لعبة الكذب

الجزء 19

قال داير يلاقيني ..

همممم ، يلاقيك ، وانت بكل بساطة طبعا. حتلاقيهو صح ! والله لكن رجال اخر زمن ...

قصدك شنو انتي يا صفيه!!

كل دا و ما فاهم قصدي ، والله يا عثمان خسارة السنين البيناتنا ، لكن بفهمك مالوو 

.. (قربت عليزاضانو وبصوت واطي )

قصدي انك راجل ما ناقصك شي ،

و بتقدر تحسم الفوضي دي ، و ما هين ولازم الكل يهابك و يخاف منك ، فهمتني

يعني لازم تكون ليك وقفه في الموضوع دا م تخلي يفوت بالسهوله ،، كيف تقبل علي نفسك اختك تتزوج من غير م تعمل لوجودك قيمة هاا ، الجيران يقولو علينا شنو اسي ، انا من غير شي لمن بسالوني منهاا بتوتر و بقوليهم سافرت عند امها ،

وغير كدا يا سمنو يا روحي ، اخوي المسكين دا زنبو شنو اسي ، كل يوم يتصل بي و يسالني منها و انا ادس و اقوليهو بترجع ف اليومين دي ، وكل يوم اقعد االف لي كذبه عشان منظرك قدام الناس ، اسي لمن يعرف انها عرست حيسوي فيني شنو ؟ ّ

عشان كداا انت لازم تخلي الزول دا يطلقا حبيبي ، فهمت علي يا رووح صفيه ؟ 

فهمتك تب ، وابشري التتمني حتلقي ....

نرجع لي انا ... 

بقيت محتارة ، وحسيت بخوف ما اكذب عليكم ، انا متاكدة شفت بلال في العزا ، طيب بلاش انا ، حتي تقوي شافتو م يوم واحد بس ، لا يومين ورا بعض .. 

فجاة قاطع تفكيري بلال ،، 

_ تراجي ، انتي ساكنة في ال (..)

* ايوة ايوة

_ استغفر الله يا ربي 

*اهاا لو ما جيت ، عرفت كيف انا ساكنه في ال(..)

جيت يا تراجي ، ايوة جيت 

*طيب مستاء كداا مالك ؟

مخنوق

*كدي استهدي بالله و فهمني وحدة وحدة 

احسن ما تفهمي 

*كيف يعني ما افهم 

يعني احسن ما تفهمي يا تراجي 

*بلاال انت مالك بتتكلم كدا ، كيف يعني احسن ما افهم ، ليه ما افهم الحاصل دا بهمني اعرفوو ، وصلت لحد بيتنا و عزيت في ابوي و خدمت مع اخواني ، اقرب الاقربين لينا ما وقف وقفتك دي مع اخواني ،، الناس كلها في افراحك بتلققاهم واقفين ، وفي حزنك فجاه الكل يختفي ، كل المعرفه البينا شهور ما تامة و يوم رقاد ابوي ف المستشفي بيتا زينا واحد ، ويوم عزاهو خدمت باليومين ، و بعد دا كلو تقول لي احسن ما تفهمي ...

__ ايوة يا تراجي احسن ما تفهمي ( عن ازنك .. و فات مشااا ) 

جات تقوي .. 

تراجي بلال مالو مشا كدا ؟؟

ما تساليني ، انا واصله حدي ، ارح وصليني البيت ،، تراجي بسم الله بتخوفيني في شنو ؟ حصل شنو ؟ 

صدقيني يا تقوي انا زاتي ما عارفه حصل شنو ، فجاه كل حاجه جاطت ..

كيف يعني حاجات شنو ، واسي بتبكي مالك انتي ؟ 

يا تقوي كيف ببكي مالي ، وحات الله انا بحبو حاسه نفسي في حفرة و نازله بي لي تحت ، فجاه حياتي جاطت بقيت ما فاهمه فيها شي .. عشان كدا ما تساليني ،

انا زاتي دايرة اليفهمني ، البحصل دا شنو 

تعبانه والله وتعبانة ، و ما حستحمل فكرة انو بلال يخليني بالطريقه دي ..

كيف يخليكي هو قاليكي كدااا ؟ 

لا ما قال كداا ، بس فجاه اتعصب من اسألتي و اتحول لزول تاني ، وقام خلاني ..

طيب دا م معنانو خلاكي يا تراجي ، دا معناتو زول غضب و وصل مرحله ، يعني غصب عنه واكيد حيرجع يعتذر و يفهمك هو عمل كدا ليه ، ما تبكي ياخ معقول ..

رجعيني البيت ،،، طيب قومي ... 

وانحنا في السكة ، معز بدا يتصل علي تقوي و يستعجلنا ، قلت لتقوي مالو معز ،، قالت لي بري والله ما عارفاهو قلق بي زاتو ..

والله الواحد بقا يتشائم من اقل شي ، فجاه حالنا ااتقلب ،، لمن وصلنا البيت ،، نزلنا 

لقيت نصرالدين ود عمي داا و معمر و معز في دخلة البيت ...

يتبع.....