#الجزء_18
احم احم تفو الباراج هادا جوج حديدات ديال الجوندارم واقفين جنب الطريق وحدا من ليمن و وحدا من ليسر ، سيمو حدايا تبدلو فيه اللوان قتليه عرف أش غتخرج كلمة كلمة عنداك تقودها ، هز الجوندارم إيدو زعما وقفو ، نقصت السرعة و رمت جيهت ليمن حتى وقفت . سلام سلام ، أرا الوريقات ، إيه وخا و عطيتهم ليه ، أش جايين ديرو هنا ، كنا عند العائلة ، أوك وخا ، قالي عندك شي بريكة مع قشع الباكية ديال كارو لكايكمي منها السيمو عطيتو البريكة ، شعل واحد الغارو و هز إيدو لصحابو ل معاه يعني قلبو الطونوبيل قالي هبطو إيه وخا و مشاو جيهت فين كانو مخبين خوتنا السلعة المرة اللولة ، حنا واقفين جنب الطريق و كنحاولو نبينو بلي مكاين والو و عارفهم مغايلقاو والو حنت أنا فايتهم بخطوة ، قلبو قلبو و عاود قلبو و أنا كنقوليهم فخاطري وخا تجيبو الجن الزرق ميطيحش على بلاصت السلعة ، دوزو واحد نص ساعة و بلا نتيجة ، سالاو ها داك خونا لشدنا المرة اللولة جاي قاصدنا و باينة فيه معصب ، عطاني الكونطاك و الوريقات و قالي سير فحالك نتا يا دكي بزاف يا الخبار ل جاتنا غالطة ، ركبنا ضيماريت و بديت محرك يلاه درت واحد 50 ميترو خونا كايعيط وقف وقف وقف ناري هادا أش باغي تاني فاللول مشداتنيش الخلعة مي دابا عروق راصي كايضربو ، كنشوف فالمرايا كايبان لي كايقرب بشوية بشوية حتى وصل عندي ، نزلت الجاج كنتسناه أش غيقول هاوا جبد البريكة ل عطيتو قالي نسيتي هادي أودي قتليه فخاطري غي ديها . غي تفاوت هو و عفطت للحديدة 120 خلينا غي العجاجة مورانا غادي و خارين بالضحك و كنغوتو قولبنااااااااهم ههههه قولبناهم و السيمو كايعنق فيا و خا أنا صايغ و كتيغوت أولي الصحيح أولي قالي كون مدرناش بهدرتك كون را حنا دابا عند خوتنا فالله كناكلو فالمسمن ، أنا بقا راصي ضارني و قلت للسيمو تماك كاين شي واحد كايوصل الهدرة ، قالي ملي سلكنا وخا تشعل فيهم العافية و الله منتسوق ليهم ، قلت ليه المهم قولها للصلع من نوصلو ، إيه وخا يلاه صوغ و خليني نعس راه باقا الخلعة شاداني ، بقيت شاد الطريق و بالي مع ختي الحمد لله فلوس العملية عندها ضمنت و عاد كاين الرباح من الفوق ، الطريق عندي شادها غي ب عاقيل مكانش عندي معاه مي بلاني بيها عشيري الجديد ، بقيت شاد الطريق حتى بان الضو ديال الصباح شفت الساعة لقيتها 7.30 و مع من كتكون ما ناعسش مزيان غي كايضرب فيك الضو ديال الشمس و كدوخ ، نقصت من السرعة حنت خفت نديرو شي كسيدة و لا نتقلبو ، و وقفت نتساراح سورت الطونوبيل و هبطت الكوسان و نعست ، فيقني السيمو قالي سير لجهة لخرة و نعس أنا أنكمل ، صافي و نعست و درت مع بالي من نفيق غنكونو قربنا نوصلو و نيت غي فقت لقيت راصي ف الدخلة ديال المدينة عندنا و من بعيد كنشوف الباراج لكايكون فالدخلة و قلت مع راصي لا دزنا من هنا غنكونو كملنا العملية على خير هحنا كنقربو بشوية بشوية حتى وصلنا قدام البوليس و وقفنا هاوا هز إيدو زعما دوزو الله على فرحة صافي وخا المشاكيل و الجوندارم و البوليس درنا لي علينا قلت للسيمو شنو دابا قالي عشيري غنديو ليهم هادشي ديالهم للوزين القديم و نجيبو الفلوس أ حبيبي راه 20 مليون لواحد غنعيشو أ صحيح ، قصدنا الوزين القديم دخلنا عندهم الصلع كايتسنا فينا هبطنا عندو ، السلام السلام ، كيداز داكشي ، قاليه كون ما ربيع كون فشل داكشي عاود ليه البلان كيداير ، الصلع دار فيا ديك الشوفة ديال البطل المغوار و حط إيدو على كتفي و قالي هاكا يكونو الرجال ، جبد جوج ديال لي صاكادو لاحهم لينا ، هههه عشرين ماصو ديال الزرقالافات ، محسبتش موراهم الناس كتلعب بالملاير و غيطمعو فهادشي ديالنا 20 مليون عندهم بحال 20 درهم عندنا ، توادعنا حنا و صلع هههه و بز منك غيولي عزيز عليك راه عاطيك الفلوس ، لاح لينا الكونطاك ديال واحد BM i5 بشاخ بشااااااخ ، ديماريت ليها حلو لينا الكاراج و قصدت الحاج ل قلت ليه غنجي عندك مورا 3 إيام بلاصيت بعيد على الديبو عندو و قلت للسيمو خليك هنا أنا جاي ، هزيت 2500 درهم ديتها ليه ، سلام سلام ، عيط خالي ، لا، هاك ها علاش تافقنا توادعنا و رجعت هزيت السيمو و مشينا للدار عندو ، دوشنا ، قصينا ، و تكيت كنفكر فشي بلان كيفاش غنخلص على ختي بلا مايعيق بيا شي واحد
