#الجزء_11
شي حاجة في البارت+18 احم احم قالي با ربيع مزال مبغيتي دير الفلوس، ولد الحرام طاح ليا على الجرح ، قتليه لكان شي بلان وخا أنا معاك مي شنو المطلوب مني، أودي أ ربيع منقدر نقول ليك والو ولكن من هنا يوماين غتكون واحد الضربة صحيحة و خصنا شي ميكانيك عارف أش كايدير و سولت عليك و مكاينش حسن منك واش صافي نعول عليك ، اه صافي أنا معاك أ با سيمو. و قبلت و بمعنى خر شريت الحوت فالبحر معارف واش هاد البلان قتيل و لا شفرة مي من شفتو كل نهار فحديدة ، بغيت تا أنا نكبر و هادي هي فرصتي ، لاح ليا واحد جوا فيه شي فلوس قالي هادي 5000 درهم و مورا داكشي غتاخد ضوبل ديالهم بشاخ مليون و نص ف ضربة وحدة وخا نخدم عام منجمعش هادشي ، ضربت الفلوس فجاكيط و قلت ليه الله إصخر. ها ريم جيت بغات تخرج معجبهاش هاد الجو، قالي دي الأودي لا بغيتي مبغيتش قتليه غنتحرك معاها غي على رجلي توادعت معاه و خرجت أنا وياها و بدينا محركين من حدا الكورنيش شدات لي ف إيدي و تكات على كتفي ، و بدات الله شحال كنحس معاك بالراحة ، هاحنا مجمعين حكرات عليا باش نعاود ليها على بلاني مع عمر حنت ضرها راسها ، قتليها تاتعاودي ليا نتي شنو بينك و بينو ، أوك مي يلاه نمشيو حدا البحر ، هنا عرفتها مبغاش غي تعاود و صافي ، درت فيها بوهالي معارف والو إيه أ لالة يلاه حدا هاد البحر بدينا محركين قتليها يلاه حدا الصخر دنيا عامرا و أنا معنديش مع جوقة ، أوك بب نمشي معاك فيما بغيتي ريحت أنا هي جات قدامي و قاتلي بغيت نتكا على صدرك هنا الشيطان بدا كايلعب لي بعقلي صافي تكات لي على صدري عنقتها و قتليها يلاه عاودي : -عمر مبيني و بينو والو هو غي ولد الكلاص و تابعني مي أنا مستاحيل نكون مع شي واحد عارفاه غيتفلا عليا و نهار عتقتيني هو تبعني بلا منعرف و نزيدك هو مقابل غي الدريات و الشراب و مزال معول على باه أنا بغا راجل قاد براصو و من نكون معاه نحس براصي مع راجل نيت و دابا لقيتو يلاه نتا دابا واعدتيني غتعاود ليا وخا أ لالة عمر ولد عمي و بينو و بين باه حساب قديم هو من مات الواليد دا لينا داكشي ديالنا و لاحنا لزنقة و كون مخالي كون راحنا دابا كنسعاو هادشي ل نقدر نقوليك دابا هي تأترات و بدات عليا بديك الهضرة الرطبة شوف أ ربيع أنا ديما فجنبك و غنكون معاك و ديك الهدرة ديال جوج يلاه بادين ، هي سخنات حطات أيدها على وجهي و بدات كتلعب ب صبعها حدا فمي و كدوز بشوية بشوية حتى سخنات هاهاية كتقرب و غمضات عينيها ها البوسة اللولة عرفتها ممجرباش حنت معرفاتش تبوس ها البوسة ولات جوج و تلاتة سخنات بالمزيان و بدلات البوزيسيون بركات فوق ركابي و بدات كتعض بجهد و أنا أيد فالصدر و أيد ديدجي ،سخنتها بالمزيان وايلى وايلى غندوق الحلوة ف أجواء رومنسية و حدا البحر ، ها واحد خونا كيغوت طلق الدجاجة ل ماليها تلفت عندو ، و مالي شاد ليك ختك فلت ليا الحلوة و الله لا بقات فيه بديت غادي قاصدو و ريم شداني خرجت فيها عيني و قتليها طلقي ، مشيت قاصدو هادو جوج واحد منهم عرفتو هاداك ل فكيت سيمو منو وشي صاحبو خونا تبدلو فيه لوان هو جر صاحبو قاليه صافي صافي يلاه أ أشرف هادا راه ممعاه لعب ، خويا ربيع سمح ليه راه مكيعرفكش و باس ليا على راصي هههههه العصا هابطة من الجنة جريت ختنا قتليها زيدي قدامي مامكتابش ندوقو ليك الحلوة ليوم هاهنا غادين قاتلي مايبقاش فيك الحال مرة خرا مجوبتهاش باقي فيا الفقصة صافي وصلتها حدى الڤيلا ديالهم باستني بوسة خفيفة و قاتلي مزال نعوضك ، هايا دخلات ، رجعت أنا للمدينة ليوم كاين الفلوس خصني نفرح مي و ختي تقديت شي حوايج للواليدة و ختي أنا خديت شي حطات مطرطقين ، رجعت للدرب مشيت عند مول الحانوت خلصتو فالكريدي ديالو و عطيتو واحد ال 500 درهم و قلت ليه أي حاجة جات الواليدة بغات تكريديها عطيها ليها و قطعها من هاد الفلوس و بلا ما تقولها ليها ، دقيت حلات ديك الهيشة ديال ختي الباب لا سلام لا كلام خطفات ليا الميكات وا لطيفة و ولدك جاي مقدي اليوم، الله شحال كتفرح ملي تشوف مك فرحانة و كداعا معاك. ها اليوماين دازت كنتسنا فالسيمو يعيط ها التيليفون صونا و هنا غيبدا فيلم مقاااااود
