شي أسإلة بغيت نطرحها عليك قتليه مرحبا: -شنو الخطط ديالك باش طور هادشي بعدما فقدنا قيمتنا فالسوق -داكشي بإيدكم ملي تعتابرو الشركة ديالكم و تخدمو بنيتكمً غنزيدو القدام -سمعنا بلي الحاج مات بسباب المافية -بدل السؤال لبغيتي تبقا حي صافي كلشي كايسول و كنحاول نجاوب على قد السؤال باش منعطيش لبنادم راص الخيط سالات أول مقابلة ليا معاهم على خير تقريبا نص الخطة داز هو هاداك مشيت للبيرو ديالي و عيطت على المحامي إيجي عندي باش نعرف منو الخطوة الجاية ، سي ألبرت شنو غنديرو دابا ، دابا غيخصنا نديرو شركة وهمية فالمغرب ، كفاش ، شركة تكون غي فالوراق و الحساب ديالها البنكي بسمية سي أسامة غنقسمو داكشي على 4 دفعات 3 لولين غيمشيو بلا مشاكيل و 1 خص يحضر فيها الحاج باش إسني ، و هاد الشركة الوهمية شحال باش إوجدو وراقها ، 3 يام بالكتير , صاف و خرج و مورا ما دازت جوج سيمانات قدرت ندوز 2 تحويلات للحساب ديال أسامة فالمغرب بلا مشاكيل و هاد المدة دازت عادي حتى لنهار مرت يورغن ولدات وكان خصو يمشي معاها ل صبيطار ، وصاني باش منخرجش من الدار حتى يجي مي مسمعتش هدرتو من حسيت بالملال فالدار ديماريت للحديدة و خرجت مشيت لواحد الديسكو قريب للڤيلا بغيت ننشط شوية مي والو اليوم ماشي عادي بحال اليوم مات الواليد ، العالم الله بحالت ميمتي مسكينة جبدت التيليفون درت نمرتها القديمة و كنقول يا ربي غي تكون مبدلتهاش كنت باغي غي نسمع صوتها ، بقيت كانتسنا ها التيليفون كايصوني زعما هي ل غتجوبني ها شي حد جاوب ألو ألو صوتها هادا مجاوبتش بقيت غي كنسمع و عينيا غرغرو بالدموع تا بداو كايطيحو غي بوحدهم ، مبغيت حتا حد يشوفني كنبكي خلصت البار مان و خرجت فحالي و كما ديما البحر هو الوحيد لغنمشي نبكي حداه عفطت حتى وصلت عندو ، بكيت حتى تفشيت مزيان و هبطت يدربني شوية البرد ، ريحت فالكراسة ل تماك جا عندي واحد خونا قالي وريني هاد العنوان فين جا وريتو ليه من بعد قالي وصلني مبغيتش و هو يبدا كايجر فيا بزز مني هنا بان ليا البلان خونا من المافيا ، درت إيدي باش نجبد الفرادا تفو مجبتهمش نسيتهم فالدار مي هانية قلت نعطيه دواه ، كما العادة الكروشية عندي كتمشي مغيزة بدمها طيحت ليه سنانو ، مي مكانش بوحدو هادو 5 و وخا هاكاك ممسلحينش يعني عندهم أوامر باش منموتش بقيت معافر معاهم حتى بقا واحد كلشي تفرشخ ديك الليلة مشيت قاصد أخر واحد حتى حسيت بحال شي برا تخشات لي ف كتفي درت إيدي باش نحيدها ، من شفتتها و طلعت ريحتها عرفتها شنو هي مخدر هادا ، بغيت نحاول نرجع للطونوبيل مي رجليا تقالو عليا طحت كاو غيبت صافي غيبت حنت دارو ليا المخدر من فقت لقيت راصي فواحد الباطو وسط البحر دايرين بيا واحد العشرة ، بغيت نتحرك مي مكتفيني تفو فاش طيحت راصي كون غي سمعت الهدرة . زعما هادا هو الفينال ديال هادشي مغيخسرو عليا والو ، قرطاسة و يلوحوني فالبحر يتعشا بيا الروكان ، واحد فيهم كايدوي بالإنجليزية قالي راه البوص ديالنا باغي يشوفك ، قوادت صافي حاجا وحدا ل وليت كنفكر فيها غي الموت ها واحد خونا كبير شويا فوجهو دخل عندي ، و كايضحاك ، هز إيدو و نعت بيها للباب زعما قال للرجال ديالو خرجو ، بقا غي هو و داك السيد لهدر معايا فاللول باش إطرجم ليا هدرت البوص حنت كيدوي غي بالروسية ، و بلا منبقا نعاود الهدرة غنقز خدمة المترجم : -يوسف يوسف يوسف نتا هو ل سمعت عليك هاد المدة كاملة نتا هو التلميذ ديال أسامة الجديد - أه ، ههه إحساب لي الشاف غيكون شي ولد صغير مي طلعتي غي شارف دوماج -هه كما سمعت عليك دكي بزاف و مكتخافش و حنت نتا مطور عندي ليك واحد العرض -شنو هو ؟ -عارفك بلي دوزتي داكشي ديال أسامة للمغرب و بقاو ليك جوج دفعات و ف أخر وحدة خص الحاج يجي -هههه شنو باغي راه الشركة مغتنفعك بوالو و مبقاتش خدامة كما كانت معندك مدير بيها مغتستافد منها والو . -بغيت أسامة من يجي يسني تسلمو لينا . -علاش -بيني و بينو حساب قديم ، ضيع ليا أكبر صفقة فتاريخ المافيا هنا بان لي بلان أخر لا صدق واواااااو ، حط لي شيك على على بياض و قالي لا قبلتي ، غنفكوك و دير التمان ل بغيتي فالشيك باش ما عجبك و الشرط راك عارفو بغيتك تجيب ليا أسامة ، قتليه وخا كون هاني أسامة من هنا لجوج سمانات غيكون عندك مي بشرط واحد غتجي غي بوحدك ، قالي وخا ، فكوني من داكشي ل كانو رابطيني بيه غي و قفت و جا البوص عنقني و قالي مرحبا بيك معانا ، و هز الشيك دارو لي فجيب ديال الجاكيط ، قالي غدوز الليلة معانا فاليخت ، و غنحتافلو راه نهار كبير هادا من واحد بحالك بعقلك و الذكاء ديالك ولا منا ، هبطنا لتحت ديال اليخت كاين ميني ديسكو مقصرين فيه الأعظاء ديال العصابة ، دخلني وقال لخوتنا راه وليت منهم ، كاين ل عجبو الحال و كاين ل محملش راصو حنت فايت فرشختو ، المهم دوزت ديك الليلة مع المافيا الجديدة و كنتعرف عليهم و الأعمال ل كايديرو باش إربحو الفلوس و الغالب ديالها من الكوكا و غسيل الأموال و هادشي عرفتو من عند البوص ، سالات الصهرة مع الصباح ،
==============================================
