للحب كلمة

١٨

اهلًا يا سلمي كيفنك وين ما قاعده تجي ...اسكتي يا محاسن اصلا ما تساليها من يوم ما ودعتي ساره مشيتي بوشك بقيتي جافيه يا بتي ما فيك خير ...ليه يا امي انا كل يوم مَش قاعده اكلمك بصبح وبمسي عليك ..اي بتكلميني ما كدبتي بس ما بقيتي تجي تشوفيني يا خساره علي تربيتي فيك كدا اترزعي اقعدي اقعدي بس وتاوقت برقبتها تشوف ال بوراء بتها ودي منو المعاك انتي جبتي ليك شغاله جديده ولا شنو ... بلعت ريقها. وشالت نفسها وبقت تضحك ضحكه غلب وقالت بخوف دي يا امي دي الدكتوره كريستينا ... دكتوره وجايبه الدكتوره معاك لشنو قالو ليك عندنا زول عيان ولا شنو .....لا يا امي بعد الشر عليكن بس قصدي دي مره لؤي ولدي ....وفكت الحبوبه صرخه بي اعلي صوت عندها وبووووووووب علي وتاني ووووووووب بتقولي شنو انتي
وجو جارين رشا وسماح من جوا يشوفو الحاصل شنو لانه صراخ الحبوبه خلعهم افتكرو في حاجه حصلت لي ساره ومحاسن ختت يدها في خشمها من الخلعه والحبوبه بقت تكورك كيفن تعرسي لولدك من غير ما تشاورينا ...يا امي والله انا زي زيكم دخل علي وهي معاه وما عرفت اعمل شنو في النهايه دي رغبته وهو حر ...اطلعي يابت من قدام وشي وسوقي التيس الجايبهو معاك دا ...امي اسمعيني والله كريستينا بت كويسه ودكتوره كمان ...يابت انا مالي كان دكتوره ولا حتي وزيره قلت ليك اطلعي من هنا ومن الليله لا انتي بتي ولا انا بعرفك طالما ما عملت خاطر لكبير يبقي مافي شي تاني انتظره منك وبقت تخبط في نفسها وتبكي ...اتلفتت سلمي علي اختها وقالت ليها محاسن ما تقولي حاجه ...امي خلاص مافي داعي تكبري المواضيع الحصل حصل وهي سلمي ذاتها زيها زينا ما كانت عارفه ...محاسن انتي تسكتي فاهمه ولا اقسم بالله العلي العظيم اسيب ليك البيت دا واطلع ما تعرفو طريقي تاني وين ...خلاص خلاص الحبوبه معصبه شديد ولمن تحلف خلاص مافي زول بقدر عليها تاني بس محاسن مسكت يد سلمي اختها ومشت بيها بعيد وقالت ليها أمشي خلاص يا سلمي انتي عارفه امّك يومين كدا وبتكون هدت وتعالي ليها تاني ...وبكت سلمي شديد وكريستينا واقفه ساكته ما عارفه تتصرف كيف بس اتلفتت علي الحبوبه وقالت ليها ممكن يا خاله تسامحي ماما سلمي لانها ما ليها ذنب اذا في حد غلطان يبقي انا لاني ما فكرت انه انا ح أكون مرفوضه من الكل ومهما كان منصبي ولا حسبي ولا نسبي ح افضل وحده من الآلاف الكانو بشتغلو عندكم يوم في الأيام بس حابه أقول ليكم كلكم حاجه عمر الشغل ما كان عيب العيب انه نفرق بين الناس ونضهدهم بالشكل المهين دا ونبيكم قال: ألا لا فضل لعربي على عجمي ولا لعجمي على عربي ولا لأحمر على أسود ولا لأسود على أحمر إلا بالتقوى، إن أكرمكم عند الله أتقاكم. 
نعم انا مسيحيه بس قريت كتير عن الاسلام فإسلامكم بقول كدا انتو كيف تعملو عكس كلام نبيكم ..... الكلام كان زي القنابل علي رؤوس الكل والحبوبه كأنها صبت فيها مطره ومع ذلك ابت تتنازل عن رائها بس كريستين ما انتظرت زول يرد عليها قالت الكانت عاوزه تقولو وطوالي مرقت عاينت محاسن لأختها وقالت ليها حصليها وخلي امي علي وانا يومين وبتصل عليك انتي عارفه امي بتكورك تكورك بس قلبها ابيض وكلام البت اثر فيها بس هي بتقاوح مرقت سلمي وحصلت مرت ولدها ومشو وجات محاسن ولقت رشا بتعلق علي الموضوع ادتها تحميره خلتها سكتت طوالي ...
