#الجزء_35
احم احم حنات راسها واحد شوية ، عاد قاتلي راني قابلة نمشي معاك فيما كان ، ها مسمار خر طرقناه بقيت أنا و ريان فالبيت كنلعبو و هي مشات توجد لينا الفطور، معرفتش كفاش مفكرتش بلي هاد البعلوك راه ولدي وهو فوطو كوبي ديالي ، ههه بقيت كندير ليه داك اللعب ديال العصا كنسرفقو بشوية كنجبد ليه ودنو بغيتو غي يبكي ووالو خارج لباه صبار ، ها ريم دخلات علينا قاتلك خرجو تفطرو، هزيت داك البعلوك درتو فوق كتافي و خرجت كنجري ، ريم تابعاني و كتغوت ويلي حط الولد راك غطيحو ، ريحنا فوق الطبلة ريان مبغاش اتفرق عليا ، سولت ريم كفاش حتا كعرفني ومعمرو شافني ، قاتلي غي شي تصاور كانو عندها فا ألو خرجاتهم و بقات كتوريهم ليه . بقينا كنفطرو بحال شي عائلة حسيت فالفرحة الصراحة بقات ناقصة غي حاجة وحدة هي نعرفها على الواليدة ، من كملنا الفطور قتليها لبسي ريان و يلاه معايا عند لطيفة و هزي معاك الباصبورات ديالكم راه غنعرفكم على بعضياتكم حنت غتسافرو مجموعين عجبها الحال بزاف خرجت أنا نتسناهم فالطونوبيل حتا جاو عندي و تحركنا . بقات مصدعة ليا راسي ، مين درتي هاد الفلوس ، علاش رجعتي ... وكتسول عشرة الأسئلة فالدقيقة مي تا أنا حافض صواري مرة تجاوبها مرة ندير راصي مسمعتهاش , بقيت غادي تا وصلنا قدام الدار ، هزيت رايان وهبطت دقيت الباب حلات الواليدة السلام السلام ، شكون هادا ، ندخلو و نشرح ليك . عيطت لريم باش دخل أصلا كعرفو بعظياتهم حنت فات جات عندها . - ربيع ولدي شرح ليا شكون هاد الولد أما البنت راني عرفتها -قبل مانتشد فالحبس كنت مع ريم ، وهادا ريان ولد ولدك -عرفتي تعزل أ ولدي -راه غتسافر معاكم غدا هههه احساب لي غتقلق مي فرحات بالولد و ريم ، هزات ريان مبغاتش طللقو لينا . الله كلشي عندي بدا غادي وكايتقاد ، دوزنا هاد النهار مجموعين فدار ميمتي شي شاد فشي ، الضحك ، ريم تفاهمت مع لطيفة و حفصة مزيان كاع . من وصل الليل عيطت ل يورغن قتليه وجد الطيارة ديالنا و وجد معاك شي حوايج ديال ولد عندو 4 سنين صاف و قطعت ، خرجت أنا و ريم باش تشري ليها هي حوايج و خلينا ريان مع جداه ، دارت بيا المحالات كاملين تا حمرت فيها عاد مبقاتش كتعطل. من بدينا راجعين بدات كدمع عليا قاتلك بقا فيها الحال حنت غتخلي ماماها و باباها ب هاد الطريقة الصراحة عندها الحق راني فايت مجرب هادشي ، قتليها غي نكمل شي خدمة هنا وغنجي عندكم ويوليو هوما يجيو عندنا صاف عاد سكتات ، دوزنا الليلة عند الواليدة حتا صبح الصباح ، وصلتهم للماطار توادعت معاهم ، وصيت عليهم يورغن و شديت الطريق وهنا سالا الجزء اللول ديال الخطة . دابا ساليت ليك أ سي عبد المالك ، غادي نوريك الويل غي صبر عليا أ عمي ، عيطت لأسامة فالطريق وقتليه نتلاقاو فالقرية ، الطريق كاملة و أنا كنخمم ليه فشي بلان ، مبغيتش نقتلو حنت الموت غادا غي تهنيه مني خصو شي بلان نيت مي والو مبانش بلانو ، وصلت مشيت ديريكت لريسطو تماك بلاصت أسامة ، سلام سلام ، المسمار اللول راه طرقناه ، مزيان ، دابة خصك غي تعاوني و توريني الطريق ، عمك أ يوسف واصل بزاف عندو الفلوس و عندو المعارف عاد رئيس عصابة خصك تلعب على هاد الجوج إلا عرفتي كفاش تهرسو من هاد الجوج غتكون غبرتي ليه الشقف . صاف هدرت أسامة تا هي غي زادت عصباتتي حنت ما وراتني والو طلعت لبيتي وجبدت واحد الورقة و الستيلو بديت كنخطط ، كتبت كلشي عليه وتفكرت كاع داكشي لكان كايقول أسامة فالحبس بقيت صهران تال الفجر عاد بان لي بان لي بلانو ولا صدق غنمحي شي واحد سميتو عبد المالك...يتبع
==============================================
