لعبة الكذب

الجزء 31

معز ، سكت م رد عليهو 

الضابط قال لي بلال ، الظاهر كلامك اكتر من فعلك ،، بلال قاليهو ، داير ترسلو لصحاب الشكوة اللي هو حاج عبدالقادر ،، قاليهو جداً نرسل ليهوو ،،،

الوضع كان بيوتر شديد ،، مسافه عمي يجي . 

بلال قال للضابط ، انا عايز اسأل عن سجين من سنين كان مسجون عندكم ، و وفاتو اثارت ضجة داخل السجن ، و ... ( العبرة خنقتو ) ...

الضابط قاليهو ، اي سجين سجلو موجود ،، قاليهو بالجد ؟ .. طيب في سجين كان مسجون في سنه 1989 اسمو محمد تاح السر ، كان متهم بنفس تهمة معز ، بس م عارف في ياتو قسم بالضبط ، و م اظن تقدر تعرفو الموضوع طول شديد ، المهم السجين داا اتسجن اربعه سنوات وبعدها اتوفا داخل السجن .... ( سكت لسانو بقا تقيل ) 

الضابط قاليهو ، سمعت بقصه زي دي بس الوالد كان ظابط الفترة ديك واكيد بيستحضز و ... ( جا عمي ، و طبعا ااتخلع بشوفتنا انا وبلال ) .. 

بلال قام ، وقاليهو اتفضل اقعد، جا نصر الدين و ناجي ،، واقفين بعيد ،، 

عمي قال للضابط خير با جنابو ! بلال قاليهو الصراحه انا العايزك ما الضابط ،،اولاً تهمة معز المبلغ الدايرو كم ؟ 

سكت و قاليهو مبلغ كبير ،، بلال اللي هو كم تحديداً ،، قاليهو م يقارب ال600مليون المهم مبلغ كبير .. بلال قاليهو طيب حمدلله زي م انت رسلتني لقيت المبلغ بيكفي و زياده ،، عمي اتخلع قاليهو رسلتك لشنو انا ؟ّّّ

قاليهو عمي بسم الله ،

كيف رسلتني لشنو ، قبل تطلع مش خليت لي كرت الخزنة الفي غرفتك و قلت ان اجي ادفع المبلغ ، و لانك قلت ان المبلغ م عندك وانك محتاج لقروش واسي المبلغ دا لقيتو في خزنتك في الحاله دي المبلغ من نصيب الشرطة ، و خيرك كتير ،، و دي القروش يا سعادة ، بعد دا اظن معز يقدر يطلع ،، 

كلنا بقينا فاتحين خشماتنا و منططين عيونا و بنعاين في بلال دا ،والله دا الحصل حرفياً عمي بقا في حالة ذهول م عاديه ،، المبلغ دا شقا عمرو كلووووو .. 

عمي، بقا زي القاعد في نار 

بلال قاليهم ، دي رقم واحد معز وموضوعو انتهي ، نجي للموضوع التاني ، طلع التلفون من جيبو .. و فتح حاجه معينة وماسك التلفون بالعرض و عليّ الصوت ،، ودا اللي حصل :

باك فلش ، قبل بلال يتصل عليّ بساعه

يعني قبل ، عمي عبد القادر يجي بيتنا .. 

تهاني : شوف هنا من اسي نتفق ، من السجمانين ديل يحولو ليك ملكية البيت تكتبو بأسمي انا يا عبدالقادر ..

_ يا مرة انتي حتفضلي انانية كدا لحد متين .

تهاني : هاهاهاي انا م انانيه لككن كلو بي تمنو و سترك و غطاك و لا تحب ازكرك بالذي مضى !!!

_انتي قصتك شنو ، كل م اتناقش معاكي تقولي لي اذكرك ، اذكرك الحتزكريني ليهو دا انتي ناسيه انك كنتي شريكة معاي !!

هه كدي اتخيلي لو بلال عرف الحقيقه حيعمل فيكي شنو ؟ هاا فكرتي ولا ما فكرتي ؟ عشان كدا بطلي تلوميني ، الحصل دا كان بارادتك و اختك كانت بتموت قدام عينك ما فكرتي تساعديها ، الحقد ملى عيونك 

تهاني : هوووي يا عبدالقادر الزم حدك ، و الدخل محمد السجن منو ؟ مش انت ؟ نفس العملتو في محمد طبقتو في معز ، انت قايلني م عارفه سبب حقدك علي محمد !! لا عارفاهو طول السنوات الفاتو ديل و كنت بجاريك عشان م اخرب بيتي ..

_العيب راكبك انتي ، مني اختك انتي ما اختي انا ، اتكفلنا بي بلال طول المدة دي بسببك انتي ... 

ااااي بلال ولد منى ، و منى اخت تهاني من ابوها ، و محمد الفي السجن ابوه لي بلال ، عمي عبدالقادر كان بيحب منى ، و محمد زوجها كان وضعو كويس فضل وراهو لمن غطس حجرو وطبق نفس النظرية دي في معز ،، محمد قعد في السجن اربعه سنه علي امل انه حيطلع ، بس للاسف مات من الحسرة ، و منى كانت من مدني لمن اتزوجت محمد دا كانت صغيرة وجابا الخرطوم ،، م عندها زول ، وعبدالقادر حاول يتحرش بيها كتير اثناء غياب محمد ، المهم بلال دا كان عمرو 7 شهور ، منى دخلت في معاناة بقت الام والاب لفترة و اتوفت قبل محمد ، يعني يمكن بعد شهور من سجن محمد و المعناة والزله الزلوها ليها تهاني و عبدالقادر ،، اتوفت بي ملارياا و تهاني م كلفت نفسها تجي تساعده ،، لمن اتوفت بلال تم 10 شهور ،، و شالتو تهاني و ربتو ،، و قام علي انه امه وابوه اتوفو في حادث ، و طول السنوات دي كان شايف ان تربيه تهاني ليهو كانت جميله م حينساها ليهم طول عمرو ،

كان بيشتغل رغم انهم م محتاجين بس كان بجي و بيديهم ، لقا اسوأ المعامله من اولاد خالتو بس كان متحمل ،، 

طبعا بلال سمع الحديث الدار بين تهاني ومحمد و الخطة والاعترافات كلهاا،، صدمتو م خلتو اتعامل بحماقه ، اي زول في مكانه كان حيتعامل بعنف ، بس بلال كان غير ، فكر انه الحصل لي ابوه م لازم يحصل لمعز ، و المهزله دي لازم تقيف .... 

في عز سهوة عمي و تهاني ، بلال دخل غرفه عمي ، و قدر يصل للقروش الفي الحزنة ، او مخبأه بما انو عايش معاهم كل السنوات دي ف كان عارف الحاجات بس م كانت بتشغل اهتمامه ...

بعدها بساعه تقريبا

ياهو كان بيتصل علي ، مع انه شايل الليل كلو اتصالات ،، و بعد ما الفاس وقعت في

الراس

انا قريت رسالتو ، اني م اتزوج ..

يتبع .....