لعبة الكذب

الجزء 27

حكيت لأمي الحاصل كله ..اتجمعنا انا واخواني عشان نطلع بحل واحد يكون ضد توقعات عمي ما قدرنا ... 

( في جانب تاني )

انا االبت دي زاتارم دايراها لي ولدي ، بس والله الا اعرسا ليهو عشان يكسر نخرتا دي 

*جا بلال بعد قالت كلاما دا *

قاليها امي داير اتكلم معاكي ،، قالت ليهو خير ! قاليها زواج لزواج انا بتزوجا 

قالت ليهو لا ، انا دايراها لي ناجي ،، قاليها بس انا دايراا يا امي ، قالت ليهو لا 

قاليها انا بحبها من قبل ما اعرف صلة القرابه ،، هههههه كمان بتعرف اولاد و عامله فيها الشريف الرضي ،، 

قاليها يا امي انتي فاهمة غلط ، قالت ليهو حتي لو فاهمة صح ،، لو انت اتزوجتها كدا ما حكون ....... ، قاليها م حتكوني شنو ؟

ولا شي ، امشي من قدامي .. يا امي ارجوكي انتو ليه بتعملو كدا انا داير اعرف 

ليه ياخ ، هما ليهم منو غيركم ليه بتعاملوهم بالقسوة دي ،،، لانك انت م بتعرف العيلة دي زينا و خصوصا الدكتورة دي قليله ادب 

الليله كانت هما لو شفت اسلوبا معانا حتتف ليها في وشها ، دي وحدة م محترمة .. 

بلال مشاا ، وقال في سرو ( بتتكلمي زي الكأني ما عانيت معاكم و بسببكم ، كأن الزمن بيعيد نفسوو ، سبحان الله ) ..

باك فلاش من كم سنة فاتو

عليك الله طلعو يا عبد القادر ، حلفت بالله 

هو م كان يعرف ، انحنا ما عندنا غيروو انا و ولدي حنمشي وين ؟ّ

يا تهاني اتكلمي مالك ساكته ، ليه بتتعاملي معاي زي الغريبه عنكم ، ابووووس رجلك يا عبدالقادر ، ابوووس رجلك 

والله ما بقدر اقعد براي في البيت انا و ولدي 

طلعو واوعدك حنسد ليك كل قروشك بيرجع ليك علي داير مليم ، ارجووووك 

....... ، لكن للاسف المرة دي عبد القادر اللي هو عمي ، كان بعاقبا علي شي ، انما لا هو داير قروش ولا حاجه ، اللهم حفرة وقع فيها راجل المرة دي ، والبيت المافيهو راجل ، زي البيت المتعري الماليهو عريشه ولا سقف ...)

للاسف انحنا عايشين في مجتمع فيهو 

طبقتين ، طبقة مستواها فوق المعقول ، و طبقه ياداب عندها حق وجبة اليوم ،، م عندنا طبقة و سطى ،، ودا غير 

ان القوي بيدوس علي الضعيف ، شي متعارف من قديم الازل ان المال هو البيحكم ، هو اللي ليهو السُلطة ،، عندك قروش امورك تتيسر ، م عندك تنفذ كلام اسيادك ( ناس السلطة) و تعيش مطيع للاوامر ،، حتعمل غير كداا ، بس سلطتهم و نفوذهم حينسفوك سابع ارض و دا الواقع المعاش و دا الحصل و الحاصل لاخوي معز ،، و لي ............. ( حتعرفو )

صليت كتير و دعيت كتير ، يعني هل يمكن يكون الحل في يدي و انا ما عملتا حاجه لحد اسي ، انا تعبانه بالجد واصله مرحلة كدا م يعلم بيها الا ربنا ، نفسيتي اتدمرت ، و بقيت ما بطلع برا غرفتي لاني عارفه ان امي قاعده تبكي ،، وانا ما حتحمل اشوفا بالمنظر داا ، بس حاسه بذنب اني م قادرة اسوي حاجه 

...

عاينت للزمن لقييت الساعه 9:30 

مشيت لي اخواني في الصالون ، قلت ليهم دايرة رقم عمي ضروري، قالو لي حتقولي ليهو شنو زياده عن القلناهو ، وكلي امرك لرب العالمين ،، 

مشيت لامي ، بس رقدتا في رجولا و قعدت ابكي ، اقسم بالله حق حرقه قلبي دي متاكد ربنا ما حيخليني و حينصرنا كلناا ، قلت لامي انا حوافق علي الزواج ، قالت لي لالالالا اوعك بنلقي حل ، قلت ليها يا امي لي يومين بنحسب و نضرب و المبلغ دا كبير شديد انحنا لو بعنا هدونا العلينا دي بالفي دولابنا بي كل شي نملكو ياداب يكفي نص المبلغ ، حسبي الله فيهو بس ، انا بوافق يا امي علي الزواج بوافق ، بس بيتنا لا .. حتصل بيهو اقول ليهو كدااا ... 

يتبع .....