#الجزء_10
احم احم بديت غادي و هي تعيط ربيع تلفت عندها و هي تلاح عليا عنقاتني ، و باستني ف فمي و هربت للدار بلا متقول شي حاجة ، أنا مفهمت والو تشوكيت فبلاصتي كاع هادا زهر نطيح مع ريم و أنا غي ربيع الميكانيك ،بديت محرك درت إيدي فجيبي لقيت 5 دراهم هههه شوف هادا لباغي ريم شحال عندو فجيبو و 3 هادي مكاين لا طوبيس لا والو و هاد القنت فهاد الليل مكيدوزش منو الطاكسيات ، درت ليكيت فودني و بديت محرك دقة دقة كنتفكر داك البلان ل دارت ختنا باش تعاود تشوفني و ديك البوسة لباستني فاللخر و كنحاول نشوف المعنا ديال هادشي أواه واش ريم الفلوس و الحديد و الڤيلا خلات الدراري ل من نفس الطبقة ديالها و ل شبعانين فلوس و تزعطات فيا أنا ، أنا ل فلوس الطاكسي معنديش دابا ، بنت الحرام دارت فيا الوسواس وصلات فين بغات هانا وصلت قدام الدار لقيت الواليدة فيقة كتسنا فيا سولاتني فين كنتي ، غي عند واحد صاحبي دار عيد ميلاد ديالو اليوم ، ودخلت لبيتي نعس ، جا الصباح جنابي كاع مطحطحين حنت منعستش بكري ، فيقاتني غي الواليدة باش نهبط للخدمة ، غسلت وجهي و هبطت تاني لتامارا ، نفس البروجرام الخدمة و تمارة و الفلوس قليلة ، الحاجة لوحيدة ل استافدت منها هي حفضت الحديد مزيان بدون تكبر أي ماركة تتحط قدامي ديال الطونوبيلات نفرتكها بياس ديتاشي و نعاود نجمعها و هادشي هو ل غاينفعني من هنا لقدام النهار غادي كايجري و صلات 12 سمعت داك الصوت ديال ميساج ريم هادي تفكرتتي ( صباح الخير بب أول حاجة تفكرتها من فقت هي نتا ) ، جوبتها هادا راه مبقاش صباح راني خدام دابا من بعد و نهدرو ، خصك متبانش مكبوت ولا عنيبة البنت كتبغي واحد يكون قاصح ضحكها مرة و بكيها 10 ، أم لتحليتي و بقيتي كل مرة حال فمك و تفرنس غديرك فكرشها ، دازت 5 دقايق جاوباتني أوك بب تسالي و ندوي معاك ، وصلات 2 طلعت نتغدا و هبطت تاني ها السيمو كايعيط ألو صحيح ، ههه مصحيح والو مالك غابر عليا ، غي الخدمة أ صحيح باغي نشوفك عندي ليك شي هضرة العشية غنخرج جمتي واش نشوف ليك صاحبتها تجي معانا و نيت عندي ليك واحد البلان و هي دير ليا الطن فودني قلت ليه لا غنخرج معايا واحد ختنا. صافي درنا بلان غيتسناني مع 8 حدا واحد الجردة مبغيتش خالي يعاود يشوفني معاه ما فيا ل سمع شي هدرة ، ها 6 وصلات سدينا المحال عيطات ليا ريم ألو حبيبة توحشتك و ديك هدرت البنات المعروفة قلت ليها ليوم غنخرجو قاتلي وخا ، صافي قلت ليها 8 ندوز عندك و قطعت ، ها الواليدة مغوبشة و كتخنزر مالك أميمتي ، شتك تبدلتي هاد ليام، غي جاب ليك الله ، أ ولدي متحاولش تلعب و لا تشوف كبر منك را النملة ملي كايبغي الله يعدبها كايدير ليها جناوح ، صافي معرفتهاش شنو كتعني بهاد الهدرة و لكن الواليدين كايحسو الله يسمح لينا منهم . دوشت و ستيكيت على الحالة وجدات ليا حفصة مناكل قصيت عاد خرجت ، قصدت البلايصة لدرت فيها غنتلاقا أنا و سيمو ها واحد أودي Q5 محطوطة ، مفهمت فيه والو كل مرة بحديدة سلام صحيح عندك بيرمي ، أه و لاح ليا الكونطاك قالي هاك صوG، هاني قاصد دار ريم و عايش اللحضة المزيكة و البيفان مجهدين و هو عايش مع موصطاشتو اللور وصلت عند الڤيلا صونيت ليها ، كما العادة تبوكيصة سلمات عليا بلابيز ، ههه ريم هادا سيمو بريكولات سيمو هادي ريم ، و بدينا غادين قالي بريكولات سير ل طازوطا غنقصرو تماك الليلة هاحنا وصلنا ، طازوطا واحد كافي بار ف المدينة عندنا كيمشيو ليه غي الناس البورجوا ، تيتيز و بنات الليل داكشي علك ترضا ، ريحنا أنا كما العادة ناخد أي حاجة إلى الشراب ، السيمو جر ديك ختنا و مشاو كايضكو (مشا يشرح ليها الماط) أنا بقيت مجمع مع ريم كنزيدو نتعرفو هي صدق باها كوميسير و شي ضرسة صحيحة نيت عاودت ليها على حياتي بلا قصتي بلا عمي ، تعرفنا على بعضياتنا كتر ها السيمو قضا الغاراض مع ختنا و جاي كايقاد فسروالو قالي ربيع أجي نهدرو ريحت أنا وياه بطبلة بوحدنا قالي واش مزال مبغيتي دير الفلوس...يتبع
