لعبة الكذب

الجزء 22

انا اطلع ليهو ؟

ايوة اطلعي ، حلو الشي الحاصل بينكم داا .. لاول مرة اقرر اني م اشغل تفكيري كتير وااخد خطوة من غير م احسب عواقباا ،، فعلااا مسكتها من يدها وقلت ليها يلاا ،

هي زاتا لمن استغربت ...

طلعنا الدور الاول ، والتاني ، كان محله 

وصلنا .. وقفنا انحنا الاتنين منططين عيوناا ، الحاصل شنوو .. في محل موبايلات جمبه ، تقوي دخلت ليهو ،، 

قالت ليهو لو سمحت يا عمو بس بسال عن المحل دا مالو مقفل كداا ؟؟

قاليها المحل داا ليهو قريب الاسبوعين مشمع ، اخر شي كان حصلت شكله هنت 

و تاني ، اتشمع من ناس البلديه و زي م شايفة ،،، انا واقفه ورا تقوي و سامعه كل الكلام دا ..

الكلام دا معناتو شنووو !!! 

طوالي طلعت تلفوني بقيت بتصل علي بلال ، جرس مافي رد ، لمن وصلنا المول تحت جمب شارع الزلط اشيل واتصل ما بيرد علي ،، لمن قنعتا و ضاقت بي وحيرتي زادت .. قلت لتقوي يلااا نمشي البيت .. 

بعد اشرت للامجاد ، بلال رجع لي ..

* بلال ... !ّ

_عايزة شنو ؟

*بلال ليه بتكلمني كدا ؟ انا عملت ليك شنو ؟

_ عايزة شنو با تراجي ؟

*كيف يعني عايزة شنو ؟ انت كدا مرتاح ؟

_ايوة مرتاح ، دي حياتي واطلعي منها

*بلال ... م تتوقع اني ابكي ليك ، واي نعم ما بعرفك لي كتير ، بس البعرفو ان دا ما كلامك ، انت بتقول كدا و مجبور ، في شي حاصل ليك انا عارفة

_انتي اسي متصله عشان تقولي كلامك دا

*ايوة وغصبا عنك تسمعو و غصبا عنك تجاوب علي اسالتي و توريني سوء التفاهم الحاصل داا 

_تراجي لو بتحبيني ابعدي

* وحات الله ما حأسكت الا اعرف الحاصل ،وازيدك من الشعر بيت ! انا حالياً مخل شغلك و عرفت ان محلك اتشمع 

_ ياخ انتي دايرة شنو بتفتشي وراي مالك

*بلال ، م دايرة معاك كلام كتير ، و كلام المصطنع دا انا شبعت منه ، انت بتحبني و انا بحبك رغم اي شي حاصل انا ما عارفاهو ، يا ريت م ندخل اللي بينا في مشاكل الدنيا ،، لو جد بتقدرني وعندك احترام للبينا دا لو بنسبه 10% ،، لاقيني اسي في ال ( ...) 

قدامكك ساعه .. قفلت السكة

تراجي ، م عارفه تصرفك دا صح ولالا بس انا متاكدة عمرك م حتندمي علي القلتيهو دا ، ما عيب ان الواحد يدافع عن حبه ،، يا ريتني ابقا زيك ، ههه تعرفي للان م حصل قلت لمعز اني بحبه ، رغم اني من اول مرة شفتو فيها معاكي وانا حبيتوو ، و يوم طلبني و كلمني بالعقد م فرحته ، قلتا يمكن شفقان علي حالتي ، و اي راجل في محل ممكن يتصرف كداا ، او امك اجبرتو او عم محمد الله يرحمه ... بس مع الوقت عرفت اني كنت خيارو

وهو احد الان م عبر لي بصورة مباشرة لكن بجس حبه في تعاملوو لي .. هههه هو دا الراجل #السوداني 

.. انتي ي تقوي علي الاقل ، علي الاقل شنوّ

ياخ دي اجمل حاجه ، بقيتي في عصمتو وحمدلله مشاكلك اتحلت ،، 

كدي وقفي الركشه دي ... ركبنا

( في جانب م بعيد شديد )

انتي مش عاجبك البيت دا ؟

_ عاجبني ساي ، ياخ مبالغه 

خلاص حيبقي حقك حلالك بلالك

_ هئ صدقتك ، يبقي حلالي في الاحلام

و اقوليكي حاجه تانيه !

_قوول

ناجي حيعرس بت محمد 

_هاهاهاهاهاهاي صدقتك لكن ، هي ما عرستو في حياة ابوها حتعرسو بعد مماتو شارب شنو انت ياحاج الليله ، الحبشيه دي م تكون ختت ليك حاجه في جبنتك دي..

استهتري بكلامي داا كووويس ، واتذكري ،ونصيحه مني ليكي ، من اسي فكري في البيت عايزة تفرشي كيف ، 

والقروش عندك امشي اشتري من اسي 

_ والله ياحاج حيرتني ، مالي يدك شديد 

و لسسسه .. حتشوفي بس اصبري و رفعة نخرتا دي الا اجيبا ليكي خدامة تحت رجولك ، بس ولدك دا يستعدل ، و يخلي لي المرة الماكله ليهو راسو دي اسبوع بس و يصحصح معاي ... 

ولدك دا خليهو علي انا ..

_نشوف ، بعد دا شغلك .....

وصلنا المكان ،، و كان بلال قدامنا ، بصراحه من شفتو حسيت براحه خفتو ما يجي و حبة الامل الجواي يتكسر ..

اتلاقت تيدينا بلهفه ، اقسم بالله زي المسح علي قلبي بيدو ، وقال ' بسم الله ارقيه '

غي لحظة نسيت كل دمعه وكل حزن اتسبب لي فيهو ، وختيت ليهو العزر الكامل والله من جوااا قلبي ، لدرجة م دايرة اعرف اسبابه اكتر من اني اطمن انه بخير ..

بالجد الحب دا غريب في امره ، بتقدم تنازلات عمرك في حياتك م اتخيلتا في يوم ممكن تعملا ،، بتشوف كل حاجه بحب حتي الاذيه منه بتغتفر ، الحب قادر والله قادر .. 

سلم علي وداسي شوقو ، بس عيونو فاضحاهو ، بتفحصني عشان يطمن انا بخير ولالا .... 

يتبع ....