لعبة الكذب

الجزء 14

قفلتا منه ..

رجعت عشان الم صينية الاكل ، لقيت تقوي لمتاا ،، امي قالت حتمشي تحصل المدرسه م عارفه تديهم شنو عشان حتاخد اجازة للايام الجايه دي و تقعد مع امي ... المهم طلعت

خشيت الغرفه اتصلت علي معز ما رد علي ، اتصلت في تلفون منتقي ، رد علي 

قلت ليهو ابوي كيف اسي ، المهم اطمنت عليهو و نمته والله ما حسيت بحاجه تاني .. 

لمن صحيت ، صحيت الساعه 12 عديل

معقول مافي زول صحاني عشان نمش المستشفي ، عاينت لقيت تقوي نايمة جمبي

طلعت براا ،، علي غرف اخواني ، ماف غير معمر شايل الليل دا ونسه ف التلفون ، وامي نايمة ،، رجعت غرفتي ،، اتزكرت تلفوني لحد اسي ف الشاحن و مقفول ،، فتحتو و طبعا لقيت بلال دا داقي علي لمن فترر 

و عيني في تلفون تقوي دا ينور و يطفي ينور ويطفي ، عاينت لقيت مكتوب#عثمان

اترددت ارد ، ولا اصحيها ولا اعمل شنو

الزول ما فتر من الاتصال ..

مشيت انا اتصلت علي بلال ،، صوتو كان ما عاجبني خالص ، كل مرة اسألو ، مالك فيك شنو ، بيقول لي انا بخير طول ما انتي معاي ،، اثناء كلامه معاي .. سمعت صوت واحد جمبه ، بلال قاليهو ، ارفع بنطلونك في الشماعه انا قبل شوية منضف الغرفه دي

،، دااك قام علا صوتو قاليهوو ما اصلاً دي شغلتك في البيت دااا .... فجاه الخط قفل

انا هنا راسي ضرب ، علي حسب اعتقادي ان دا اخوهو ، طيب ليه بكلمو بالاسلوب داا راسي جاط شديد ... 

بعدها طوالي اتصل علي معز اخوي ،، 

* ايوة ي معز 

_م اكون صحيتك 

* لالا انا صاحيه اسي كنت دايرة اتصل عليكم

_ المهم انتو بخير ؟ قبيل امي دي ضغطها كان عالي شويه 

* انحنا بخير ، انا صحيت 12 لقيتا نايمة مالك ما جيت صحيتنا و سقتنا معاك نطمن علي ابوي ؟

_مافي داعي لقعدتكم في المستشفي يا تراجي اساسا بكرة حيخرجونا 

*جد ، يعني خلاص ابوي اتحسن ؟

_ايوة حمدلله ، يلا امشي تمي نومك

*اصلو شنو هو تاني من وين يجي النوم 

_ طيب يلا خلي بالك 

* طيب يلا ف امان الله 

_ تراجي لحظة لحظة قبل تقفلي

* هاااا

_تقوي كويسه ؟

*اي نايمة حمدلله ، بس من قبيل تلفونا دا يرن واعتقد دا اخوها ما بطل اتصال 

_ طيب طيب انا بتصرف بس ابوي يطلع بالسلامة 

* طيب يلا 

_كلميها م ترد عليهو 

*طيب

_يلا سلام ....

طبعاً الليل كله منتظرة بلال دا يرجع لي ، نهائي م اتصل علي ولا رسل لي حرف واحد بالغلط .. الليلة دي فاتت ،، نمت بعد صليت الفجر ، صحيت قريب الضهر بصوت ناس و دوشه شديده ف البيت وريحه البخور دي م تديك الدرب ، قمتا ، طلعت برا غرفتي بعاين 

لقيت امي دي معاها مرتين ف المطبخ و تقوي بتمسح و فاكة البخور ، و معاها بت جيرانا ، وحات الله كأنه عيد ، حس البيت كان حلو شديد ،، مشيت استحميت وصليت وجيت ختيت يدي معاهم بالجد كنت مبسوطه شديد ، لحد بعد الضهر الصالون دا اتملا رجال فل ،، لبسنا التياب و وقفنا ، لمن دخلو ابوي حمدلله و كان عمي واولاده وبت ومرتو ، و جيرانه و شريك ابوي في الشغل ، بالجد اول مرة اشوف الكمية دي في بيتنا ،، انجنا زي بيت العرس لحد العصر دا قرب بقينا نتجارى في المطبخ و صواني الاكل ..

( كان في جانب ابوي وعمي )

_ يا محمد عارف الكلام دا ما وقتو ، لكن ما عارف معز كلمك ولالا 

*خير يا اخوي 

_ لالا خير ، بس انا سديت دينك اديت المبلغ لي معز و هو مضي لي علي وصل الامانه 

* والله يا اخوي انا خجلان منك 

_ ليه يا محمد اسي انا كان محتاج ما بتديني

*اكيد بديك ، وان شاء الله اردها ليك في الافرااح 

_ والله افراحنا انتو ابيتوها 

و معليش يعني في كلامي الحأقولو دا 

لكن دلع البنات شين ي محمد ،

انا لمن قلت تدونا بتكم ، بس عشان نرجع ترابط الاسرة الاتفكك زمان بسبب اهالينا ، و ما عندنا بنات بقولو لا لاولاد اعمامهم ..

يتبع ......