#الجزء _24
غنفيق على صوت الفريع فالباب و مع مبجقل ب النعاس شداتني الخلعة مي جمعت الرجلة و نضت نشوف شكون ، غي حليت الباب و تلاحو واحد 3 ديال البوليس لواو ليا إيدي و دارو ليا المينوط و واحد فيهم دخل للشونبر ديالي بدا كايقلب تا جبد واحد الطرف ديال الحشيش و خارج كايضحاك فوجه صحابو ها هو لقيناه ، خرجوني و فالزنقة كانت الجوقة مجموعة بحال إلى شادين شي سفاح و أنا من تحركات الصطافيط بديت كنخمم و نحاول نفهم هاد الفيلم ل أنا فيه و كنرد ف السينتة اللور زعما عشيري يكون وصل الهدرة لياسين و دارو ليا هاد الفخ و الطرف ديال الحشيش كيدار تا وصل عندي تماك هههه ز عما السيمو تاني هو ل غدرني و جابو معاه البارح هادشي هو الحل الوحيد ل بان ليا مي الحقيقة أنا ل نستاهل مسمعتش هدرت خالي فاللول ديما كان كايوصيني باش نبعد منو مي أنا مكنتش كنسمع منو هههه زعما قصة الإنتقام سلات هنا عمي واصل بزاف و بتيليفون واحد يغبرني هادشي لا مبغاش يقتلني و أنا تماك. و خا نقوليهم راه رئيس عصابة مغيتيقونيش دخلت راصي ف شي حوايج كبر مني و بزاف . وصلنا للكوميسارية لاحوني فالتقشيبة واحد نص نهار و أنا تماك راصي بغا يطرطق بالعصاب ها واحد البوليسي جا كايعيط ربيع بن فلان خرج عندي و بدا غادي بيا تا وصلنا لواحد البيرو سولتو شنو كاين قالي شي حد بغا يشوفك مفكرتش بزاف هادا غيكون غي البوص جاي يتشفا فيا و كما كنت داير فبالي هو نيت قال للكوميسير خرج خليني أنا و ولد خويا نهضر معاه راجل ل راجل معاودش الهدرة و خرج فحالو و هنا غدور بيناتنا هدرة مقودة بزاف : -ربيع ربيع كفاش معرفتش بلي هاد الميكانيك لدخل عندي جديد و كايعاودو عليه راه واعر بزاف ماشي هو نتا -ههههه كيفاش معرفتش بلي عبد المالك هو البوص عبد المالك الأخلاق و رجل الأعمال المشهور هو نفسو رئيس أكبر عصابة فالبلاد -هاد الهدرة زايدة ناقصة قولها ليهم يحساب ليك غيتيقو بيك نتا و غيكدبوني أنا غيتيقو ب مسخ بحالك و غيكدبو واحد فالمستوا ديالي غي كتحلم -عندك الحق مسخ و درتي رزقك بفلوس الواليد و كايجري فعروقنا دم واحد أ سي نقي -ربيع نتا دكي بزاف نسا هادشي لوقع فالماضي نتا باغي الفلوس و أنا باغي واحد بحالك يعاوني فالعمليات ديالي ، كون إيدي ليمنا و غتعيش فالجنة و نعيمها بقيت ساكت واحد المدة و بديت بشوية بشوية كنقرب ليه و هو حل إيديه باش إعنقني يحساب ليه قبلت بداكشب ل قال ليا وصلت تال عندو قتليه ماسميتيش سيمو أ عمي و حطيت ليه واحد الدفلة فوجهو (حشاكم) . حسيت بيه بغا يقجني فديك اللحضة مي ميقدرش حنت راه وصط المخزن موراها قصدت الباب حليتو لقيت الشاف كايتسنا قتليه رجعني لبلاصتي و راه درت داكشي لمتقدرش نتا تديرو ، شحال من واحد غيقول بلي كان خصني نسا الماضي و نتعاون معا عمي و لكن ربيع مايبيعش راصو على قبل الفلوس نفضل نموت فالحبس و منكونش عبد عند ل شردني أنا و مي و ختي و كيما كايقولو الحبس دار غي ل رجالة نكملو قصتنا ردوني للتقشيبة و دوزت فيها 48 ساعة حاجة وحدة لكنت مهني من جيهتها هي مي و ختي حنت البوص ل هو عمي ميقدرش يقرب ليهم حنت هو دكي بزاف و مغيبغيش يدير الشكوك عليه ، دوزت 48 ساعة تماك حتى داوني عند الوكيل حنت ماشي شي حاجة تستاهل دوز فالمحكامة و معطلنيش تصاوب معايا 10 سنين ههه منخرج تا غنلقا الكار صايgو قرد ، ديك الساعة لقيت الطونوبيل ل غتوصلني للحبس كتسناني عند الباب لاحوني فيها الطريق كاملة و أنا كنراجع الأخطاء ل درت كنت على بعد خطوة من الإنتقام ديالي مي بسباب التيقة ل درت ف عشيري هي ل خانتني و هادشي لاش بديت ليكم القصة بكلمة عشيري كلمة كبيرة و نيت راها كلمة كبيرة عرف معامن تعاشر نرجعو لقصتنا مورا واحد الساعة ديال الطريق قشعت الحيط ديال الحبس و فوقو سلوكا و صلنا قدامو خرجونا أنا و الدفعة ديالي كل واحد و شنو داير كايحيدو ليك أي حاجة عندها قيمة سنسلة كورميط .... و كتولي بالنسبة ليهم غي نمرة ، لاحو لينا الحوايج ديالنا الجداد لبسة زرقا و دخلت لعالم أخر سميتو الحبس وصلنا داك حخونا ل مكلف تماك ل بلايص ديالنا و الليلة اللولة ليا غادوز مكفسة ....يتبع
==============================================
