========
#الجزء_29
حطاتني الطيارة فماطار موسكو الموت ديال البرد تماك و أنا خارج عندهم غي ب نص كم ل ندوز من حداه يبقا حاضيني جاتهم فشكل دازت الإجراءات ديال الماطار قلبو ليا الباليزة حوايجي هنا ملي أصلك عربي ديما كايبقا مشكوك فيك كندور عيني باش نشوف خونا ل غيكون هنا كيتسنا فيا ها واحد خونا هاز سميتي الجديدة هو كايهضر بالإنجليزية و غنبقا نقوليكم داكشي مترجم سلام سلام نتا هو ربيع ياك ، لا أنا يوسف ، هههه كما عاود ليا الحاج راك دكي يلاه تبعني غنتحركو للڤيلا قدام الباب كانت واحد اللومبرGيني كتسنا فيا قالي تسوغ ولا نسوغ أ سي يوسف مع محافضش البلايص هنا و هادا أول نهار ليا قتليه غي قدي الغاراض و وصلنا نتا ، بدا غادي بيا وسط موسكو بشاخ هنا عالم أخر بالنسبة للتيتيز علك ترضا ها الشقر ها الشهب كاع ألوان الطيف موجودا مورا نص ساعة عاد وصلنا للڤيلا ل كنا قاصدين مقال راني ملعق تا ملعق ديال بصح هادي راه قصر ماشي ڤيلا ، يورغن (سمية الصاط ل هو إيدي ليمنا) بدا كايوريني البلايص هادا البيت ديالك هادا الصالون ، كوزينا و صلنا للبيرو دخلت كندير دورة خفيفة ، فوق البيرو قشعت واحد التصويرة هزيتها فيها أسامة و مرتو و ولدو ل ماتو قالي بلي كان فيما كايتفكرهم كيجي هنا يسد عليه و يبدا يبكي أودي أنا دابا راه ميمتي يحساب ليها ميت العالم الله بحالتها داني لواحد البيت و قالي هادا بيتك ريح هنا و من يوجد الغدا غنعيط ليك تكيت فوق النموسية ديالي و نعست مع العيا ديال السفار مشيييييت حتا جا العشير كايفيق فيا نوض تغدا أ سي يوسف إيه وخا هبطت بان لي القص موجود و بالزايد يحساب لي واش شي خدامة ل مصاوبة هادشي بدا يضحاك قالي أنا الواحيد ل خصك دير فيه تيقة راك مستهدف أ يوسف و خاصك تقدي الغراض و ترجع بالزربة لبلادك، غدا غنمشيو عند المحامي ديال سي أسامة و هو غيشرح ليك كلشي من سالينا خرجت للبيسين و خا عندهم البرد مي عمت فيه فالعشية هبطنا نتسركلو كايحاول يحفضني موسكو مزيان تحركنا لواحد الديسكو كما العادة مريح بوحدي و الصداع كاين بزاف، غي كنضور ف عيني و حاضي بنادم حتى سالات السهرة و رجعنا للدار. الصباح تحركنا عند المحامي باش إشرح ليا كفاش غنخرج الفلوس من روسيا و صلنا عندو ، سلام سلام سي يوسف ريح ، إيه وخا ، شوف دابا الفلوس عند سي أسامة ماشي شي حاجة قليلة داكشي خصو يخرج دقة دقة أول خطوة هي خصنا نديرو شركة وهمية فالمغرب و نديرو معاها شراكة تكون قانونية و هاكا غنبداو نحولو الفلوس بطريقة قانونية و بلا ما يشك شي حد ، و شنو الضور ديالي ، نتا غتعاود تحل سلسلة شركات أسامة و غتكون المدير طول هاد المدة ل غتخصنا باش نحولو جميع الممتلكات للمغرب ، و إمتا نبدا ، من نكمل الإجرائات نعيط ليك ، صافي سلات هضرتنا مع المحامي بدينا محركين و كنحس ب الصاط غادي و كايزيد فالسرعة و كايقول تفو بدينا و عفط كنشوف فالمرايا ليموزين هامر هادي ل تابعانا أش هاد الوحلة خونا غادي عافط و الطونوبيل ل مورانا تا هي ل ف قلبها جابداه حكرت فالمرايا مزيان بانو ليا غي جوج قتليه وقف وقف وقف هو بان لي مخلوع نهضت فيه قتليه و قف و هو يديرها خرجت نتسنا دوك خوتنا هاهما جايين كايجريو شنق عليا واحد خونا خشيت ليه واحد الروصي رعفتو و جبدت معاه للركبة حتى سمعتها طرطقت من طاح خشيت ليه الكروشبة ديال الفينال باش إغيب ، خونا لاخر مزال مشاد مع يورغن غفلتو من اللور و حكمتو و كنقول ليورعن عطيه بقا كايوكل فيه حتى غيب تا هو و طلعنا للحديدة و علقنا و قال لي هادشي راه غي شوية من بزاف...يتبع
==============================================
