لعبة الكذب

الجزء 32

بلال وقف الفيديو .. 

عمي دا من الصدمة قعد يضحك ، ويبكي ،يضحك و يبكي ،، انا والله ما اتوقعت من الحلعه لقيت دموعي ديل نزلو ، بلال 

معقولة فعلا

يكون ربنا رماني في سكتو عشان تظهر براءة زول مات من سنين ، ياخ للدرجة دي ربنا كريم ، اي كنت متاكدة ان ربنا حينصفنا بالحق ، بس ما اتخيلتا يكون بالطريقه دي ،

عشان كدااا لمن تقعو في حفرة يأس و ظروف ومشاكل مهما كان حجم المشكله ، قولو #لعله_خير 

الخيرة في ما اختاره الله ، اتيقنو ان ربنا م غافل عنكم ، والظلم مستحيل يستمر ،رفعت راسي بعاين لاولاد عمي اشوف منظرهم م خجلانين ، خصوصا ناجي دااا ، عاينت ليهو كدا لاول مرة بوضوح ،

وكل مرة بلمحو كنت بقول اني شفتو في حته ، بس المرة دي عرفته انا شفتو وين ،،

باك فلاش

تتذكرو اول يوم لي في صيدليه مينا ، يوم اتعرفتو علي اول مرة ،،

تتزكرو جاني جدو ، راجل كبارة كدا كان بشتكي لي من ضغطو ،

وقت كنت بقيس ليهوو ، جاني واحد و اتكلم باسلوب سخيف ، ان لازم اصرف ليهو اول و اتناقشتا معاهو وفات طلع من الصيدليه ...

بس ياهو داا ناجي زاتو .. 

سبحان الله ، م عارفه اذا مثل : هذا الشبل من ذاك الايد ، بنطبق عليهو ولالا ، لكن خربانا من كبارة تربيه كعبه .. يمكن نصر دا احسن واحد لانو صاحب اخواني ،،

المهم ان قضيه معز كانت سبب لكشف براءة محمد تاج الير ، اللي هو ابو بلال 

و كانت سبب ان كل انسان يقعد في مكانه الصح ،

كانت سبب في ان بلال محمد تاج السر انه يقل لنقطه ضوء مهمة في حياتو و يكشف الكان متدسي ، كفايه ظلم و كفايه استحقار ياخ الناس دي ما بتخاف ربنا ،،

بس عارفين المحزن شنو ؟ 

ان عمي فقد عقلو تماماً ، و انتو عارفين في الحاله دي م حيقدرو يحاكموهو ، كان سجين في مستشفي الامراض العقليه ، اما تهاني اتسجنت 20 سنة يعني مؤبد .. و قضيتهم عملت ضجة لانو جرت وراها الفساد من الجهات الكانت بتساعدهم من تزوير و غيره

.... 

رجعنا البيت و معانا معز ،، و بلال 

بلال اللي عرف نفسو متاخر جداً ، و كان بيحكي لينا ، يوم جا عزا ابوي ، هو جا مع نصرالدين اللهم عزاا و وقف وساعد م كان يعرف ان دا عزا ابوي ، وهنا اتعرف بأخواني اول مرة .... 

اما انا : 

اتطلقتا بسهوله لانو كل حاجه كانت لصالحي وبلال م خلاني ثانيه واحدة ، و بسبب بلال قضيه ابوهو رجعت اتفتحت تاني ، بس عشان يثبت براءتو ، و اخد تعويض مادي لان قروش ابوهو كلها شالوها تاني وعمي .. اما عثمان و صفية ، طلعو من الخرطوم وحياتهم كانت مجهجه يعني ما فكرو في تقوي وتقوي المسكينه م في زول بسال عنها من اهلها انحنا مبسوطين بيها والله وبقينا ليها اهل واخوان حمدلله ..

بعد اسبوع من من طلوع معز والحاجات الحصلت دي كلها ، تتذكرو شريك بلال ، يلا دا براهو رجع ،واعتذر انه كان في حوجة للقروش والله اعلم.. 

في شهر 10 الفات داا ،، تقوي اتصلت علي

كنت في صيدليه دكتور حسام ، 

*الووو يا توتة

_ايوة تراجي ، اهاا وينك ؟

*لسه نص ساعه 

_ياخ انا راسي شطب تعالي ليّ

*يا تقوي انتي ماشه وقلتي عندك حاجات معينه حتجيبيها تاني شنو ؟

_راسي شطب م عرفتا اشتري حاجه ، في محل جديد فتح بس م عرفت اصل ليهو قالو لي ، تعالي لي ياخ عليكي الله 

*طيب طيب ،، يلا 

طلعت ، و مشيت عليهااا ، كانت واقفه 

في المول الزمان داك ، وقفت جمبه رجعت بي الزكاريات لاسوء واجمل الايام ، قلت ليهاا يعني م لقيتي غير الموول داا ،، قالت لي اي 

اها وين المحل دااا ،، م بعرف بس يلا نشوف قالو لي اسمو EVE, 

مشيناا ،، دخلنا محلين و التالت دا من برا كان محل فخم بكل معني الكلمة ، فعلا اول مرة اشوفو ، دخلنااا ،، و تقوي بقت تنادي في صاحب المحل ،، هو جا من ورااي ، وهي عاينت ليهو قالت ليهو لو سمحت اختي دي جات عندك فترة واشترت منك بلوزة شيفون انا دايرة زيهااا ،،، اقسم بالله لمن قلبي دا قال #شح، اتلفت لقيتو بلال زاتووو 

قلت ليهو انت الجابك هنا شنوو ، قالي انتي الجايه مكاني عندك شنووو ، هههه ياخ اتفقنا عليكي حبيت اعملا ليكي مفاجاه، ياخ من احس قلت ليهو بحبك والله بحبك ياخ

لمن عيوني رقرقو ،، مسكني من يدي قالي تعالي شوفي دااا ،، طلعني براا المحل قالي عايني اسموو ،، لقيتو #تراجي اسم بارز مضيئ ،، اتبكمتا بس ، قالي انتي في لحظات الزعل م بكيتي حتبكي في الفرح ،، قلت ليهو ايوة لانو ف اللحظة دي انا عايزة اشكر ربنا و م عارفه اشكرو كيف ، دموعي تنزل من رحمة ربنا ، ولا تنزل بكا علي ناس م تستاهل ،، حمدلله ،، اجمل حاجه لمن يكون اخر الطريق نوررر ،،، 

، بلال عقد علي ،واقسم بالله قصه حبنا يتحاكو بيها وين و وين ، بالجد انا من 30% من الناس الطلعو محظوظين في الحب ، 

بالجد ،

رب صدفة خيراً من الف ميعاد ..

ربنا❤ بيجمع💜 ، و يولف💛 ، و يربط 💙ّ

وليفك وين ؟؟؟؟ كان م لقيتو #حتلقاهو ثقه في رب العالمين .. عيشو الحب ، وعيشو بحب .. 

......... الـنـهـايـة.........