#الجزء_الرابع
تبعتو للمحال لقيت الريدو (الباب) ديالو مهرس قالي معامن ضاربتي تاني معرفت باش نجاوبو حدرت راصي و سكت ، و هو يبدا كايعطيني فالقاصح قالي شوف أ ولدي راه مهامنيش هاد الباب ينعل بو الفلوس عرفتي علاش جبتك هنا بغيت نفيقك شوف راك نتا ل بقيتي عند مك و ختك أما أنا راه طال الزمان و لا قصار غيجي واحد النهار و غنموت بعد على المضاربات و لا غتخلي مك بحدها و نتا غتولي حباس و نزيدك بعد على هاداك ل شفتك معاه البارح راه مشبوه و مايصلحش ليك ، النهار الزوين باين من صباحو و لكن هدرتو بصح أنا عرفت شكون مول هاد الفعلة دوك خوتنا ديال البارح ، راه قلت ليكم الكلب ل كاينبح ميعضش نعرفو راجل يجيني ديريكت يا يفرشخني يا نفرشخو ، صافي قالي خالي سير تفطر أنا غنشوف شي معلم يقاد هاد الباب و متنساش هدرتنا، طلعت للدار لقيت الواليدة تا هي مغوبشة صيفطات ديك شنيولة ديال ختي تسمع هضرتنا و وصلتها ليها سخونة ، سمعت تاني ديك الهضرة ل كنسمعها من عندها مورا كل مضاربة ، حاولات تحلفني باش عمرني نعاود نضارب و لكن مبغيتش حنت عارف راسي ل ضلمني شي واحد منصبرش ليه. فطرت وصلت ختي للمدراسة و مشيت حدا أوطيل إبيس (هانا درت ليهم إشهار ل مشا ليه يقولها ليهم) تماك كاين البحر و أنا فيما كنحس براصي مزير كنجي حدا البحر كنحس بالراحة من كنكون حداه و هو الوحيد ل كنشكي عليه شحال بكيت حداه من كنت كنتفكر الواليد ، بقيت ساهي فالعشاق بنادم صابح على التموعيش تقول بايت يحلم بيه غنفيق على صوت التيليفون خالي هادا ألو ربيع جي دابا راه جات شي خدمة ، وخا هانا جاي و قطعت ، درت ليكيت و القب و حدرت راصي و توادعت مع البحر هانا وصلت للمحال سلمت على الدراري سولت على خالي قالو ليا راه خرج و وصاك على هاد التوارج راه سكتات لمولاتها فالدرب و راه قلبناها و معرفناش مناش هادشي ، قلت ل عماد ( واحد الولد خدام معايا) أرا الكونطاك بغيت نضيماريها و نشوف الضر ديالها منين ، صافي سمعت الصوت قلت ليه لوح داك ميريكان حليت حدا الڤولا الكونطاك مكايوصلش القشعة ل كتخدم الطونوبيل بقيت كنقلب لقيت خيط مقطع قاديتو و سودييتو بالسخون جمعت الخيوط و سديت ، غي ضورت الكونطاك و هي تحنحن هههه الحديد ولا عندي بحال اللعب من صوتو نعرف مالو ، الدراري بقاو غي حالين فمهم حنت أنا الصغير فيهم و خا عندي 18 مي كنبان كبير فوجهي . الدراري بغاو الدكة طلعت للسدة (المgازة) بديت كنوجد فيه ، شوية سمعت واحد الصوت ديال شي بنت مجاحرة مع الدراري و كتقول بلي راه ماما لصيفطتني ليها هبطت نشوف شنو واقع ، بشاخ اللحم البيض هادا واك واك الحق أش هاد الزين الشعر شهب العينين خوضر و المناضر الخلابة معزولة بقيت ساهي فداك الفيم ل دايرة ليه Gولواز فالغوز هههههه gلوز سمحو ليا أي دونت سييك فرينش ڤيري gود صافي فقت من الغيبوبة قلت ليها ختي منخافوش قاتلي صيفطاتني ماما نجيب الطونوبيل ديالها ، قلت ليها صيفطي ماماك راه منقدرش نعطيك حنت معرفوكش الدراري خرجات كتنفخ و أنا متسوقتش ليها ، طلعت وجدت أتاي و هبطتو دازت نص ساعة دخلات واحد المرا و معاها ديك البنت سلام سلام -وجدتي ليا شغلي -اه -شحال حسبتي عليا -500 درهم (كنشارك معاكم أسرار المهنة) -مالك مبغيتيش تعطي الطونوبيل ل ريم - معرفوهاش الدراري و منقدروش أ لي جا و قال هادي ديالي نعطيوه -هدرة معقولة ههههه و متديش عليها راها هبيلة شوية و هي تقوليها شوهتيني أ ماما ههه عطاتني 100 درهم ديالي فوق الخلصة قصمتها مع الدراري جا خالي لقا الشغل ناضي عطيتو الفلوس و خرج. رجعات حياتي لروتين ديالها الدار و الحانوت و الملل و صل نهار الجمعة و مكنخدموش الصباح و كنمشي فوتينغ ديما ، لبست الكيطمة ديالي و درت القب و لي كيت فودني و عطيتها لجري من السعادة ل حدا إيبيس السوفل موجود خاطيني البلية هانا كنجري دزت على واحد البنت مجارة مع واحد خونا متسوقتش قلت غي صاحبها هادا غي فتهم بواحد جوج ميترو و أنا نسمعها كتغوت تلفت لقيتو جارها بز منها لجيهت واحد الخلا تماك هنا ولات حاجة خرا تا حاجة ما بزز رجعت عندو باغي نحل داكشي بلا مضاربة حطيت إيدي على الدري قتليه داكشي بالخاطر أ صاط مبغاتكش بعد منها غي تلفت و شاف فيا و أنا نقول تفو معامن تلاقيت...يتبع
