لعبة الكذب

الجزء 05

المهم ، طول الدوام بتونس مع بلال ، و في اليوم دا طلب انه يلاقيني ، رفضتا لانو بصراحه م واثقه في نفسي من ناحية ارتباك و توتر م عارفه انا الزول دا عمل فيني شنو ،، المهم اخر شي اتوصلنا ليهو نجي لي بلوزة تقوي ،، خلصتا دوامي و مشيت علي البيت

حسيت انه عندنا ضيوف لانه في صوت ناس كدا جايني لمن براا ،، دخلتا ،، فعلا لقيت صالتنا ملانه ، مرة كداا متكدنشه داك يا التوب وديك يا الحنه والدهب ،

والحاجب الشمال دا مشعلقاهو فوق الجبهه ،، و راجلين كبار كداا ،

و الباقين اهلي واخواني كلهم ،، المهم بديت سلامي بالمرة دي ، سلمت لي كدا بطرف يدها ، و الحركة دي انا بكرها ، من هنا عرفت انها م حتنفع معاي تاني و بطني قلبت منها ..

سلمت علي البافين ، بقت لي غريبه ادخل جوة و من جيت داخله هما صنو ،، مشيت اتحشرتا في كنبه هناك جمب معتمر و منتقي ،، قلت ليهو ديل منو ؟

قالي تتزكري يوم جاتك الزايده كان قلت ليك نصرالدين قريبنا اتصل بي جايننا كان و بسسبب الحصل م جو ، اسي فجاه وانا راجع من السغل ابوكي اتصل بي اجيب معاي حلويات وبارد ،، قلت ليهو سمح و المرة دي منو ؟ قالي دي ما فابلتيها في بيت ناس نجلاء لمن مشيتو امس ؟ قلت ليهو بري ، ( في اللحظة دي الباب خبط ، منتقي فتح ، طلعت تقوى صحبتي ، جايه وشها دا ما بتفسر زي الكانت بتبكي ) يلا انتظرتها بعد سلمت ، و مشيت عليها طوالي مسكتها من يدها جريت بيها جوة ،، دخلنا غرفتي ،،

قلت ليها حاصل شنو ؟ م كلمتيني انك حايه و وشك دا مالو احمر كدا في شنو ؟؟

_ حصلت مشكله بيني و بين وصال مرة محمد اخوي و نبذتني و ساكته ، لمن جابت سيرة امي ، م اتحملتا ، قمت عليها بالشبشب محمد جا داخل ،، مسكني دقاني من غير ما يفهم الحاصل شنو ، حاولتا اشرح ليهو رفض يسمعني ، اسي قال حيعرسني لي اخو وصال و هو راجل كبير و متزوج و اعتقد بي شفعو

* سجمي سجمي ، دا كلام شنو يا تقوى

_والله دا الحصل انا حأجن يا تراجي

*والله ما تعرسيهو ان جن الما بتخجل دي كان ما ساي هي زاتا قدرك لمن تخت راسا براسك، عايزة تطفشك بأي طريقه ياخ الله لا كسباااا

_ انا حنتحر والله يا تراجي م بقدر البحصل لي دا ماف بشر بتحملو ، انا اختو الوحيده ما فادر يحميني ولا يشيل مسؤليتي

*اسمعيني هنا ، والله ما تعرسيهو و مكانك معاي هنا ، لو راجل خلي يجي يواجه ابوي واخواني ديل

_لالالا يا تراجي انا جيت اتنفس واحكي ليكي والله لو بت عندك ما بعيد يضبحني

* يا بت انتي جنيتي ! يضبحك شنو ، البرا ديل ما رجال ؟ ، عارفنو اخوك و يقلعك مننا بالقوة لكن لمن هو يبقي راجل اول و ينصفك مش يرميكي رميه زي دي وانتي في عز شبابك

_استغفر الله ما عارفه اسوي شنو انا تعبت والله

*حبيبتي انل ، معلييش بكرة دنياكي تحلا و تتزكري الايام دي و تضحكي

_بتتكلمي كأنك ما عارفه وضعي

* عارفه اي حاجه بس انتي هنا تحت حمايتنا و البرا ديل اخواني اللي هما اخوانك والله يفدوك بي روحهم انتي هبله ولا شنو ! اطمني ،، كدي دقايق اشوف الضيوف ديل وارجع ليكي

_ديل منو كمان ؟

* واللع انا زيك واحد بس اعتقد اهل ابوي

_ افففف يا ياساتر

* ي ياتر ساي ، اله يسترا من عنده ، كدي انا بمشي اشوغهم ، اخدي راحتك انتي

......

مشيت الصاله ، لقيتهم قاعدين ،، شلت صينيه الكبابي الفاضيه ، سمعت المرة بتقول :

غايتو اصحاب الزمن ديل بجيبن الكفوة لي بناتكن انتبهت ، تلقاهم بنات صغار و قادات نخرينن ( بتقصد تقوى).... سامعه كلاما داا و خاته تلج في قلبي ، عاينت ليها ومشيت ،، امي قالت لي يلا انا جايه معاكي المطبخ عشان نجهز العشاء , المرة قالت ليها لالا بعد دا يادوب نحصل نمشي ،، انا مشيت ولا اشتغلت بيها ، اتوادعو متين !

مشو متين ما عارفه..

واقفه في المطبخ ، طلعت البيض من التلاجه ختيتو يتسلق ، و بديت اجهز ،

امي و معز جوني ،

قالو لي انتي صحبتك وينا ؟ قلت ليهم جوة في غرفتي ، عاينو لبعض ، قلت ليهم بفهمكم بكرة اسي الزمن مامناسب ، امي قالت لي امشي ليها انا بتمو ، قلت ليها لالا انا بتمو ، المهم اصرت ،، جهزت معاها ،،

جيت طالعه من المطبخ لم فيني معز ،،

قالي : في شنو ؟ ( ببي لهفه)

قلت ليهو معز اسي ما وقتو ، قالي لا هي مالها من دخلت انا انتبهت ليها شكلها ما بطمن ،، قلت ليهوو فعلا مارة بظرف بس الليله وبكرة حتبيت معانا ما بخليها تعتب برا البيت خطوة .... حيررتو زادت

يتبع ....