لعبة الكذب

الجزء 15

ما عندنا بنات بقولو لا لاولاد اعمامهم ..

من اسي تتني كلمتك انت الراجل ، اهاا لقدام كيف هي الحتسيرك يا محمد ي اخوي 

* لا حول ولاقوة الا بالله 

_انا اسف يا محمد بس دا الصح

* بتي وانا مربيها ، وعارف اخلاقا كويس 

دكتورة قدر الدنيا عقل واخلاق ، و الزواج دا حرية ، زي ما انا اتزوجت امهم غصب عن اهلي ، هي تتزوج الدايراهو وحيكةن بي رضانا لانو انحنا ما بنجبر اولادنا علي شي ما دايرنو ، هي الحتعيش ما انا ولا امها ..

_ ايواااه ، هه ما بقصد شي انا 

يلا اانا بستأذن بعد دا ،، العافيه قدامك

*لسه بدري 

_بدري شنو اتغدينا واتونسنا وحلينا واطمنا عليك ، تاني ما ناقصنا شي حمدلله

*تسلم يا اخوي ما يصرتا تب والله 

_ الله يسلمك ،، " ياااا تهاااااااااااني "

تهااااااني ، تهاااااااني ...

*براحه ، بتكون سمعتك 

_ اي هديل جووو ،، يلاا العافيه قدامك .. 

مع السلامه .. ( و طلعو ) 

يا ربي طلعو بخيرهم ولا شرهم ؟؟؟ 

( حنعرف لقداام ) 

بعد يوم طويل متعب و مهلك شديد ..

مسكت تلفوني ، لقيت رساله من الصيدليه ،،

ان لازم بكرة اداوم ،

كدا الشهر دا م حلقا فيهو مرتب نصو اجازات .. و طبعاً ،، بلال م اتصل علي و بتصل مغلق

، عشان الاحاسيس دي عشان كدا بنتمني لو اننا فضلنا من غير علاقات حب

الحب مهلك ، بياخد كل تفكيرنا ، بنعيش في المجتمع بنص عقل و بال رااايح ، اما تقوي ،، بالجد من جات حاسه انه بيتنا اتضافت ليهو بهجة كدا وحاجه جميله شديد .. بقت م بتقعد معاي ، طول الوقت جمب ابوي شاي و ونسه و اخبار ، يا جمب امي يا بتساعدا ف البيت والمطبخ ،، 

تاني يوم طوالي ،، صحيت وجهزت للدوام 

الشي الكويس ان امي قاعده في البيت يعني تقوي م حاقعد براهاا ،، 

اليوم دا طلعت براي ، مشيت بالمواصلات ، 

مكتئبه ، حتي وشي شاحب كدداا ..

لمن وصلتا ، طبعا بنزل بعيد شوية من الصيدليه جبدة ، برغم حبي الكبير لشغلي الا اني بقيت م طايقه الصيدليه دي ، في امور كدا م قادرة استوعبا ،، ( الصيدليه دي شراكة برضو ، بين دكتور مينا ، و استاذ هاني ، هو ما دكتور ، بس داخلا زي نظام شغل وتحريكة قروش ، طبعا لي فترة بشتغل ما حصل لاقيتو يعني ، لانو ما بيجي كتير و مرات ما بصادفو ) .. 

اهاا دخلت الصيدليه ، لقيت هبة ، هبه دي بتنزل ترينق م موجردة طوالي ، ايام معينه في الاسبوع ،، سلمت عليها و لقيت خالد برضو ،، العرفتو ان في بضاعه جايه و كدا حيكون في ضغط في السغل، كان قضيت اليوم دا برجع ايامي الغبتها ،، قلتا اشتغل وخلاص ، لانو انحنا البنرصا الادويه دي وانحنا البنصرفا لازم تكون ختت يدنا .. اشتغلنا طحن مافي نفس ، لمن جا وقت الفطور ، خالد مشا جاب لينا سندوتشات فول وطعميه و ماذا ، المهم ادانا طاقه ،، اثناء فذوري ، اتونستا مع تقوي في التلفون ،، و بعد قفلت لقيت مكالمة من بلال ، طبعا خلاص كدا راسي شطب و كل همي اكلمو و ديل جمبي ... رجعنا اشتغلنا ، لمن هبة دي مواعيدا جات فاتت ،، و خالد استأذن ساعه و مشاا ،، مع العلم خالد دا معيد ، و كان زول صديق حتي اختو كنت متواصله معاها للان وموجودة معانا في القروب دا .. 

المهم ،، كدا الجو راق ، فضل لي رف واحد و باقي الكراتين بلذها في المخزن ... 

جاا واحد داخل ، و معاهو مرة كدا اخر العشرينات حسب تخميني ،، قال :

_سلام عليكم 

*و عليكم السلام ، اتفصل ...

_ هههههه تسلمي ، انتي دكتورة منو ؟

* دكتورة تراجي 

_ (مد لي يدو ) انا ، أ. هاني سريك دكتور مينا 

* يا مراحب ، المعذرة والله ما كنته عارفاك

_ هههه صح م حصل اتلاقينا ،، دي مروة زوجتي 

* يا هلاا ، تشرفنا 

_ اسمعي ، دكتور مينا لسه ما جا 

*لا ما جا هو مواعيدو الساعه 4

_طيب يا تراجي ، مروة زوجتي حتنزل تدريب هنا لمدة اسبوعين 

* جداا 

_ بس هي ما درست صيدله ، هوايه بس

* طيب ي استاذ انت عارف شغل زي دا م بينفع ممارسه انحنا القريناها لحد اسي بنخاف نغلط ...

حدرت فيني كدااا ، تاني قلتا انا مالي ومالهم صيدليتي ولا صيدليتهم ،، 

_قالت ليهو ، انا حأتاخر و دكتور مينا دا شكلو مطول ، انا بمشي انت ارجاهوو 

،،، قام ساقا و طلعو براا ، عيني فيهم واقغين يتناقشوو ... ، دخلت المخزن اتم باقي شغلي لمن اتاكد انهم مشو اجي اتصل علي بلال 

يتبع ......