جروح الياسمين للكاتبة : بودى قلبى

الفصل الرابع

فى اليوم التالى 
فى فيلا الحاج محمد 
كريمه: حمد الله على سلامتك يا ياسو 
ياسمين:الله يسلمك يا كوكى عامله ايه 
كريمه: الحمد لله المذاكره مطلعه عينى 
الحاج محمد:متتعبيش ياسمين يا كريمه ووديته يلا اوضتها علشان جرحها 
ياسمين,:بالعكس يا حاج كوكى دى حبيبتى 
امير:اخص عليكى يا ياسمين كوكى بس 
ياسمين:ابدا والله انت عارف انكوا عيلتى وانا بحبكم كلكم اد ايه 
الحاج محمد: ربنا يخليكوا لبعض يا حبايبي يلا اطلعى ارتاحى 
ياسمين: حاضر يا حاج بس كنت عايزه اشوف على رعد الاول اطمن عليه 
امير: حاضر انا هجيبه ثوانى 
وبالفعل فى لحظات قليله دخل رعد ومعه امير وأسر 
ياسمين:وهى تحتضن رعد: حبيبي والله واحشنى عامل ايه 
اسر:متخافيش يا طنط انا كنت واخد بالى منه 
ياسمين: وهى تقبل أسر:شكرا يا قمر 
الحاج محمد:امال فين عبد الرحمن 
امير:راح الشركه 
الحاج محمد:ماشى احنا كمان هنروح يلا بينا يا أمير وانتى يا ياسمين البيت بيتك يا حبيبتى فى غرفه ياسمين 
كريمه:يلا يا حبيبتى هتعرفى تغيرى لوحدك ولا اساعدك 
ياسمين:شكرا يا قمر لا هعرف 
كريمه:ماشى يا ياسو لو احتجتى حاجه رنى عليا هجيلك على طول 
ياسمين: حاضر يا كوكى 
............................ 
فى الشركه 
عبد الرحمن:احمد حبيبي تعالى اقعد يا راجل 
احمد: ازيك يا عبد الرحمن 
عبد الرحمن:الحمد لله انت عامل ايه 
احمد:كويس والله اخبار الولد أسر ايه 
عبد الرحمن:, الحمد لله طالع لابوه 
احمد: يبقى ربنا يستر 
عبد الرحمن:انا كنت عايز اسألك على حاجه 
احمد:اسأل خير ان شاء الله 
عبد الرحمن:انت تعرف ايه عن ياسمين السكرتيره بتاعت بابا 
احمد:اه صحيح هى عامله ايه دلوقتى 
عبد الرحمن:كويسه يا سيدى هاه مردتشى على سؤالى 
احمد :ابدا كل اللى اعرفه انها ارمله من خمس سنين وبردوا شغاله فى الشركه من خمس سنين وانسانه محترمه ملهاش دعوه بحد وانها يتيمه وباباها كان صاحب الحاج 
عبد الرحمن:وايه كمان تعرف ايه عن حياتها الشخصيه 
احمد:ابدا هى ذى ما قولتلك ارمله واتقدملها كام واحد من الشغل بس هى رفضتهم 
عبد الرحمن: متعرفشى بترفض ليه 
احمد:الله اعلم بس انت عارف كلام الناس كتير منهم اللى. بيقول انها عايشه على ذكرى جوزها واللى بيقول انها واقعه على صيده كبيره علشان كدا بترفض 
عبد الرحمن:اممممم ماشى تعرف اى حاجه تانيه 
احمد :لا والله بس كل ده ليه 
عبد الرحمن:ابدا اصل بابا طلعها من المستشفى على الفيلا بتاعتنا وانت عارف انى عندى اخت بنت فكنت بسأل عليها علشان كدا 
احمد:لا متخافشى من رأيي انها انسانه محترمه 
عبد الرحمن:ماشى على العموم اللى فيه الخير يقدمه ربنا 
.......................................... 
فى فيلا السيوفى 
!!!!!!!!!!!ممدوح السيوفى:من كبار رجال الاعمال فى الستين من عمره اكبر منافس للحاج محمد وعدوه اللدود رئيس عصابه كبيره لتجاره المخدرات والادويه المضروبه ،!!!!!!!!!!!!!!!! 
ممدوح السيوفى:انا اصلى مش مشغل معايا رجاله انا مشغل شوية عيال 
الشخص الاول:احنا عملنا اللى علينا يا باشا 
ممدوح السيوفى:عملتوا ايه يا عزيز الراجل لسه عايش 
عزيز:والله يا باشا صباح كان خلاص هينفذ لولا البت اللى وقفت قدامه دى كان زمانه مات 
ممدوح السيوفى:ما انا مش بأخد منكوا غير كلام على العموم انت والمخفى التانى اختفوا من على وش الارض لغايه الموضوع ما يهدى شويه 
عزيز:اؤامرك يا باشا بعد اذنك 
ممدوح السيوفى:ماشى يلا روح 
................................. نهايه الفصل