لعبة الكذب

الجزء 10

الاجزاء الجاية دي 🔞 م القي لي واحد اندر ايج حايم هنا

الكان حاصل معاي ، 

لسه واقفه بفتش ف الادراج و دا واقف جمبي لمن اتوترتا ، كان اخر درج اللي هو حقي و مفتاحو معاي ،، 

فتحتو ، و بعاين بتركيز في نص الكرور ،، م حسيت الا بي يدو بتلمسني في اردافي ، قمت مخلوعه وعاينت ليهوو ،، قالي اسف اسف م قصدي صدقيني ، حركة عفوية مني سامحيني ،، هو فعلا زي الخبطه كداا ، بجد م عارفه اذا متعمد ولا لا ... قلت ليهو ابعد شويه ممكن ولالا ؟ ،، بعد بقا واقف ف اول الممر ،، انا بفتش خلاص كطتا و اتوترتا شديد ،، فعلا م لقيت الختم دا ، قلت ليخو اتصلت بدكتور خالد ؟ 

قالي كان معاي و فتشنا سوااا ، قلت ليهو طيب دي مش مواعيده ؟مفروض لسه يكون مداوم ،، قالي حصل ليهو ظرف و استأذن مني و فات بدري ،، قلت ليهو والله الختم دا انا متاكدة ما استخدمته و كان موجود هنا جمب الجهاز ،، يلا ف اللحظة دي جا خالد داخل ،، و سلم سلام حارر 

قالي جابك شنو انتي ؟ انا هنا احترتااا 

قلت ليهو مالك جيت راجع ،، دكتور مينا حاول يغير الموضوع ، قاليهو اهاا كيف ناس البيت ، قاليهو بخير 

قالي والله يا تراجي مشيت الفرع التاني دكتور مينا رسلني اشيك علي حاجة 

عاينت للدكتور بخيبه امل كداا ، جابرو شنو يكذب كداا ... قلت ليهو خالد انت اخر واحد اشتغلت بختم التواريخ 

تقدر تستحضر لي وين مكانه ،، قالي ايوة في درجي .... وحات الله خشمي ما فتحتو 

طوالي طلعتا من غير م افتح خشمي بحرف 

.. مشيت ركبت العربيه ، 

لقيتهم ساكتين ،، بدل هما يسالوني مالك اتاخرتي ، بقيت انا بسال فيهم ، مالك انتو كمان ،، ف اللحظة دي بلال كان بيتصل علي

،، قلت لي تقوي ، بالنسبه للمشوار داك 

قالت لي يلا اسي ... قلت لمعز خلاص امشي شوف شغلك انت ، نزلنا هنا ، عندنا مشوار قريب من هنا ،

ننتهي منو ،، و حنمشي علي البيت ،، قالي لا 

تقوي ،، خايف اخوها ولا زول من طرفهم يلم فيكم ، المشكله حتكبر ..

قلت ليهو م للدرجة دي ، واصلين مو ال (....) و بنرجع طوالي ،، 

قاليها اكتبي لي رقم اخوك هنااا .... 

قالت ليهو لا ، اخوي صعب م اظن الزول الممكن يتفاهمو معاهو ،، قاليها اسمعي الكلام و اكتبي يا تقوي ،، شالت التلفون وكتبتو 

،، قالينا م تتاخرو ،، بس حأوصلكم لحد المول واخليكم ، و من قبلكم تاخدو ركشه ترجعكم ، مفهوم ،، قلت ليهو حاضرر ... 

ياهو دور العربيه و مشينا ، لمن وصلنا ،

نزلنا وفات هو ... 

دخلنا علي المووول ، و تووش علي المحل ، كالعاده قاعد برا و معاهو ولدين وانا اصلا م وريتو اني جايه ، كل يوم في الليله و في بكرة ،، لمن واحد من القلعدين معاهو شايفنا داخلين اظن دا شريكو ،، قان داير يجي علينا ،، قام بلال سبقو قاليهو خليك .. دخلنا و جا ورانااا ،، سلمنا و طبعا عينو ما نزلت مني و تقوي متابعه نظراتنا ،، 

طلع لي كذا لون من البلوزة ،، قالت ليهو في مكان للقياس ، قاليها ايوة ،، ديك ليها ( حسيت انها دايرنا نتكلم لانو هي كرهتا القياس ) ... دخلت 

و طوالي قرب مني و مسك يدي ، بعدت لورا قلت ليهو دا شنو يا بلال ، قالي اسف لكن اقسمت بالله مشتاق ليك و م صدقت شفتك

طيب سيب يدي ي بلال ، 

اسف اسف ، شوفي ي تراجي انا في كلام لازم اقولو ليكي ، قلت ليهو طيب قولو ، قالي م حينفع ، قلت ليهو هو شنو الما حينفع ي بلال ( بيني و بين نفسي انا حاسه و روحي متشحتفه بس دايراهو يتكلم )

قالي ينفع نطلع اسي ، قلت ليهو لالا مستحيلّ

قالي والله ما حأخرك ، بس ربع ساعه و ... (قاطعتو)تقوي ..

قالت لي توجا انا جعانه رايك شنو نمشي الكافتيريا دي سندوتشات بس ،، قلت ليها نمشي البيت اسي ، قالت لي لا ،، 

يلا انا حشيل البلوزة بالاحمر ، قلت ليها مش قلتي السودا ، قالت لت بالاحمو احلا ،، حاسبتو ، و طلعنا لمن طلعنا برا خالص جا ورانا ،، قالينا العربية الرمادية ديك .. اترددتا

استككانه☕~

يتبع .....