لعبة الكذب

الجزء 12

يا امي استهدي بالله في شنو 

م حسيت الا بدموعي دي نازله زي النار في خدي ، بس بقيت ابكي معاها و م عارفه الحاصل شنو بس اللهم علي بكاها انا ببكي خفتا شديد لمن حيلي مات ،، بلال دا جا وقف جمبي لمن داير يمسك مني التلفون ،، تقوي شالتو من يدي ، بقت تقوليها في شنو يا خالتو لا اله الا الله ، هدي شويه فهميني براحه ، اسي انتو الاتنين بتبكو لكن ،، 

بس تقوي سكتت ،، وقفلت التلفون ، قالت لي بلال معليش توصلنا مستشفي ال (..)

انا وقفت و دايرة اتحرك م قادرة خايفه شديد انا لمن بخاف مخي بقفل عديل خلاص بفقد اني ممكن اقدر اتصرف ،، اها 

جات مسكتني من يدي ، بلال قالي استهدي بالله ، البكا عمرو ما بيحل ليهو حاجه ، لازم تتعلمي تبقي صبورة معليش ف حاجات بتكون خارة وفوق طاقتنا لكن لازم نصمد لسلامة غيرنا ، م بقوليك كدا عشان تفتكري اني انسان بارد وما حاسي بيكي ، انا لحد اسي ما عارف المشكله وين ولا حصل شنو بس عامتاً يا تراجي في مواقف حياتك اتعودي انك تكوني الطرف الاقوى ،، تقوي قالت ليهو بلال لسه م معروف ولا فهمت حاجه ،

كل القالتو لي خالتو ،، اننا نحصلهم علي مستشفي ال ( ..) ،، قاليها طيب طيب م بعيده ، يلا ... المهم ركبنا 

و بلال دا بعاين فيني و متألم لي شديد يا حليلوو ، داير يسندني و ما عارف كيف .. 

المهم ،،

وصلنا ف خلال نص ساعه رغم جوطة شوارع الخرطوم بس حمدلله بقدرة رب العالمين ،، و صلنا المستشفى م عارفين اي معلومة ولا شي بس اللهم داخلين بي بلال مسكين جاري معانا ، من دور لي مبني كل واحد فينا بيسأل بي اتجاه ... 

بلال كان في التالت ،، جا نازل ناداناا ،، قالي محمد ادم الجعلي ، ابوكي صح ؟

قلت ليهو ايوة وحيلي دااا مات ، بس شفتا معمر و منتقي لافين جري في الدور ، قلت لي بلال ديك اخواني ابعد اسي ،، و جريت عليهم وبننادي فيهم انا و تقوي ،،

م سمعونا بس بقينا جارين وراهم ، لمن وصلتا لقيت امي و معز قاعدين و امي دي تبكي ،، بس بقيت ابكي واقوليهم دا ابوي صح ، هو مالو يا امي ،، امي دي بس تبكي 

بقيت احنس في معز ، يا معز حلفتك بالله توريني ، ابوي وينو ومالو وامي دي بتبكي كداا في شنوو ؟ 

قالي ما تقعدي تتباكي لي تبقي لي انتي وامي عليكم الله ، المؤمن مصاب و نحمدالله حال ابوي احسن من غيرو بكتير ،، قلت ليهو ما حأبكي والله و( بمسح في دموعي )

و الله ما حأبكي ،

مش هو حي و ف حياتنا حمدلله انا ما حأبكي بس وريني مالو ؟ حضني قالي اسف م قصدي اهرشك بس والله الوضع ما متحمل و كون ابوي جواا الغرفه الباردة دي ،

و الاسلاك والاجهزة دي في جسمو ، الاحساس دا قاتل ،، بس نقول حمدلله علي ما اراد الله ،، طيب هو عنده شنو ، انا شفتو كان كويس ، بس م يكون زعل مني عشان رفضت ولد عمي ، كان دا الزعلو انا بوافق يا معز بس هو يبقا كوويس ...

قالي لالا ، دي جلطة بسيطه مسكت يدو الشمال ،، من ضغط الشغل و الهم ، قالو بيتحسن ،، قلت ليهو جلطططة !

كيف جلطة ، انا متابعه معاهو بديهو كل يوم حبة سيولة ،

كان ما اتوفرت ودي مستحيله ، ببلعو حباية ريفو ،،، قالي يا تراجي ارادة رب العالمين 

قلت ليهو ونعمة بالله ...

قام فكاني و مشا ، لي تقوي 

لقاها بتبكي ، قاليها مالك انتي كمان ؟

قالت ليهو دا ما ابوكم براكم مفروض ما تسألني ، مشيت عليها ضميتا علي قلت ليها حيبقي كويس ان شاء الله بس ندعي ليهو ، عمود بيتنا والله من غيرو انحنا ولا شي والله ما نسوى ،، 

مشينا لأمي قعدنا جمبهاا ولامين بعض بس مرات ندعي مرات نبكي ، والله ما حسينا بالزمن ، لمن سمعنا اذان الصبح دا انحنا علي قعده وحدة ،، صلينا قبلنا واخواني فاتو الجامع ،،، بس نشيل وندعي ..

يتبع ......