جروح الياسمين للكاتبة : بودى قلبى

الفصل العشرون

مر اسبوع على ابطالنا 
فى غرفه عبد الرحمن 
كان عبد الرحمن يجلس بجانب ياسمين على المقعد ويحتضن يدها بين كفيه
عبد الرحمن:ممكن بقى اعرف انتى كل يوم تأجلى ميعاد دخولك المستشفى ليه 
ياسمين:ابدا مش علشان حاجه عادى يعنى 
عبد الرحمن:ازاى يعنى انتى الاول قولتى احضر خطوبه احمد الاول وحضرتيها وبعد كدا قولتى استنى لما عمو يحيي يسافر وخلاص سافروا هتستنى ايه تانى. 
ياسمين ؛مش هستنى حاجه اللى انت عايزه انا هعمله
عبد الرحمن:وهو يقبل رأسها:ربنا ميحرمنيش منك ابدا 
ياسمين:بخجل'انا هقوم اشوف أسر 
عبد الرحمن: ماشى يا حبيبتى بس اعملى حسابك هنروح المستشفى دلوقتى 
ياسمين:حاضر اللى انت عايزه 
وخرجت من الغرفه وعينى عبد الرحمن تتبعها 
عبد الرحمن:لنفسه:ربنا يصبرنى يا ياسمين انا خلاص مش قادر استحمل انى جوزى بس ذى اخوكى ااااه يارب الصبر من عندك
.....................................
فى غرفه أسر
أسر:يعنى هتروحى فين 
ياسمين:هروح المستشفى علشان تعبانه شويه وهرجعلك تانى ان شاء الله
أسر:بس انتى كنتى وعدتينى انك مش هتسيبينى خالص
ياسمين:انا عمرى ما هسيبك وهرجعلك تانى ذى ما قولتلك
كريمه:كفايه عياط يا أسر علشان ياسمين متزعلشى منك
أسر:وهو يحتضن ياسمين:هتوحشينى اوى 
ياسمين:وانت كمان يا حبيبي وكمان انت ممكن تيجى تزورنى مع بابا 
أسر:بجد ينفع ازورك
ياسمين:طبعا يا حبيبي بس عايزاك توعدنى بحاجه الاول
أسر:ايه هى
ياسمين:انك تحلى بالك من نفسك وتأكل كويس وتخلى بالك من رعد علشان خاطرى 
أسر:حاضر ... ياسو انا بحبك اوى 
ياسمين:وهى تقبله :وانا كمان بحبك اوى يا حبيبي 
.......................................
فى الدور الارضى للفيلا
عبد الرحمن:مالوش لازمه تتعب نفسك يا بابا النهارده يادوب بس هتدخل المستشفى ويحددوا ميعاد عمليتها خليك وروحلها بكره 
الحاج محمد: مينفعشى يابنى لازم اروح معاكوا النهارده
ياسمين:وهى تهبط الدرج واتجه اليهم:انا جاهزه
عبد الرحمن:يلا بينا 
ياسمين:هسلم بس على رعد ونمشى
عبد الرحمن: براحتك واحنا هنستنى فى العربيه 
ياسمين:ماشى 
بعد فتره فى المستشفى 
بعد ان قام الطبيب بفحصها واعطى تعليماته الى الممرضه اتجه على عبد الرحمن والحاج محمد 
عبد الرحمن:طمنى يا دكتور 
الطبيب:للاسف حاله الكليه بتاعتها متدهوره جدا ولازم تعمل زرع كلى ضرورى
عبد الرحمن:انا عملت تحاليل طلعت مطابق ليها 
الطبيب:كدا تمام على العموم احنا هنديها ادويه علشان نحضر جسمها للعمليه وان شاء الله هنعمل العمليه بكره لان اى تأخير خطر على حياتها
الحاج محمد:لو محتاجه نسفرها بره احنا مستعديين
الطبيب:مش هتحتاج تسفرها لان فى دكتور بريطانى مشهور جاى المستشفى انتظار لمده شهر هو اللى وهيعملها العمليه 
عبد الرحمن:والعمليه دى فيها مخاطر عليها
الطبيب:ان شاء الله لا هى كل مخاطر العمليه بتكون بعدها علشان ممكن الجسم يرفض للجزء المزروع بس احنا هنديها ادويه بتساعد فى قبول الجسم للجزء المزروع
الحاج محمد:ربنا يستر 
عبد الرحمن:يارب 
الطبيب: بعد اذنكم عندى حاله تانيه وهرجع تانى ابص على مدام ياسمين بالليل
عبد الرحمن:طبعا اتفضل وشكرا لحضرتك 
الطبيب:لا شكر على واجب دا شغلى بعد اذنكم
................................
فى غرفه كريمه 
احمد: ازيك يا حبيبتى عامله ايه 
كريمه: الحمد لله يا حبيبي انت عامل ايه 
احمد:بقيت كويس لما سمعت صوتك 
كريمه:ربنا يخليك ليا يا رب 
احمد:مالك يا حبيبتى صوتك متغير
كريمه:ابدا انا بس متضايقه شويه
أحمد:من ايه يا حياتى 
كريمه: ياسمين دخلت المستشفى النهارده وانا قلقانه عليها جامد
أحمد:دخلت المستشفى ليه عندها ايه 
كريمه:كليتها تعباها ولازم تزرع كليه جديده 
أحمد:لا حول ولا قوه الا بالله ربنا يشفيها 
كريمه:يارب يا احمد يارب
أحمد:خلاص ايه رأيك استاذن الحاج وتعدى عليكى بكره نروحلها 
كريمه:فكره حلوه اوى وبالمره نأخد معانا أسر علشان من وقت ما ياسمين مشت وهو بيعيط
أحمد: حبيبتى تؤمر وانا عليا الطاعه
كريمه:ربنا ميحرمنيش منك ابدا يا حبيبي 
أحمد:ايوه كدا اجبرى بخاطرى دا انا غلبان والله 
كريمه:ههههههه حاضر يا عم الغلبان اى خدمه 
...............................