#الجزء_15
احم احم غنمشيو ل كتامة نجيبو السلعة، شوف أ سيمو خصني هاد الفلوس و ضاروري و خا تكون فجهنم خاصني نجيبها ، قالي راه كاين ريسك كبير بزاف حنت يقدرو يشدونا البوليس و لا حصلنا غنغبرو فالحبس و عاد العصابة مكايصايفطوش ل كان تماك يجيب الشغل حنت داكشي ل غنجيبو راه ساوي الزبابل ديال الفلوس ، خصو نشوف مع الصلع عاد نقدرو نمشيو ، اه الصلع هو الدراع ليمن ديال الراس الكبير ، صافي قالي باش مكان غنرد عليك سولتو فاش كان باغيني مع كان قالي اليوم نتلاقاو قالي غي كنت باغي نزيد نتعرف عليك و صافي أنا مكان عندي خاطر قتليه مرة خرا و خرجت فحالي ، تا قلت بلي ليام بدات كضحك ليا مي كنت غالط بزاف هادشي كان غي البدية مزال الوقت مخبية ليا بزااااااف ديال الحوايج ، صافي رجعت للمحال طلعت للدار ل لقيت فيها غي الواليدة كتصوب الغدا ل غتدي لحفصة، الدار خاوية بلا ديك شنيولة ، مشيت ل بيتها كنقلب لقيتها راسمة واحد جوج بنت و ولد كبير مشادين داك الرسم ديال الدراري الصغار و كاتبة لفوق أحب أخي ناري عينيا غرغرو بالدموع مي مخصنيش نزيد على الواليدة مخصنيش نبكي قدامها ، دخلت للبيت بدلت و غي كنتفكر ديك الرسمة قلبي كايبدا يتقطع ، مشيت للمحال بديت خدام هخالي دخل و كايخنزر مديتهاش فيه و بقيت كندير داكشي ل بين إيدي تا سمعتو دوا ، مشيت نسول على الخلاص ديال ختك و قالو ليا خلصتيه مين جبتي الفلوس ، تسلفتها ، مين ، من عند واحد الدري، ياكما داك السمحمد رد بالك منو و مديرش فيه التيقة أ ولدي راه مشبوه و جبد واحد الجوا قالي هاك هاك هادي راه واحد الباراكة كنت جامعها رد ليه فلوسو. مبغيتش ناخدها من عندو خالي نهار على نهار كايزيد يكبر ف عيني هو مخلا كيدار معايا و لكن أنا كنت باغي نكبر كنت باغي ندير فلوس باش نتاقم ، النهار غادي تمارة كيفما العادة غي وصلات 6 من سدينا مشيت نشوف ختي فالصبيطار تقديت ليها شي لعيبات و مشيت أنا و الواليدة ، ناري حالتها كولات و جها ولا صفر و ضعافت بزاف ، بقيت معاهم شوية ها السيمو كايعيط . سلام سلام ، جي للقهيوة راه شي حد باغي يشوفك و نهدرو على البلان ديال الصباح ، أوك هانا جاي ، بست ختي و خرجت نشوف شنو كاين عرفتو غي صلع هادا هو ل باغي يشوفني الحاجة ل مكنتش عارفها واش الراس الكبير ديال العصابة قبل و لا لا ، ها ريم كتعيط ألو بب توحشت ، تا أنا ، مال صوتك مبدل ، من بعد و نعاود ليك دابا عندي مايدار ، بسلامة . وصلت للقهيوة ، كما كنت داير فبالي الصلع كاين هنا هو و السيمو ، السلام السلام ربيع هادا ياسين راك كتعرفو . سلمت عليهم و ريحنا و هو يبدا داك الصلع داوي . ياسين: قالي السيمو بلي باغي تمشي لكتامة تجيب السلعة ، خصك تعرف بلي حنا ممعاناش اللعب راك غتمشي و غتجيب معاك شي حاجة غاليا ، غيمشي معاك السيمو و من تقدي الغاراض و تجي كل واحد فيكم عندو 20 مليون ، و عنداك تفكرو بجوج تلعبو حنت المعلم الكبير راه واصل بزاف و بتيليفون يغبركم. صافي تافقنا و قالي بلي مورا يوماين غيعيط ليا و غيقولي فين غنتلاقاو و تماك غيشرح ليا كلشي ، هانا خرجت فحالي و مشيت للدار نتساراح شوية ، دازت عندي ديك اليوماين بحال العامين ، و صَل النهار التاني صونا التيليفون مع العشرة قالي وجد راه الليلة غادي تمشيو............يتبع
