جروح الياسمين للكاتبة : بودى قلبى

الفصل الثامن والعشرون

بعد انتهاء حفل الزفاف
فى غرفه ياسمين وعبد الرحمن
عبد الرحمن:يلا يا روحى علشان تغيرى و ترتاحى شويه علشان تعبتى النهارده فى الفرح
ياسمين:لا تعبت ولا حاجه بالعكس كان يوم جميل
عبد الرحمن:ربنا يجعل ايامك كلها جميله يا حبيبتى
وبالفعل دخلت دوره المياه لتبديل ملابسها وخرجت وجدته قد أحضر الطعام
ياسمين:يااه مين هياكل الاكل دا كله
عبد الرحمن:انتى طبعا علشان تاخدي الدواء
ياسمين:مش هقدر شبعانه
عبد الرحمن:لا لازم تأكلى عشان خاطرى
ياسمين: حاضر علشان خاطرك بس....انت قولت لبابا اننا هنروح عند جدو من بكره
عبد الرحمن: ايوه قلت له بس هو زعل علشان هتوحشيه...خلى بالك انا بدأت أغير منه
ياسمين: تغير من الحاج..دا انا بحبه اوى والله
عبد الرحمن: مداعبا:نعم بتحبى مين ياختى قوليلي كده تانى
ياسمين:،بحبك انت يا حبيبي
عبد الرحمن:ايوه كده اتعدلى ..قال بتحب أبويا قال
...........................
في غرفة المكتب
الحاج محمد:هاه عملت ايه طمنى
جلال: متقلقش يا حاج أنا مراقبه كويس
الحاج محمد:خلى بالك منه اوعى يفلت منك انا حاسس انه بيدبر لحاجة
جلال: متخافش قبل ما يفكر يرفع حتي صباعه ضد عبد الرحمن هكون انا قدامه
الحاج محمد,و ده العشم برضو يا جلال
جلال:انا تحت امرك يا حاج
الحاج محمد:ربنا يكرمك يلا مع السلامه
جلال:مع السلامة يا حاج
.............................
فى غرفه شذا
كانت تتذكر ما عرفته عن على وعلمت انه متزوج وعنده ولدين ويعيش فى شقه قريبه من والديه وان كل كلامه منها كان كذبا فقررت الانتقام فأمسكت هاتفها واتصلت به
على: حبيبتى عامله ايه النهارده
شذا:انا الحمد لله كنت عايزه اشوفك
على :وانا تحت امرك يا قلبى تعاليلى الشقة
شذا:لا مش هينفع النهارده خليها بكره بعد العصر ايه رايك
على: ماشى يا حبيبتى علشان انتى وحشانى اوى
شذا:وانت اكتر يا حبيبي اشوفك بكره
بعد إغلاقها الهاتف
شذا:لنفسها:انا هنتقم منك يا على واضيعك ذى ما انت ضيعتنى
...........................
فى منزل طارق
هناء:أنت هاتفضل قاعد كده
طارق:عايزانى اعمل ايه يعنى
هناء: تكلم الراجل تتفق معاه عشان اشوف حل البت اللى هتاكل عقل ابوك دى
طارق:عارف انى لازم اعمل كدا انا خبيتها عن ابويا علشان اسلام ابنى يورث كل حاجه
هناء:انا عارفه علشان كدا لازم تخلص منها قبل ابوك ما يكتبلها اى حاجه
طارق: متخافيش انا متفق مع الراجل على كل حاجه انا بس مستنيها تيجى عند ابويا هيبقى هي اللي جات لقضاها برجليها
هناء:ربنا يستر ويعدي الموضوع ده على خير
طارق:امال فين اسلام انا مبقتش اشوفه خالص
هناء:بتوتر: اسلام.اااااه اسلام عند واحد صاحبه
طارق:والله انا خايف من صحابة دول
هناء:متخافشى على ابننا دا راجل
طارق: ربنا يستر
..................