Make The Bad Boy Fall For You | Complete

Chapter 46

Key's Point of View.

Exactly four hours to go. Inihanda ko na ang gamit ko. Nakahilera na sa harapan ng bahay ang mga malalaki kong maleta. Umabsent din si mama at Luke ngayong araw nung nalaman nilang flight ko ngayong araw. Matagal na palang sinabihan si mama ni tito at okay daw iyon sa kanya.

At may isa syang paalala sa akin na dapat ay hindi ko makalimutan. Kalimutan ko na lahat wag lang daw ang bilin nya sa 'kin.

"Basta't wag na wag kang magboboyfriend a?" Paalala nya sa pansampung beses.

Andito ako sa kwarto ko ngayon. Lilinisin ko muna ito bago ako umalis papuntang NY. Nilibot ko ang aking paningin sa kwarto ko!

"I'm going to miss this." Bulong ko.

Biglang pumasok si Luke sa loob ng walang paalam at dinala ang mga kahon na hindi na nagagamit.

"Alam mo, idodonate ko ang mga iyan kapag umalis ka na," sambit nya.

Lumapit ako sa kahon. Lumuhod ako at binuksan iyon. Andito ang mga luma kong teddy bears, damit, at shorts. Hindi ko na ito kakailanganin dahil marami na akong damit. Isa pa, kakaiba ang season sa New York kaya walang gamit ito para sa akin.

Kinuha ko yung isang teddy bear. Paborito ko ang isang ito nung bata pa kami ni Frost. Pero hindi na ako bata para maglaro ng teddy bears at magbahay-bahayan.

"Sigurado ka na ba jan Key? Ambilis naman ata. Gulat na gulat talaga ako nung nalamang ngayon ang alis mo!" Napakamot sya sa kanyang batok.

Tumango ako. "Oo Luke. Andun ang pangarap ko, wala rito." Mahina kong sabi.

Narinig ko syang bumuntung hinga. "Well, guess you're right. Maybe there's a deeper reason kung bakit mas napaaga ang pag-alis mo," ngumisi sya.

Alam ko na ang iniisip ng lalaking ito at hindi yun 'yon. Hinampas ko sa kanya ang teddy bear na hawak ko.

"Oy hindi a! Tss. Alagaan mo si mama ha," naiiyak kong sambit.

Tumango sya. "May choice pa ba ako? Para sa pinsan kong annoying. Gagawin ko," ngumiti sya sa 'kin.

Tumayo ako at niyakap sya agad. Mamimiss ko talaga si Luke! Mamimiss ko sya kahit nakakainis sya minsan at parang tatay kung umasta.

"Mamimiss kita, Luke."

"Ako rin," seryoso nyang sabi.

Nagpunta ako ng school para bisitahin si Frost. Alam nyang aalis ako ngayon pero hindi sya maaaring umabsent dahil may group project silang tatapusin ngayong araw.

Hinatid ako ni Luke sa school. Hininto nya ang sasakyan sa tapat ng gate.

"I'll wait for you at the parking," paalam nya.

Tumango ako at agad na lumabas ng kotse. Agad akong pumunta ng classroom. Nadatnan ko yung iba na nagkakagulo dahil walang teacher. Hinanap agad ng mga mata ko si Frost.

"Where's Frost?" tanong ko sa president namin.

"Kasama nya ata si Brett sa canteen."

Agad akong pumunta dun. Hinanap ko sila pareho, actually may iba pang hinahanap ang mga mata ko bukod kay Brett at Frost.

Nahagilap ng mga mata ko ang dalawa. Kumakain sila habang nagtatawanan. Agad ko silang nilapitan kahit mukha silang masaya pareho. Magpapaalam lang ako promise!

Unti-unti kong nakukuha ang atensyon ng ibang tao. Nanlaki ang mga mata ni Brett ng makita ako sa likuran ni Frost dahilan para mapatingin din sya.

"BEEESSHH!!!" halos matumba na yung mesa sa bilis ng pagtayo nya.