لعبة الكذب

الجزء 26

تراجي اتكلمي بأدب ... 

حاضر يا اخوي المرة الجاية حتكلم ب ادب ،، انا قعدة في البيت دا ما قاعداها ، تقوي عايزة تقعد خليها تقعد لكن انا لا ، رجلي علي رجلكم ... طيب ...

طلعناا ... اتحركنا، انا خايفه ، ف النهايه انحنا ما بنملك حاجه ، الله اهلم مقدار القروش دي قدر شنو ،، انحنا لو بعنا ملابسنا م حتكفي .. 

المهم وصلنا .. 

داخلين من مكان لمكان ، بالله حراسه زي جحر الحيونات ، لمن دخلنا في مكان كداا قالو انتظرو هناا ،، لمن جابو لينا ، في حالة استياء ما يعلم بيها الا الله ... 

سلمنا عليهو ، انا وحدة من الناس اتعاملت معاهو ببساطة م هولت ليهو الوضع .. قلت ليهو معز ، تقدر تتذكر الوصل كان المبلغ فبهو كم ؟ و ابوي الله يرحمو لمن وراك حوجتو للقروش حدد ليك مبلغ ؟ 

قالي كلها 20 مليون ، بس اتفاجاتا ، من انهم قبضو علي مفروض عمي يتنازل ،و ميعاد التسديد لسه قدامنا 6 شهور ، و بتصل بي عمي ما بيرد .... قلت ليهو ما بيرد عليك و عرف كيف انك محبوس وجانا في البيت ؟

قال م عارف ! 

جا الضابط ، قلت ليهو ممكن اعرف المبلغ كم المطلوب سداده ؟ قالي 650 مليون ، مبلغ تعجيزي ، من معز دا قام ناطي قاليهو هما 20 مليون والشهر دا انا كنت حأدفع نصهم .. انتو اكيد متلخبطين ،، قاليهو انت م قريت انه في حالة التاخير بيكون دا المبلغ المستحق .. 

اتصدمنا ، سكتنا .. هنا الموضوع بقا خارج السيطرة ، معز قال لمعمر لازم اقابل عمي ، ضاقت بي شديييد ، قلت ليهم عمكم متعمد يعمل حاجه زي دي استغل حوجتنا ، مبلغ زي دا خيالي ، يعني ليه في عدم السداد المبلغ يتضاعف بالطريقة دي ّ

حسبي الله ونعم الوكيل ،، خلاص نمشي نتكلم معاهو يا معتمر .. معمر قالي ، انتي بالذات م حيقبل منك كلام بعد كلام امبارح ، قلت ليهو شوف يا معمر ، انا كرهتي زول يستصغر عقولنا و يستغبانا ، ربنا كرمنا بعقل لي بشر زينا يستهون بيهو 

و ثم تانياً انا ما قلتا الا الحق .. و انا الحتكلم معاهو ، انحنا لو عشنا عمرنا كلو م حنقدر نوفر المبلغ دا .. انحنا محتاجين محامي ،، اتذكرت ان في محامي كان بجينا الصيدليه زي متعاون كداا ، المهم معرفه ممكن تفيد ، بعد طلعنا من معز ، اتصلت بيهو في العربيه

،، رد علي 

* السلام عليكم أستاذ احمد !

_ايوةّ

* انا تراجي ّ

_خير !

* خير ، بس عندي اخوي اوو .... (قاطعني)

_ما فاضي ، ( وقفل فيني الخط) 

هههه الناس دي ليه بتعمل كدا ؟ لمن نموت حنشيل الدنيا دي في ضهرنا ونمشي بيهاا ، ولا دايمين فيها ، لا حول ولا قوة الا بالله ،، 

معمر قال بيعرف واحد شغال معاهو ...

من سكتنا ديك مشينا ليهو لحد بيتوو ، معكر نزل اتفاهم معاهو ، و انتظرناهو لمن جهز و ركب معانا العربيه و مشينا علي بيت عمي ،،

في السكة حكيت ليهو شروط عمي 

والكلام القالو كلو .. كان كلام محير لاي زول و ف نفس الوقت هو كان الطرف الاقوى .. المهم وصلنا ، و دخلناا و قاعدين منتظرين الاستاذ ... 

جا فعلا وجات مرتوو ، قعدو جمبنااا 

بديت الكلام انا ،، قلت ليهو انحنا رجعنا من القسم اسي ، والشي الحاصل دا خيالي و متعمد و انت ختيت مبلغ خيالي في مدة قصيرة وانت مدرك تماماً انه مستحيل نقدر نسدد مبلغ زي داا ،، اتنازل يا عمي و انحنا مع الوقت بنسد ليك نصوو...

خلف رجلو ، و ولع سجارتو ،، قالي الحل في يدك و يدكم ،، المحامي قاليهو انت متعمد توصل للمرحله دي ، ديل اولاد اخوك انت ليه مصر توصل الموضوع محاكم وجرجرة .. 

قاليهو ، الحل في يدها و يدهم دا كل العندي 

.. م قدرتا اقعد شلت شنطتي و طلعت برااا البيت ، هي من ناحية مقفله فهي مقفله 

انا ممكن اضحي بنفسي ، بس بيتنا لا مستحيل ، حسبي الله و نعم الوكيل حسبي الله ونعم الوكيل فيك يا ظالم

يا رب تشوفو في اولادك ، الله ينتقم منك ّ

و ياخد حق حرقة قلوبنا ..

جو ..

ركبو العربيه ، و كل زول في هم 

، قلت للمحامي كان دبرنا نص المبلغ بيطلع ؟

قالي لا عمك مطالب بالمبلغ كامل ، حسبي الله ونعم الوكيل .... 

رجعنا البيت و شايلين آمال محطمة 

يتبع .....