لعبة الكذب

الجزء 29

لقيت الرساله : 

( اوعي توافقي علي العقد لو علي موتك ، انا بقدر اطلع اخوكي ) ... 

قريت الرساله والعبرة خنقتني ، رجعت اتصل عليهو ما بيرد ، اتصلتا كتير ما بيرد علي ،، 

جاتني تقوئ قالت لي : ابكي 

كوركي ، م تسكتي كداا ، قلت ليها تقوي 

انا اتسرعتا ،، م عارفه علاقه بلال شنو بالموضوع دا يا تقوي ، انا دخلت الغرفه عشان اشيل تلفوني لقيتو بيتصل علي من بليل و اخر شي سايب لي الرساله دي ؟ 

ووووب علي وووب علي 

معناتو اكيد عارف حاجه ! علاقه بلال شنو بالناس ديل وواي ، بس م يكون ولد عمك من مرة تانيه ،، قلت ليها لو من مرة تانيه انتي تفتكري تهاني دي حتقبل تمسكو .. !

صحي كلامك والله ، يا ربي ، طيب كدي ارجعي اتصلي عليهو تاني ،، اتصلت ياخ كتير ما بيرد علي ،

اووووووف ،، 

( في جانب بلال ) 

لاحول ولا قوة الا بالله 

لا حول ولا قوة الا بالله ، يارب يارب ، تلزمني الصبر ، انا عاجز ما عارف اسوي شنو يارب والله الشي العرفتو دا فوق طاقتي يا الله ، يا رب انت رسلتا لي تراجي دي عشان اعرف الحقيقه ،، يا رب طول السنوات دي انا كنت مخدوع ، اتصرف كيف ، اتصرف كيف ما قادر اركز ، اوف استغفر الله 

ركز ، ركز يا بلال ( بكلم نفسه) ركز يا بلال 

لاحول ولاقوة الا بالله ، الله اني لا اسألك رد القضاء ولكني اسألك اللطف فيه ،، 

اهدأ اهدأ ، كل شي حيكون بخير ،، اهم شي تلفوني كان في جيبي ،، 

و شنطة الضهر حقتي كانت في يدي ،، (الشنطة دي ما بشيلا الا للضرورة ) 

اسي اتصرف كيف في الشنطة دي ، بسم الله توكلت علي الله * طلعت من الغرفه .. 

يا رب م القا زول تحت ، اخلاقي في نخرتي ، ي رب اطلع من غير مافي زول يشوفني .. 

.. طلعتا

والشنطة في يدي ،، لمن وصلت الباب ، تهاني نادتني ، وقفت اتلفت عاينت ليها ،، و ما قادر اعاين في وشها ، لانو كميه القرف الحاسيها تجاها ما عادية .. قالت لي رجعت للتمارين تاني ؟ 

براها حلتا لي ،، قلت ليها ايوة

قالت لي مش منعتك من الكورة دي انا عايز تكسر رجلك تاني ،،

اقسم بالله ماسك نفسي بالقوة ،، قلت ليها اسي الوضوع اتغير بقدر اخلي بالي من نفسي ، يلا عشان اصحابي منتظرني .. 

طلعت ، جررررري ، ماشي و بتلفت في الشارع .. شلت تلفوني و اتصلت علي تراجي .. 

_ الوووو

*ايوة بلال وينك من قبيل بتصل

_انا المن امبارح بتصل اخر شي قفلتي تلفونك ، المهم انتي وين اسي ؟

*انا في البيت 

_اسمعي ، اللبسي و انتظريني جمب دكان العربي الجنبكم

*في شنو ي بلال

_انتي م قريتي الرساله الرسلتها ليكي ؟

*قريتا بس متاخر شديد 

_ يااااااااااا الله ، ياااا الله 

*هدي براحه 

_ياااخ برااحه انتي ما عارفه انتي عملتي شنوو براااحه كيف ، ياااااا الله يااا الله 

اسسستغفر الله يا الله

*والله ضاقت بي ، اسي مفروض عمي و ولدو في القسم حيطلعو معز عشان نتنازل من البيت ، 

_ لالللالالالالال​ا مستحيييل اوعي ّ

اوعي ي تراجي فاهمة كلامي داا اوعو تتنازلو

*طيب ماعندنا حل يا بلال عمي دا م ساهل 

_ لا حول ولا قوة الله بالله ، انا تعبان وعاجز نفسياً م قادر والله ي تراجي 

*بلال ، انا م قادرة انتظر انا لازم اعرف انت علاقتك شنو بناس عمي 

_ اسكتي استكي حلفتك بالله اسي ما تساليني داا التعابني و مطلع روحي 

*لازم اعرف

_اللبسي وانتظريني قبل يجو سرعه انا قربتا

* حاضر 

.. لبست عباية ، تقوي قالت لي حتمشي وين انتي ؟ قلت ليها لي بلال 

طيب ناس عمك ؟ ،، م عارفه يا تقوي ادعي بس بلال دا شكلو عندو حاجه وانا ما حقدر انتظر ، 

يلا يلا يلا .. لو اخواني جو وسالو مني بس قولي م عارفه ، وخلي بالك من امي و تابعي الضغط ، الحبوب في التربيزة الجمبها .. 

طيب خلي تلفونك مفتوح عشان اقدر اتواصل معاكي ... طيب طيب ،، يلا 

طلعت ، من بيتنا مدنقرة و مهروله ، بلال يشيل و يضرب ، لمن وصلت ناصيه الدكان

لقيت ،،امجاد رصاصيه واقفه ، عرفتو ان دا هو ،، مشيت عليها و ركبتا ، طوالي قاليهو اتحرك .. انا م عارفه ليه كنت خايفه و برجف كداا ... 

يتبع .....