���لندن ���
مشت ساره علي العلاج والتحسن بان عليها والفضل بعد الله سبحانه وتعالي يرجع لي حسام الكان معاها علي طول وبدعمها وبدا شهر العسل الاتاخر بسبب مرض ساره وسافرو جزيره كدا يقضو فيها يومين واول ما وصلو الفندق ودخلو الغرفه خت حسام الشنط وقال ليها انا اخد حمام سريع واجيك هزت برأسها وابتسمت وهو شال الروب ودخل الحمام وهي فضت الملابس من الشنط وختتها في الدولاب وطلعت ملابسها وقَعَدت تنظره يطّلع من الحمام واول ما طلع كان ماسك البشكير بنشف شعره الكان نازل علي جبينه مشي عليها وطبع بوسه علي خدها وغمز ليها وقال يلا ادخلي اخدي حمام عشان عاوزك تكوني فائقه كدا ضحكت وقالت ليهو انا بالجد ما عارفه أشكرك كيف ..تشكريني ليه وانا عملت شنو يستاهل الشكر ...نزلت رأسها علي الارض وقالت ليها بخجل كفايه انك استحملت الوقت دا كله ... علي شنو يعني استحملت وهو بضحك عارف قصدها بس عاجبه خجلها وأنها ما قادره توضح ليهو ...حسام بطل ياخي انت فاهم ...لالالالا ما فاهم شي فهميني ...خدودها حمرت وبقت تفرك في يدها وهي بتمتم وتقول بصوت واطي خلاص يا حسام ما تخجلني ...ههههه طيب خلاص يلا بقي عشان انا مشتاق ليك موت وما قادر استحمل اكتر من كدا ... جرت منه وهي ميته من الخجل ودخلت اخدت حمام دافئ أنعشها وطلعت برا من الحمام كان الحمام مفصول عن الغرفه باب بدخلك علي صاله فيها مرايا والدولاب الختت فيهو الملابس طلعت الروب الأبيض ولبسته واتمكيجت وفكت الشعر بقي نازل علي أكتافها واتعطرت بالخمره والصندليه وكان معاها مبخر بالكهرباء جابتو ليها سماح شالت بخور الصندل من الشنطه وبخرت نفسها وجات مارقه بس رجعت تاني وقفت تعاين لنفسها وشالت عطر فرنسي عطرت نفسها تاني وختت حته خمره وراء اضانينها وانتبهت انها لابسه شبشب الحمام ضحكت ورجعت تلبس شبشب من الفرو الأبيض ودا كات من زوق حماتها وهنا تسمع صوت حسام الكان بكورك ساره وينك دا كله حمام اطلعي ولا أجيك ...ضحكت وقالت ليها اوعك تجي انا خلاص مارقه ليك يا عمري وجات مارقه كانت زي القمر في وسط السماء قمر يضوي الارض المظلمه واول ما شافها قام ناطي من السرير زي المجنون وقف قصادها وهو بصفر ومشي عليها وهو كان لابس البجامه البيضاء والسكسوكه ح تاخد منه حته ولا شعره الكان زي الحرير ونازل علي جبينه ولا ريحه العطر الكانت بتفوح منه مسكها من يدها وقال ليها في حد قال ليك قبل كدا انت حلوه ... ردت بخجل وقالت ليها ايوه ....اه منو دا اه قولي ....ضحكت وقالت ليهو سمعتها منك يوم العرس ....ههههههه ياخ مالك عاوزه تجننيني بس أقول ليك بصراحه انا يوم العرس كنت متوتر وما حسّيت بفرحه العرس ودا بسبب مرضك وتعبك بس الليله انا حاسي انه دا يوم فرحي والله يا ساره انا كان علي اجيب ليك قطعه من السماء لانك غاليه علي وبحبك وبموت فيك ....وانا كمان بحببببببببك ....قلتي شنو ...قلت ليك وانا كمان ..... لالالالالا البعدها البعدها ....ردت بدلع وقالت ليهو بحبك ....يا إخوانا يا هووووووي انا ما بستحمل دا كله وطوالي شالها وهو بكورك وهي تضحك وتضحك ومشي بيها علي النور وغمز ليها انها تطفيهو وهي طفتو وتكون الغرفه علي النور الباجوره ويختها علي السرير براحه ويمد يده ويطفئ الباجوره كمان 
���������������� 
