قلت ليهو انت مالك مهتم بالموضوع دا شديد كداا !! قالي ، انا بس حابي اطمن م اكتر ، اهم شي تكون كلمت اهلها انها بايته عندك ،، قلت ليهو اي كلمتهم ،، امي جات بالعشاء ،،
ابوي بتعشى باللبن ما بقعد معانا واخواني ديل كل زول براهو ،، ياهو قعدنا انا و تقوى و معمر ،، و دااااك ليو معز داخل مارق زي ام العروس ،، اتعشينا و كنت بحاول افرفش ليها رغم ان الوضوع الاتختت فيهو لا تحيد عليه يعني ،، خلصنا امور العشاء ، و دخلنا غرفتي ،، اديتا غيار ، وفاتت الحمام ،، ف الوقت دا ، مواعيد مكالمتنا انا و بلال ،
و اني م رجعت لبهو ولا برد دي حزت جواا نفسو شويه يعني .. رديت علي مكالمتو :
* بلال
_كويس برضو انك متذكرة اسمي
* هه دا كلام شنو !
_ما كلام اي شي ، مالك رادة علي علي فكرة لو مجبورة ممكن تقفلي و تسفهي عادي زي باقي رسايلي و مكالماتي ،،
*لاحول الله ولا قوة الا بالله ههه بلال انت اكيد ما جادي ف الكلام القاعد تقول فيهو دا
_لا جاديّ
*طيب مش كان افصل لو انك انتظرت تسمع ظروفي و تعرف الحاصل شنو بعداك اذا عندك زعل تتمو ؟
_انا ما بعرف حاجه غير انك قلقتيني عليكي يا تراجي ،ابسط شي كان ممكن تخلي لي رساله و لمن تجي زي اسي تفهميني ، لكن انا اتصل وارسل و ما بتستلمي مني والله اجن واقعد ..
*للدرجة دي ؟
_هو شنو للدرجة دي
*قلقت علي
_لا ما قلقت ويلا زاتو تصبحي علي خير ،
مش لقيت نفسك دا طالع ونازل و بخير تاني م داير شي
(الصراحه انا في اللحظة دي اتملكني احساس م عادي بقيت بسمعو وفاتحه خشمي ،
اول مرة انا اصلا راجل يخش حياتي كدااا )
_مالك ساكته ؟
*بسمعك
_انا سكت قبيل
*طيب انا اسفه م تزعل مني ، بس جد حصل لي ظرف وكنا مضيوفين
_المهم انك بخير دا المهم
*انا بخير حمدلله ( ف اللحظة دي تقوي جات داخله )
_يلا طيب اخليكي تنومي بكرة مداومة بدري
*و غير كدا الجو كتم عندذ
_ هههه طيب يلا تصبحي علي خير
* ههه وانت من اهلو ، ف امان الله
_في امان الله
*مع السسلامة
_ ااااااااااا تراجي لحظة
أنت تقرأ
لعبة الكذب
Gizem / Gerilim📝 بقلم: سحر سمير من عمق المجتمع ( حقيقيه ) ، انا البعرفو انحنا اتولدنا عشان نتمرمط في حياتنا دي ..بس قدر معرفتي بالحاجه دي الا اني مدركة ان ما كل حاجه حابنها حتكون حقتنا لان لو حصلنا علي كل حاجه حابنها بسهوله م حتبقي دنيا ، بالدارجي كدا رغم مرمطتي...
