لعبة الكذب

الجزء 16

دخلتا ... 

بقيت بفتح في الكراتين ،، وارص 

غالباً لمن زول يجي داخل الصيدليه بسمع صوت الباب لانو قزاز تقيل ، فاا بيعمل صوت

... انا ضهري للباب البطلع من المخزن للصيدليه ،، والله ما حسيت غير بي حاجه ورااي ،، لا وخت يدو في خشمي ،، انا الفيني خلعه م حسيت ب زول جاي ، لا صوت مشي لا صوت حاجه،،

بقيت اقاوي بس ، لمن براهو فكاني ، اتلفت لقيتو .. أ.هاني .. بعاين فيهو مخلوعه ، دا شنو دا ،، قلت ليهو دا شنوو داا ، دا شنو العملتو دا ، انت كيف تتجرأ تعمل لي كداا ، بعاين لي بنظرة تافهه وجسمي دا ما خلا حته ما عاين فيها ، رغم انه لبسي والله محترم ..

قالي : انا من شفتك جنيت ،، اسي انتي مرة والمعرسا دي مرة ، لا والله انا ما معرس ، 

قلت ليهو تفوووووو علي دي رجاله ،، حاولت اطلع بس للاسف ،، قبل اطلع 

جا زول م متوقع ، و بدل المجني عليها اتحولت لجانية .. جات مرتو لي لي هااني ('مسكينة ' ) ، عاينت م لقت زول براا ، من صوتنا اظن عرفت اننا ف المخزن ، عادي لزت الدولاب ودخلت من الممر علي المخزن .. 

هي وراي وانا م شايفاها وكنت ساكتة ،، بس فجاه بدا يقول لي ، ما غلطتك غلطت الشغلك هنا ، انتي الزيك دااا خدامة خسارة فيها ، دكتورة شنو انتي ،، الله يستر ما تكوني بتذفشي لينا زباينا بي قلة ادبك و لصيقك في الرجال ،، بالجد وحدة تافهه ،، انا راجل متزوج وبحب مرتي ،

كان قلعتي قدامي عريانه ما حتحركي ففيني ساكن ............ انا واقفه مخلوعه ف التحول الحصل داا ،، اسلم حل اطلع بس م كنت عارفه مرتو وراي ،، اتلفت لقيتا لمن قلبي دا دق واتخلعتا ، بس البشوفني حيفهم اني اتخلعتا عشان كشفتني اني بتعدا علي راجلاا .. قلت ليها انا م عارفه انتي واقفه هنا من متين ،،

لكن انا اوعدك الحصل م حأجيب عنه سيرة لزول ، بس قامت مسكت يدي من معصمي بقوة و مطيرة لي عيونها ،،

انتي قايلاني عويرة ، امور البنات دي ما بعرف ليها ؟؟ بس و ابتدت تمد يدها و تجرجرني من طرحتي ، قلت ليها دا شنو دا فكيني ، بدل تتكلمي معاي انا امشي حاسبي راجلك العينو زايغه داا ، راجلي عينو زايغه هو راجل في النهايه انتي كان م اتلصقتي فيهوو و عملتي ليهو حركات ، م كان عاين ليكي انتي ،، اول حاجه نزلي يدك دي مني ، و تاني حاجه انا العمدي شغل في المخزن هو المدخلو وراي شنو ما تشغلي مخك داا ، انتي بدل تلمي راجلك كمان بتتفاصحي فيني انا ، زحي كدا من قدام وشي .. لذيتا و طلعت و هي وراي و تصفق و تتكلم ،، يلا في اللحظةةة دي جا منو ؟ 

جا خالد ، قالينا في شنو يا ناس ،، طوالي قالت ليهو البت المشغلنها دي اتحرشت بي راجلي ،، قلت ليها بت في عينك ، دكتورة وشغاله هنا بشهادتي ، لكن الدور والباقي عليكي انتي عامله شنو في حياتك ، يوم جايه تشتغلي جايه بي واسطه راجلك و بي قروشك ،، خالد قالي عيب ي تراجي ..

قلت ليهو العيب فيهم هما جاين لحد محل شغلي و يغلطو و عايزني اسكت ، الرزق دا في يد رب العالمين ما عشان صاحب الصيدليه دي يبقي ادنقر راسي و اقول حاضر ونعم هيهات ... 

قام جر مرتو من يدوو ، قبل يمرقو قالي ما عندك قعده هنا ، قلت ليهو سبحان الله تصدق منتظراك تقول لي ، عيان في مخك دا انت ولا شنو ، الخرطوم ملانة صيدليات محل اخت رجلي بلقا صيدليه احسن من دي ،، لكن راجع نفسك هااا ...

بس جراها و طلعوو ، خالد مشا وراهم ،، و انا لملت شنطتي و حاجاتي ، اتصلت علي دكتور مينا ، قلت ليهو بكرة اجي القا راتبي حق الشهر الفات و الاوفر تايم والشهر دا جاهز ،، عن اذنك و قفلتا ... شلت شنطتي و طلعتاا 

جسمي دا كلو يرجف رجف ،

و تلفوني دا يرن و يرن ، عاينت لقيتو بلال ،، رديت ليهوو ... 

* بلال

_تراجي ازيك 

*كويسه انا حمدلله

_مالو صوتك ؟

*مافي حاجه ، انت زاتك صوتك ما ياهو 

_اي ماري بشويه ظروف ، بقدر اشوفك ؟

*اسي م بقدر عايزة اصل البيت 

_طيب عمو محمد بقا كيف ؟

*احسن بكتير حمدلله ، انت مالك الايام الفاتت دي ؟

_عشان كنت داير اقابلك 

* والله انا مرهقه و واصله مرحله م حقدر الاقيك الليله دي بالذات ،، ممكن بكرة 

_خلاص طيب اقفلي التلفون ف الشارع م تتكلمي ، لمن توصلي وريني

*حاضر ،، سلام ( قفلنا )

من دربي دا ركبت لي ركشه .... 

قافله معاي و ضايقه بي و زي الفي طوبة قاعده لي في صدري .. 

بس من اول الشارع عيني في بيتنا، البكا والكوراك و الصواريخ و اخواني ديل متلمين 

جمب باب بيتنا من كمية الناس ما تشوفي حاجه ،،، 

يتبع .....