تاني يوم الصباح قامت ساره من النوم وتعاين ليهو وهو كان نايم خت يدها علي خده ومررتها بكل حنيه ونزلت رأسها وباسته علي خده وبعد داك اتسحبت براحه ودخلت ملت البانيو مويه دافيه وقلعت الروب ودخلت في البانيو ورقدت وهي بتلعب في المويه بالصابون كان محتاجه للاسترخاء بعد ليله طويله (...) وطولت في الحمام كانت عاجباها المويه وبعد ما خلصت طلعت واستشىورت شعرها ولبست اسكيرت قصير اسود ومعاه بلوزه حمالات بالأخضر ورفعت شعرها بالمشبك لفوق وجاء الباقي مرمي من وراء علي أكتافها ونزلت حاجه بسيطه بالجنبه واخدتت روج بيجي فاتح وظبطت نفسها واتعطرت وجات مارقه متخيله انه حسام لِسَّه نايم بس تلقاه مافي وقبل ما تفكر انه ممكن يكون طلع يجي هو مارق من الحمام ...انت انت استحميت ووين الحمام بهنا ...مشي عليها وقال اولا صباح الخير وصباحيه مباركه يا أعز الناس .... .صباحو حبيبي بس بالجد انت استحميت وين ....هههههه حبيبتي في حمام هنا تاني وكمان مطبخ انتي امس ما شفتيهو كويس شكلك .... انا انا امس عيوني ما شافت الا انت ....يا ابووووووي انا ما بستحمل الكلام دا يا إخوانا والله والله بنتحر ليك هنا ..... وغمز ليها وقال ليها رائك شنو ...فهمتو هي طبعا وطوالي ردت عليهو وقالت حسام بعدين انا جعانه عاوزه أموت من الجوع ... حبيبتي جعانه وانا واقف احسن وأحلي فطور يجيك لحد عندك وعندك واحد فطور وصلّحه .... ههههههه بقيت عامل زي المصريين الشغالين في القهاوي ...عندك واحد شيشه وصلحها ...حاضر يا معلم وبقو الاتنين يضحكو وهنا قالت ساره سحس يلا بقي البس عشان بالجد جعانه ما عارفه بعد علاج الدكتور دا حاسه انه شهيتي رجعت ...طيب الحمدلله خلاص يا عمري ثواني وبخلص ونطلع نأكل ....ليه ما ح نأكل هنا .... لالالالا اكل شنو هنا نحنا نمشي لمطعم كدا انا جيته قبل كدا عندهم سمك مشوي رهيب شديد .... جيتو مع منو اتكلم ... ياخ مالك انتي عاوزه تاخريني مَش تخليني البس عشان نطلع نأكل ..... طيب طيب زوغ من السؤال بس بقبضك .....وبقي يضحك ومشي لَبْس وهي مشت لبست بنطلون جينز ازرق فاتح مع البلوزه الحمالات الكانت لابساها مع الاسكيرت ومعاهم بالطو من الجلد طويل لحد الركبه ولفت طرحتها علي شعرها ولبست بوت اسود وشالت شنطتها وجات مارقه تنتظره وبقت تقول الحمدلله ياربي علي السعاده المنحتني ليها بس الله يستر انا عارفه حظي ما بفرح كدا والا تحصل لي حاجه هزت رأسها وقالت اعوز بالله دا كلام شنو البقولو الله ما يجيب الا كل خير وجاء مارق سحس وهو لابس بنطلون جينز ازرق فاتح ومعاه تيشرت ابيض وجاكيت جلد اسود وجزمه سودا وريحه العطر فايحه فرح منه مشي عليها وحضنها شديد وقال ليها الله لا يحرمني منك يارب وشال مفتاح عربيته وتلفونه ومسكها من يدها ومرقو .... فتح العربيه وانتظرها تركب وقفل الباب وجاء عشان يلف تلفونه رِن يلقاها امه رد عليها وهو مبسوط اهلين يا احلي ام قولي لي مبروك ولدك شرفك امس ... الف مبروك يا ولدي ...امي مالك فيك شنو صوتك متغير كدا حصل شي ... والله يا ولدي ما عارفه أقول ليك شنو ... وقف وهو كان مادي يده عشان يفتح الباب ويركب بس كلام امه خلاهو وقف امي اتكلمي مالك فيك شي انتي كويسه ...انا كويسه بس جينا جات وسالت عليك ... أتحرك حسام ومشي بعيد وقال ليها جينا وجات لشنو ومالها بي ... ما عارفه قابلتها السكرتيرة ورتها انك مع زوجتك في ألجزيره ...شنو انتي بتقولي شنو وكيف الذفت دي تقول ليها عن مكاني انا غيرت تلفوني عشان ما تعرف توصل لي ...يا ولدي انا جيت بعد ما البت ورتها وقالت جايه عليك ... لا حولا ولا قوه الا بالله ليه يا امي ليه بس ودا حصل متين ...أمس بالمساء ....حرام عليك يا امي وليه ما كلمتيني من بدري .... يا ولدي اتصلت عليك بس انت ما كنت بترد علي ... يا الله وخت يده علي جبينه وهو صاح بالليل كان التلفون بضرب بالليل وهو ما اشتغل بيهو .... حسي انه راْسه عاوز يطرشق ... طالما هي اتحركت من الليل بتكون وصلت ألجزيره وياااااا علي غباي هي بتعرف انا لمن اجي هنا بنزل في الفندق دا ....ساره بتعاين ليهو من جوا العربيه وما سامعه هو بتكلم شنو بس الشافتو انه شكل حسام اتغير شديد ولف حسام وأدها ضهره وبقي يتكلم مع امه عن جينا هنا ساره لقت القصه طولت قامت فتحت العربيه ونزلت وبقت ماشه عليهو