لعبة الكذب

الجزء 25

عمي قالي : رغم قلة ادبك انك ذكية

بس عندي شرطين و ولدك يطلع ،،

الاول : بتك تتم زواجها من ولددي 

التاني : تتنازلو لي عن البيت دااا .. 

بقيت في وضع حرج فكرياً ، في جانب بلال دا علاقتو شنو ، العلاقه دي هي الخلتو يجي عزاء ابوي ، بقيت في صمود غريب و والله كلام عمي دا يمكن انا زاتي ما انتبهت ليهو ،، بقيت سرحانة ،، و بلال فجاه كدا بقا متوتر و ما علي بعضعو وطلع .. 

عمي قالي انتي مجبرة ،، مستقبل اخوكي في يدك ، قال لأمي وعيها يا حجة ، بتك م عندها خيار تاني ،، 

قلت ليهو لحظة ( لانو كان طالع ) 

مشيت عليهو ،، شايف بيتنا داا ، تعب ابوي و شقا ابوي و الشي الوحيد الفيهو ريحة ابوي و سترنا انا واخواني ، يمكن انت بطمعك و جشاعتك ما حتفهم كلامي دااا ،، بس الحقولو ليك ، ان بيتناا داا ان جنيت شفتا و ان عملتا السبعة و ذمتا ، تشمو قدحة ، و زول فاهمك قدري مافي ،، واخونا بنعرف نطلعو من الوحل الغطستو فيهو كيف ، اللهم لا حاجه لزول ،، خطتك فشلت العب غيرهاا ....

قام طلع .. نصر الدين قالي ، تراجي دا كلام شنو القلتيهو داا ،، قلت ليهو اسال ابوك ،،والزعلني اكتر هو معمر اخوي ، مفروض في اللحظة دي هو راجل البيت في غياب ابوي و معز ، سكوتو زعلني شديد ..

انما امي معزورة الضناا غالي ،، قبت ليها م تشيلي هم ،، بنطلعو ان شاء الله بكفاله لمن نشوف المبلغ ... 

مشيت غرفتي ، راسي دا شبه اتشل ،

جاتني تقوى ، قعدت مسكينه لمن دموعا ديل نشفوو ... قالت لي :

_تراجي 

*عارفاكي عايزة تقولي شنو

_ حندبر القروش من وين ؟

*في قطعه في البلد ، بنسافر نبيعا ، علي دهب امي و البضاعه و القروش الفي حسابنا ، وعندي خالي في فرنسا بتصل بيهو ، المهم بتدبر يا تقوي ، ما عاش اليزلنا والله لا يحوجنا لزول ..

_طيب وانا اقدر اساعد بشنو ، انا ما عندي اي حاجه ، م بملك اي حاجه في الدنيا دي غير الدبله اللبسني ليها معز 

*لا في يدك كتير يا تقوى ،،

_شنووو

*تقومي تتوضي وتصلي و تدعلي ليهو ، دي احسن حاجه ممكن نقدما ليهو كلنا ما براكي بس ، كلها كم يوم و يرجع ينور بيتنا .

_اكيد يا تراجي ، بس يا تراجي ما ملاحظة ان في حاجه غريبه فاعزه تحصل !!!

*قصدك بلال ... !

_ايوة بلال طبعا ، علاقتو شنو هو ما كلمك من يوم عزاء عمي محمد ؟

*م خشينا ف تفاصيل انا راسي حيطرشق بسبب الموضوع داا